RENETIL hasoru Mari Alkatiri – Resignasaun PM Xanana no Projetu ZEESM iha Mesa

Foto @Arsenio Bano/FB/Renetil

Diresaun RENETIL ne'ebe representa husi Executivo no CCR (Conselho Central da RENETIL) hasoru malu ohin (17/03) ho Ex-PM no fundador Nasaun Dr. Mari Alkatiri iha ninia kna'ar fatin, Timor Plaza, Dili, Timor-Leste.

RENETIL liu husi nia Sekretariu Jeral Dimetrio Amaral lori issue destakadu rua ba mesa econtro hodi koalia hamutuk ho Dr. Mari Alkatiri konaba “Resignasaun PM Kay Rala Xanana Gusmão” no “Projetu ZEESM (Zonas Especiais de Economia Social de Mercado)". Fo hanoin hikas katak Dr. Mari Alkari ma'ak representativo official Timor Leste ba assunto  "Zona Especial Economia Social de Mercado" iha Oecussi. Kna'ar nebe hetan fiar husi PM V Governu Konstitusional Kay Rala Xanana Gusmao.

Preokupasaun RENETIL nian daet ho conjuntura resignasaun PM Xanana nebe dehan sei husik kargu nudar Primeiro Ministro iha fulan Setembro tinan ne’e. Hatan ba preokupasaun RENETIL nian ne’e, Mari Alkatiri dehan "resignasaun ne'e normal, atu fó valor ba Kultura Estadu". Nia tutan ho avalia governasaun V Governo Constituicional dehan "diak liu sai iha klima ne'ebe paz no molok mandatu hotu, rezultadu governasaun mos la ajuda atu kumpri mandatu to'o hotu".

Mari mos prudente ho proposito atu passa responsabilidade governativa ba jerasaun seluk (foun) atu nune’e sira (katuas sira) bele dedika-an ba ‘buat seluk’ maske kontribui nafatin ba construção no consolidação do Estado (Nation-state).

"Diak, ami jerasaun 1975 iha liur hodi fó liu valor ba kultura, sentido de estado no instituições do estado", assegura Mari ba dirijente Renetil sira.

Konaba se se mak atu tur nudar PM depois Xanana, Jurista Mari Alkatiri defende katak "solusaun mai husi Partido Maioria mak tenki nomeia futuru PM”.

Iha biban ne’e Dr. Mari Alkatiri afasta posibilidade ba akordu revisaun konstitusional ne'ebe envolve Fretilin ho CNRT, nebe dehan ho certeza katak wainhira nia sei tur nudar Sekjer Fretilin sei laiha dalan ba revizaun Constituição RDTL no sistema governasaun.

"Enquanto sei nudar Sekretariu Jeral Partidu Fretilin sei la iha dalan ba revisaun Constitucional hodi troka sistema Semi ba Presidensialista", defende Sekjer Fretilin ho argumentu katak "Sistema Presidensialista ninia faraquesa mak Presidente bele manan maioria, maibe seidauk bele asegura estabilidade governativa. Exemplo, Presidente manan maioria maibe bele forma koligasaun foin bele governa, nune la bele garante estabilidade no Presidente la bele kontrola Governo".

Konaba ZEESM Projetu Piloto Oecusse, tuir Mari, projetu ne’e "sei lori vantajens socio-ekonomika ba populasaun Oecusse no Timor-Leste em jeral". ZEESM mos nudar resposta Timor-Leste nian ba responsabilidade global no rejional ba equilibriu dezenvolvimentu.

Wainhira kestiona konaba retorno ekonomika-financeira husi mega projetu ne’e, eis-PM sustenta criação de polos de desenvolvimento, atu nune’e bele encaixa retorno económico financeira ba pais.

"Kria polos desenvolvimentu ekonomika atu nune bele iha retorno do ponto de vista ekonomika financeira", afirma Mari hodi haktuir katak estudos ne'ebe halo husi equipa ZEESM hatudu potensialidade atu desenvolve ekonomikamente ba Timor-Leste!

FHDili, 17 Marsu 2014