Presiza Matan Kroat Ba “Buatus Deskonstruktivu”

Opini ho Editorial

STL, 15 Janeiru 2013

SOBERANIA ESTADO-NACAO
TIMOR LESTE

Foin loron 15, misaun ONU remata husi Timor Leste. Dekada premeiru ita moris ho misaun ONU (2002-2012), agora ita tama ba dekada segundu tanpa misaun ONU. Agora ita rasik mak kaer kuda tali, hamos no hadia rasik ita nia uma laran. Hametin rasik ita nia situasaun seguransa railaran, hametin unidade nasional, hakoak metin stabilidade politika nasional.

Asuntu hirak nee barometer nebe determinadu tebes ba prosesu dezenvolvimento nasional. Dekada premeiru ukun an, governu definitiva labele halao dezenvolvimento fiziku hanesan ema hotu espera tamba atensaun no orientasaun politika, hare liu ba kuda hemetin ita nia sistema administrasaun orgaun soberania no instituisaun estadu hot-hotu atu ida-idak halao ninia papel, knar, no funsaun tuir buat nebe Konstituisaun RDTL determina ona. Nomos governu nia orientasaun politika hare liu ba konflitus politika (fiziku) nebe akontese iha railaran no hetan klimak iha krizi 2006.

Ita agradece, durante dekada premeiru, buat hotu lao diak. Orgaun soberani no instituisaun hot-hotu halao ona ninia funsaun ho diak mesmu buat barak sei falta, liliu rekursu humanu, maibe em geral, ita hare orgaun hot-hotu halao ona sira nia knar. Agora ita tama ona ba faze segundu (dekada segundu). Faze dezenvolvimento nasional, faze atu dezenvolve seitor hot-hotu. “Mai ita hisik kosar hamutuk hodi dezenvolve ita rain, hadia ita nia povu”. Tama ba iha prosesu faze segundu nee, rubrika nee hakarak fo hanoin ba populasaun tomak atu koidadu ba buatus bar-barak nebe mosu iha ita nia sosiedade nia leet, nomos buatus husi railiur nebe iha ninia objectivu hakarak fera rahun ita nia unidade nasional no estraga stabilidade politika nasional.

Ita fiar katak, populasaun Timor Leste maka hadomi tebes ninia nasaun, sei la iha hanoin at atu estraga, kria situasaun deskontruktivu. Maibe, parte seluk mos, ita tenki matan kroat no neon nain ba buatus oioin nebe hakarak fera rahun unidade nasional (bahaya laten).

Nudar pais foun, ita nia failansu barak, frajilismu mahar. Kondisaun nee fasil ba ema balu (interna ka externa) aproveita no politiza hodi manan sira nia interesaun politika. Satan Timor Leste kental ho problema pipeline mina Timor (atu dada ba Australia ba mai Timor Leste), planu governu atu explora minarai parte do sul Suai, no sel-seluk tan.

Mesmu ita la hare ho matan, maibe ita bele rona no diskonfia liuhusi buatus oioin karik mosu iha sosiedade nia leet. Loron hirak nia laran, via internet ita lee noticia konaba deklarasaun Chefi Estadu Maior F-FDTL, Maior General Lere Anan Timor konaba Timor Oan iha Indonesia atu fila fali mai Timor Leste. Iha deklarasaun nee, Maior General Lere hateten katak, Timor Leste keberatan sekuandu Timor Oan iha neba atu fila fali mai. Kuandu fila fali mai, nia dehan, bele kria problema oioin. Bele hamosu klaim oioin konaba sira nia rai no rikusoin sel-seluk. Deklarasaun nee hamosu reasaun maka’as iha Indonesia. Maibe kuandu ita hare lolos no momos, deklarasaun Maior General Lere nee buat normal. Laos “kartu mati” ida ba sira iha neba. Nomos laiha orientasaun atu ganggu ligasaun entre nasaun rua. Maibe hakarak fo hanoin deit ba governu no estadu atu prosesa didiak bainhira atu simu Timor Oan iha Indonesia fila fali mai. Labele tama mai liuhusi “dalan laho” maibe presiza prosesa liuhusi mekanismu ida maka kredibel. Keta simu deit nunee.

Problema sira atu fila ka la fila, ida nee sira nia direitu i Konstituisaun RDTL garante. Problema importante ba ita maka “seberapa dalam sira nia nasionalismu, patriotismu, ba RDTL”. Tinan barak nia laran sira hakoak Merah Putih, kuandu sira fila fali, sira bele hakoak metin Bandeira Nasional ka lae?. Kestaun xavi ba asuntu nee, laos problema like and dislike, maibe tentasaun post conflict ba futuru. **

http://suara-timor-lorosae.com