VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20120609

POLITIKA TUIR KONTEKSTU ESTADU DEMOKRATIKA


Hosi:
Carmelindo da Silva Caetano*

Tuir hakerek nain katak lolos ita ladun presija atu transmite ba malu ona saida maka lia fuan politika, aplikasaun politika ho ninia objetivu kontekstual tamba Timor-Leste infrenta halao politika desde kolonial sira nia tempu ate agora, ne’e katak povu Timor mos bele, realidade konkretu hatudu katak ita konsege halo buat balun nebe diak tebes ba estadu ida ne’e, maibe ita mos la ses an husi teknika politika balun nebe halo povu balun mantein sai vitima ba asuntu ne’e. Nune’e, posibilidade ita sai vitima nee tamba ita ladun hatene termus politika ou sistema politika? posibilidade ita ladun hatene aplikasaun ka la-laok politika? posibilidade ita ladun hatene objetivu ka tamba sa ita halao politika? posibilidade ita ladun hatene etika politika? posibilidade ita halo finzi ladun hatene regras politika?

Dala ruma wainhira ita tur hamutuk, kualia halimar ho kolegas sira, sira dehan katak politika ne’e tenki lohi, hato’o programa ba povu sira idepois ikus la halo tuir no laiha transparante, propaganda negativu, utilize qualker meus hodi hetan objetivu, se politika ne’e lao tuir ninia dalan di-diak entaun ne’e laos politika. Idepois la-laok pratika politika rai laran balun ita hare  mos quaze atu hanesan duni tuir intrepretasaun hirak ne’e, nebe ita povu bai-bain dala ruma tur hamutuk kualia buat sira ne’e maluk balun hatete katak imi kualia ida ne’e imi la manan buat ida, nebe ita hare mos atu los oituan no ita hotu atu desliga buat hirak ne’e para sente diak maibe ikus mai ita la konsiente infrenta nafatin sai vitima liu husi monta sistema politika ho ninia la-laok sira nebe balun ladun justu no provoka konflitu social iha ita le’et. Ho nune’e, ita hotu presija loke matan no labele sai hanesan bola husi elit pesoal politika sira ka membru komunidade balun nebe sidauk toma atensaun ba etika politika. Tan ne’e, posibilidade laiha sala nudar Timor oan reforsa malu fali ba regras politika nebe reprezentativu maske hatene politika no halao ona, se lahatene balun entaun esforsu buka hatene ho meus oi-oin hodi aumenta kapasita an halao politika nebe saudavel, ita mos tau konsensia katak halao politika laos buat kman ida no laos transforma buat sira nee sai perfeitu maibe maizumenus esforsu netik minimiza pratika politika balun nebe ladun  iha valor entre ita hodi nune’e estadu ida ne’e mantein kontinua be-beik pasu netik ba oin ho progresivo laos ba kotuk ba oin, ba kotuk ba oin.

Sentidu liafuan politika tuir matenek nain balun nebe quinesido iha mundu, teoria klasiku matenek nain husi Yunani, Aristoteles (322 SM) katak politika ne’e esforsu nebe tenki hetan ou to’o husi sidadaun estado hodi hetan buat diak hamutuk nian. Ninia maluk Yunani ida tan Socrates (469 SM) katak siensia politika ne’e siensia ida nebe foka ba problema publiku ba hot-hotu ninia diak(Public good) hanesan struktural ideal nomos justisa. Ida tan, Joyce Mitchel husi estranjeiru mos iha ninia livru Analizasaun politika no politika publiku/Political Analysis and Public Policy: “Politika katak foti desizaun kolektivo ou halo politika publiku ba entidades populasaun tomak (Politics is collective decision making or the making of public policies for an entire society). Lia fuan politika nebe atu hanesan mos liu husi livru matenek nain Indonesia sira katak politika ne’e kona ba objetivu entidades hotu laos objetivu individual, aleide ne’e politika ne’e kona ba aktividade grupu inklui partidu politika (Miriam Budiarjo, Kemal Fasyah, dan Efriza; Kona ba Teoria Politika, Depok, 2005, Pag 8). Tuir lian Indonesia, politika ne’e hanesan taktika, meus, asaun kona ba governa ka ukun (kekuasaan).

