VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20130420

Xanana Ameasa Veteranos

Tanba Uza osan ba goza deit 

- Le Timor Post, Edisaun  Sabado, 20.04.2013, pajs. 1 e 19

 Forum Haksesuk  (FH). Haktuir Xanana, ”Veteranus sira oras ne’e simu ona osan barak, maibe haluha tiha kumprimisu Ukun Rasik An hodi kontinua servi ba procesu dezenvolvimentu nasional”.

Hatutan Xanana, ”Veteranus sira labele simu deit osan sosa deit kareta uza vidru metan no lakohi participa iha atividade hadia nasaun nian”. Tenik tan Xanana, ”husu atu veteranus sira kontinua hili dalan tuir kompromisu libertasaun nian”. 

Hapara Pakote ba Veteranus

Foin dadaun ne’e Maubusa nudar Veteranos haktuir ba Forum Haksesuk (FH) iha edisaun (09/04/2013) katak “atu hasae qualidade buka hapara pakote ba veteranus”.

Atu iha qualidade Obras Públicas nudar perioridade husi MOP. Hatan ba ida ne’e, Veteranos Maubusa hakturi katak, ”atu garante qualidade tenki hapara pakote ba Veteranos”. Hatutan Maubusa, ”Nudar Veteranos tenki kontribui ba desenvolvimentu Nasional”.

Iha IV Governo nia ukun, fasilita Veteranus hodi kaer projetus hanesan eletrecidades, estradas no projetus sira seluk. Faktu mos hatudu katak, iha projetus ne’ebe mak hala'o husi veteranus mos la hatudu ninia qualidade.

Tuir Veteranos seluk ne’ebe lakohi haktuir nia identidade katak, ”se ita hakarak prejetus la'o tuir standard teknikas no qualidade padrauns internasionais nian, diak liu hamenus fasilitismu no tuir prosedur normal”. Veteranus ne’e defende tan dehan, ”se ita konsciente tanba buat ne’ebe mak halo ladiak no prejudika estadu, ne’e mak kontribui ba laiha qualidade obras no publiku kontinua kestiona”.

Iha realidade hatudu katak iha kompanias ne’ebe mak hetan backing husi veteranus, maske projetus ninia qualidade la tuir estandar, maske komunidade no lideres komunitarias sira kritika no kestiona maibe veteranus sira ba defende fali kompanias ne’ebe halo la los.

Foin dadaun ne’e, Ministro das Obras Públicas (MOP) halo atividades ba “reativasaun ba pagamento eletrecidades”, Quinta-feira (04/04/2013), komunidades sira kestiona konaba projetus balun ne’ebe mak halao husi veteranus. Cita intervensaun balun husi autoridades lokais sira, nebe dehan, Komunidade mos ható konaba projetus ne’ebe mak dala barak kaer husi veteranus sira kontribui direta ou indiretamente ba qualidade obras. Kestaun ható husi Xefi suku husi Lour, ”kompanias ne’ebe dada eletrecidade rin la kumpri ninia servisu tanba la tau meteran”. Wainhira Komunidade kestiona, ”Veteranus mak defende fali Kompanias ne’ebe servisu la los”.

Publiku tomak litik no reklama konaba qualiadade Obras, Estrada áat, bé mos no eletrecidade. Hatan ba realidade ne’e Ministerio das Obras Públicas (MOP) buka hadia liu husi Organica Foun MOP nian, buka altera hodi estabelece Obras Publicas Distritus no buka atu reativu fali PMU (Project Manager) ka Pimpro ba projetus.

Problema ne’ebe Obras Públicas hatan rekursus Humanos ne’ebe limitado, iha deit 16 Engenheiros ba Estradas no pontes. Iha Timor-Leste laran tomak, total engenheiros ne’ebe mak Obras Públicas iha hamutuk 22 Engenheiros.

FH Dili!

Referencia:

1) Timor Post (TP), edisaun Sabado (20/04/2013) pajs.1-19!
2) http://www.forum-haksesuk.blogspot.com/2013/04/garante-qualidade-obras-hapara-pakote.html

Sem comentários:

Enviar um comentário

Nota: só um membro deste blogue pode publicar um comentário.