VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

quinta-feira, 4 de julho de 2013

Ministru Obras Publikas ho Parlamentu Nasional Vizita Estrada Dili-Mota Ain no Tibar-Gleno

Ministru Obras Publikas
Eng Gastao Francisco de Sousa
Dili, Forum Haksesuk (4/7) - Ministru Obras Publikas (MOP) no Komisaun E Parlamentu Nasional (K-E PN) halo visita de trabalho hodi hare no fiscaliza projetu estradas Dili ba Mota-ain no Tibar ba Gleno.

Vizita hamutuk MOP no K-E PN ne’ebe, ida nudar orgaun soberano ba fiscalizador ba asuntus infraestruturas no ida seluk nudar instituisaun teknika Estadu nian, nebe responsável ba konstrusaun (estradas) planu husi ministério obras publikas, ho objetivu hare besik no foti dadus ba obras konstrusaun estradas nebe liga Dili-Liquica-Mota Ain no parte Tibar ba Gleno.

Estrada Dili-Mota Ain (fronteira RDTL-RI), ne’e hetan parte balun husi projetu Grant Asian Development Bank - ADB (Liquisa-Mota Ain), no Loan ka emprestimu (Dili-Liquisa) no Tibar- Gleno.

Parlamento Nacional nudar orgaun fiscalizador, ho vizita de trabalho ne’e, iha oportunidade tun diretamente ba fatin halao obras hodi hare rasik ho matan execução ba obras refere. Enkuantu, MOP, nudar instituisaun teknikas Estadu nian, hare, nomos verifika implementasaun projetus sira ne’e mak dadauk iha hela prosesu de construção.

Obras ne’ebe mak hetan monitorizasaun mak estradas projetu R1 (Liquisa-Maubara), projetu R2 (Maubara-Mota Ain). Projetu rua ne’e (R1 , R2) halo parte iha projetus Grant husi ADB (Asian Devolepment Bank).

Durante vizita de trabalho ne’e, Deputadu sira husi Komisaun E hamutuk ho equipa teknika obras publikas, Parlamento Nacional, halo teste ba estradas no material konstrusaun hanesan fatuk no sst. Deputadu Inacio Moreira koko halo teste ba fatuk lori zilindru mak sama iha leten nakfera. Hatudu katak estradas ho ninia estrutura ho qualidade diak, tuir desenu ne’ebe iha ho supervizaun permanante husi Konsultan no Project Manager obras publicas no Asia Devolepment Bank.

Komisaun E - PN no MOP iha komitmentu la’o hamutuk hodi dudu lisuk dezenvolvimentu ba oin.

Prezidente Komisaun E - PN, Eng Pedro da Costa, konsidera projetu ne’e ho estandar ba estrada Timor nian.

“Ne’e projetu ne’ebe konsidera hanesan exemplo ba kompanias sira seluk ne’ebe mak atu halo projetu estradas iha Timor-Leste, ninia standar tenki hanesan ida ne’e”, dehan Pedro da Costa iha fatin konstrusaun estradas wainhira halo vizita ba.

Vice Presidente Komisaun E, Inacio Moreira, depois hare no halo teste, fo parabens ba Kompania sira ne’ebe mak kaer projetu hira ne’e.

Ministro das Obras Públicas, Eng Gastao de Sousa, explica razaun visita de trabalho hamutuk ho Komisaun Parlamentar Asuntus Infraestruturas nian, katak, “ne’e iniciativa husi MOP, konvida Komisaun E-PN, atu halo vizita no fiskalizasaun ba Obras sira ne’ebe mak hala’o dadaun husi Ministeriu ne’e”. Ministru mos haktuir tan katak, “estradas ne’e trosu ida importante no ninia kualidade obras tuir patraun Internasional”.

FHDili

Sem comentários:

Enviar um comentário

Nota: só um membro deste blogue pode publicar um comentário.