VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE
Congresso  Nacional de Recontrucão de Timor-Leste Frente Revolucionaria de Timor-Leste Independente Partido Democratico Frenti-Mudança FM Partido Socialista Timor Partido do Desenvolvimento Nacional Associação Social-Democrata Timorense União Nacional Democrática de Resistência Timorense União Democrática Timorense Partidu Republikanu Partido Libertasaun Povu 

Aileba Partido Democrática Republica de 

Timor Associação Popular Monarquia Timorense Partido Unidade Nacional Partido Milénio Democrático Klibur Oan Timor Asuwain Aliança Democrática Partido Timorense Democrático Partidu Democrática Liberal Partido do 

Desenvolvimento Popular Partido Democrata Cristão

Ohin, 7 Dezembru, Tinan 41 Liu-ba Indonesia Invade Timor-Leste (1975-2016)
7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste
TIMOR-LESTE
Ami nia mehi ma'ak Liberta ita nia Rain no Liberta ita nia Povo, Ita hotu nia Mehi ma'ak Ukun Rasik An!".


Memoria 7 Dezembru 1975 - Invazaun Militar Indonesia Mai Timor-Leste
Portugal disse aos EUA que não se oporia à invasão de Timor-Leste
Mengungkap Invasi Indonesia di Timor-Timur

Kopassus veterans mark 41 years since Indonesia's invasion of East Timor

Pertempuran sengit & berdarah di Dili, Kopassus Vs Tropaz

quinta-feira, 31 de janeiro de 2013

Surumutuk Grupo Asilo Politico

Grupo "Suaka Politik" mos movimento ida ne’ebe kontribui ba prosesu Ukun Rasik An, liliu iha kampu diplomatiku no internasionalizasaun ba Funu Timor-Leste nian iha Mundo.

Hahu husi tinan 1986, wainhira estudantes sira iha Universidade Admajaya Jacarta husu Asilo Politico ba Embaixada Holanda. Asaun iha biban neba hodi bolu atensaun ba komunidade Internasional konaba Funu Timor-Leste nian hamutuk estudantes nain 4 mak: Antonino Goncalves (Juiz Tribunal Dili), Joao da Camara (Embaixador Timor-Leste ba Japaun), Abilio Sereno (Assessor iha MCIA), Fernando Silva (Staff MAP).

Asilo Politico Grupu 29
Haksoit Lutu Embaixada Amerikana
iha Jakarta iha loron 12 fulan Novembru tinan 1994
Iha tinan 1989 estudantes sira hahu bo'ok-tan iha Embaxada Japaun no Vaticano hodi bolu atensaun ba Komunidade Internasional konaba Funu Timor-Leste. Aksaun ne'e koinside ho ajenda importante rua, ida (1); fulan Fevereiro tinan 1989 hanesan Bispo Diocese de Dili, D. Carlos Filipe Ximenes Belo haruka carta ba Sekretario Jeral ONU nian, Peres de Cuelar atu realize referendum ba Timor-Leste. Rua (2), vizita Papa Joao Paulo II ne’ebe realiza iha fulan Outubro tinan 1989. Sira ne’e hola parte asaun ne’e (tama Embaixada Japaun) mak: Fernando La Sama de Araujo (ex-Prezidente PN no atual Vice PM), Carlos Saky (assessor ba Vice PM), Embaixada Vaticano Avelinho Coelho (atual Sec. Estado do Conselho de Ministro), Marciano da Silva (Direitor asuntos Multilaterais MNE), Agapito Cardoso (empresario) e Joao Reis (Empresario).

Iha tinan 1994 hahu tan, tanba asaun preseguisaun husi inimigo iha terenu ba jovens sira maka'as, no depois Massascre de Santa Cruz 1991, jovens sira barak mak tenki halai. Iha fulan Abril 1993 jovens hamutuk nain 7 tama iha Embaixada Finlandia no Swedia, ho objetivu hanesan, bolu atensaun ba Komunidade Internasional ba kestaun Timor-Leste.

Iha fulan Novembro tinan 1994, Indonesia sai uma-na'in ba Cimeira APEC (Asia Pacific Economic Cooperation), Indonesia prepara hotu oinsa mak realiza eventus ne’e ho Sucesu. Husi parte Seguranca fo garantia maxima ba eventus ne’e, Pangdam Jaya, Jakarta, ne’ebe lidera husi Majen Hendro Priyono nudar responsavel maximo ba seguranca mobiliza rekursus hotu-hotu hamutuk 5 mil personil Kostrad, Kopassus, Infanteri no Polri ba fo seguranca. Momentu ne’eba mos Hendro Priyono lansa statetment ba Media ne’ebe polemika mak: “Selama APEC ngak ada yang demo, kalo demo tembak di tempat”. Halo movimento pro-demokrasia sira mos nakdedar hodi la brani halo demo. Enquanto husi parte Resistencia Timorense liu husi Comando da Luta sob lideranca Kay Rala Xanana Gusmao fo orientasuan hodi halo asaun durante APEC. Asaun iha APEC ho objetivu: koloka ajenda Timor-Leste iha mapa mundial; obriga Bill Clinton koalia ho Soeharto konaba isu Timor-Leste; media internasional halo kobertura ba isu Timor-Leste no obriga US hola posisaun.

Preseguisaun forsa invasora iha teritoriu Nasional Timor-Leste mos maka'as, movimentasaun ba bolu atensaun ba komunidade internasional kontinua liu husi meius oi-oin e ida mak doko husi Embaixada sira iha Jakarta. Tama iha embaixada sira ne'e automatikamente obriga rai nebe mak Timor oan sira tama ba ne’e hola posisaun no media rai ne’e rasik koalia konaba asaun sira ne’e. Nune kontinua ho asaun sira iha Embaxadas hodi husu Asilo Politico. Iha liur mos kontribui ba diplomacia internasional problema Timor-Leste nian.

Kontribuisaun importante husi Jovens Asilio Politico iha proceso iha kampu diplomatika importante, inkluindo jovens sira participa iha asauns iha kintu kantu mundo tomak, promove solidariedade internasional no liliu obriga lideransa Timor oan iha rai liur tur hamutuk hodi realize Convenção iha fulan Abril 1998, Peniche Lisboa, hodi harii CNRT (Conselho Nacional da Resistencia Timorense).

Kontribuisaun husi movimento Asilo Politico ba proceso Luta ba Ukun Rasik An ne’e importante, tanba ne’e jovens Asilo sira nebe mak namkari iha Europa hahu ona halo surumutuk iha Portugal, Holanda, Inglatera, Irlanda no fatin seluk. Sira ne’ebe iha Timor-Leste, sei halo surumutuk iha loron sabado (02/02/2013) tuku 09:00 HTL, fatin Residencia Mateus Ximenes alias Ateko, Vila Verde Dili!

FH Dili!

Sem comentários:

Enviar um comentário

Nota: só um membro deste blogue pode publicar um comentário.