VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

terça-feira, 6 de novembro de 2012

Kooperasaun Timor-Leste ho Republika China iha area infraestruturas

Dili. Ministro Obras Pública, Eng. Gastao Sousa, halao encontro ho Embaixador Republika Popular China iha Timor-Leste hodi haksesuk malu konaba kooperasaun bilateral entre rai Rua, Timor-Leste no Republika Popular China, liliu iha setores infraestruturas, surumutuk ne’e halao iha knua Ministerio Obras Públicas iha Mandarin, Dili.

Governu Timor-Leste ho China, iha ona planu kooperasaun iha setores infraestruturas, hanesan projetu ba Porto, Aeroporto, dranagen, estradas no pontes. Iha biban ne’e Embaixador Chinesa ba Timor-Leste, Sr. Su Jian ható katak Governo China pronto atu participa iha konstrusaun ba Drenagen no obras sira seluk. Obras sira ne’e, hetan financiamentu modelu koncesaun imprestimu (loan) husi Governu China. Hein deit atu acelera.

Hatan ba ida ne’e, Ministerio Obras Pública, Eng. Gastao Sousa, haktuir katak, ”realsa kooperasaun entre rai Rua, Timor-Leste no China hodi acelera procesu desenvolvimentu”. Kontinua MOP, ”buka atu acelera konaba imprestimu koncesionais husi China, hodi financia ba projetus hanesan Dreanagen, portos no Aeroportos”.

Iha biban ne’ e mos, MOP ható importante konaba kapacitasaun ba rekursus humanus iha Ministerio, tanba qualidade Rekursus Humanus importante hodi acelera desenvolvimentu. Tanba infraestruturas nudar setor vital no importante ba desenvolvimentu rai ne’e nian. Importante mos tanba Timor-Leste atu tama ba membro ASEAN, kompetisaun ho rai membros ASEAN importante.

Hatan ba ida ne’e, Embaixador China ba Timor-Leste, Sr. Su Jian, “realsa katak Governu Chinesa iha planu atu fo treinamentu ba pesoal teknikas iha MOP, depende ba necesidades ne’ebe mak Ministerios iha”.

Fonte: Timor Post (06/11/2012,paj. ekonomika)!

Sem comentários:

Enviar um comentário

Nota: só um membro deste blogue pode publicar um comentário.