 |
| Konstrusaun estrada Tibar - Gleno Foto @FH, 10/03/14 |
Tibar. Forum Hasesuk, 10/03/14. Rehabilitasaun estrada Tibar-Gleno halo parte projetu MOP nebe hetan tulun finansiamentu liu husi emprestimu ba Banku Aziatiku ba Dezenvolvimentu (ADB). Pelaksana obra ne’e mai husi kompania PP Indonesia nian e hetan supervision mak konsultan Katahira International husi Japaun.
Iha Domingo (09/03/14) equipa construção (ke’e rai) deskonfia katak sira ke’e hetan Osan-mean iha zona Riheu parte suku Tibar nian.
Ministro Obras Publicas nian, Eng. Gastão de Sousa akompana husi PMU MOP, Diretor ADN, Diretor EPCC MOP, hetan brief husi Kompania PP no konsultan Katahira konaba prosesu ke’e rai no hetan fatuk nebe deskonfia katak Osan-mean.
Presidente IPG (Instituto Petróleo e Geologia), segunda feira (10/03/14) ne’e hato’o ba STL (Suara Timor Lorosae) katak "fatuk nebe hetan sidauk bele dehan Osan-mean". Iha parte Advisor ba ADN (Agencia do Desenvolvimento Nacional), Eng. Martono, nudar especialista iha geoteknika iha Riheu haktuir katak "wainhira tau be nebe kahur osan mean turu ba fatuk nia leten hafoin hatene osan mean ka lae".
Entretanto, tuir informasaun nebe mak FH hetan asesu, Estadu liu husi Governu fo ona orientasaun atu 1) IPG halo teste ba fatuk refere. 2) Quantidade hira?
Husi parte MOP nian mos hola ona desizaun atu taka lae dalan nebe dadauk ke'e hodi hein to’o teste hatudu evidensias Osan-mean ka lae. Se teste ne’e positivu duni hafoin hakat ba solusaun loke dalan alternativa ho possibilidade harii ponte.
FH. Riheu, 10.03.14
Sem comentários:
Enviar um comentário
Nota: só um membro deste blogue pode publicar um comentário.