VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20130530

Rehabilitasaun estrada Dili-Liquisa, Deputadu Koalia Arbiru

Ministru mai koalia lia los
Liquica - Dili
Dili. Forum Haksesuk (FH). Iha Orcamentu Jeral Estadu (OJE) tinan 2012, Parlamentu Nasional (PN) aprova hodi impresta osan husi instituisoens financeiras internasionais multilaterais no bilaterais hanesan: Banku Mundial (World Bank), Banku Dezenvolvimentu Aziatiku (Asia Devolepment Bank) no JICA (Japan International Cooperation Aid) husi Japaun.


Implmentasaun ne’e liu husi projetus estradas Dili-Casa (Ainaro) imprestimu husi Banku Mundial, JICA sei rehabilita estradas husi Dili-Baucau no ADB mak rehabilita estradas Dili-Liquisa noTibar-Gleno.

Estradas sira ne’e mak sei halo no halao tuir estandar qualidade internasional. Iha loron 24 fulan Abril tinan 2013, Ministerio Obras Públicas (MOP) asina kontratu ho Empresa kontrator internasional husi Espanha, San José S.A. ne’ebe manan tender ba rehabilita estrada refere.

Iha deklarasaun ne’ebe mak ható ba Média, Deputadu Inacio Moreira,Vice Presidente Komisaun E ne’ebe trata ba asuntu Infraestrutura haktuir katak, ”Membru Parlamentu Nasional kestiona servisu Empresa Sao José S.A. (husi Espanha) tanba rehabilitasaun estradas hahu Dili-Liquisa la iha agregat saveis (fatuk rahun-red), maibe tau fali rai henek no aspal (TP, 29/05/2013)”.

Hatan ba publikasaun Timor Post (TP) nian, Ministerio Obras Públicas (MOP) iha ninia diskursu ba cerimonia loke ponte Comoro II Quinta-Feira (30/05/2013) dehan, ”Hau mos hakarak lori biban ida ne’e hodi klarifika ba publiku tomak katak notisia nebe fo sai iha Timor Post horseik kona ba Empreza Construtora San Jose hala’o obra ba Rehabilitasaun Estrada Dili-Liquisa la iha kualidade, ne’e la los. De faktu obra ne’e seidauk hahu, tamba dadaun ne’e kontratu nebe assina entre Empreza Construtora San Jose ho Ministeriu Obras Publikas sei iha hela prosesu avaliasaun husi Tribunal de Kontas Timor-Leste nian. Empreza sei hahu hala’o projetu ne’e bainhira Tribunal de Kontas fo ona vistu katak prosesu hotu nebe hala’o to’o assina kontratu tuir duni regra aprozionamentu nian”.

Tuir hakerek iha kontratu katak, ”hahu husi loron asina kontratu (24/04/2013), fó tempu loron nen-nulu (60) atu Empresa San José hodi mobiliza rekursus”, katak prazu limite ba San José S.A. mak loron 24 Fulan Junho tinan 2013.

Saturnino Soares, Estudante Faculdade Economia UNTL ba FH katak, "tuir lolos Deputadu sira nudar ajente estadu no representante povu tenki koalia baseia ba fatus maibe laos arbiru deit".

Iha Biban ne’e Ministro Obras Públicas (MOP) husu atu Média buka cek uluk informasaun molok atu publika buat ruma, tanba ita nia populasaun iha direitu ba hetan lian los.

Deklarasuan MOP konaba publikasaun Média nian,
”Hau mos hakarak lori biban ida ne’e hodi klarifika ba publiku tomak katak notisia nebe fo sai iha Timor Post horseik kona ba Empreza Construtora San Jose hala’o obra ba Rehabilitasaun Estrada Dili-Liquisa la iha kualidade, ne’e la los. De faktu obra ne’e seidauk hahu, tamba dadaun ne’e Kontratu nebe assina entre Empreza Construtora San Jose ho Ministeriu Obras Publikas sei iha hela prosesu avaliasaun husi Tribunal de Kontas Timor-Leste nian. Empreza sei hahu hala’o projetu ne’e bainhira Tribunal de Kontas fo ona vistu katak prosesu hotu nebe hala’o to’o assina kontratu tuir duni regra aprozionamentu nian. Lori biban ida ne’e hau mos hakarak husu ba media sira hotu atu konfirma didiak informasaun molok fo sai ba publiku, tamba publiku iha direitu atu hetan informasaun nebe lolos. Maski nune’e hau kontinua hato’o hau nia apresiasaun boot ba media lokal hotu ba imi nia esforsu tomak hodi fahe informasaun ba publiku. Hau iha esperansa nafatin katak, husi esperiensia ita boot sira sei sai matenek liu tan hodi hala’o ita boot sira nia knar ho responsabilidade”.
Lucia Costa, estudante husi Departementu Komunikasaun UNTL, "kestiona ba Media ninia publikasaun ne'ebe la iha balansu no la kross cek ba fontes seluk". Haktuir tan Lucia Costa, "tuir lolos jornalista no liliu editores sira kross cek lai, noticias ne'e los ka lae, minimu husu ba Obras Publicas ka Empresa ne'e rasik, hafoin bele decide hatun noticias ruma".

FHDili

Sem comentários:

Enviar um comentário

Nota: só um membro deste blogue pode publicar um comentário.