Husi kada argumentu definitivu kona ba liafuan politika sira ne’e ita bele foti elementu (unsur-unsur) hanesan tuir mai: iha populasaun ka entidades publiku ho aspirasaun nebe quaze atu hanesan (freedom), iha autoridade nomos iha estado. Buat sira ne’e identiku ba malu no elementu/unsur-unsur inklui hotu iha laran maka foin dehan ne’e politika, se iha elementu autoridade nomos elementu populasaun maibe laiha elementu estadu ne’e laos temi “politika”. Nebe la los wainhira ataka malu iha familia uma laran ou kria regras ida iha neba dehan ne’e politika maka ne’e, hau hanoin ida ne’e laos politika mais ne’e buat seluk ida nebe iha parte balun susar detekta nsst. Husi definisaun termus politika hirak ne’e ita bele foti konklusaun badak ida katak politika ne’e esforsu teknika ida husi autoridade (authority) ba hot-hotu ninia diak iha kontekstu estadu. Portantu, ita lalika intrepreta lian politika nomos ninia pratika tuir ita ninia hakarak ka benefisiu idividualista deit maibe buat sira ne’e iha limitasaun nebe determinado ona husi lei, ita espera katak liu husi politika maka ita halo lei maibe enquando konsagra legal ona, entaun implementasaun ne’e mandatoriu kecuali ada kecualinya nebe liga ba interese nasional bele ha ses oituan lei maibe ne’e mos faz konta tuir lei hela purque tenki prense mos rekezitus ka kriteriu lai maka foin temi liga ba interese nasional, husi buat hirak ne’e parte ida hatudu katak politika laos nar-naran politika deit maibe buat sira nee iha regras ou kontekstu, hanesan ita Timor oan nian maka politika tuir kontekstu estado  demokratika Timor-Leste, buat ida demokratika ne’e identiku ho lei (rule of law), signifika katak misaun ou kada actividade politika, programa politika tenki estandariza tuir prinsipiu demokratika.

Relasionado ho kontekstu politika ita bele hare iha artigu konstituisaun RDTL tuir mai: Artigu 1 pontu 1, Repúblika Demokrátika Timór-Leste katak Estadu ida-ne’ebé demokrátiku, soberanu, ukun-an no ida-mesak, harii hosi povu nia hakarak no iha respeitu ba dignidade emamoris ida-idak nian. Artigu 2 pontu 1, soberania haktuur metin iha povu , ne’ebé hala’o soberania ne’e tuir Lei-Inan haruka, pontu 2 Estadu hakruuk ba Lei-Inan no lei-oan sira. Artigu 62, (Titularidade no ezersísiu podér polítiku nian), podér polítiku iha povu nia liman, ne’ebé sei hala’o tuir Lei-Inan haruka. Artigu 65 pontu 1, orgaun eleitu soberania nian ho podér lokál sei hili tuir eleisaun, hosi eleisaun universál, livre, diretu, sekretu ema ida votu ida, nsst. Artigu 70, pontu 1, partidu polítiku sira partisipa iha órgaun kbiit polítiku nian tuir sira-nia reprezentatividade demokrátiku, bazeadu iha eleisaun universál no diretu, pontu 2, Iha rekoñesimentu ba partidu polítiku sira-nia direitu atu hala’o opozisaun demokrasia, nune’e mós direitu atu simu informasaun, regulár no diretu, kona-ba lala’ok asuntu principal interese nasaun ninian.

Politika ita monta no implementa di-diak hodi hetan objetivu estadu nebe orientasaun ba iha interese nasaun nian tuir ita hotu nia ejijensia, hanesan uluk funu ho kaer objetivu ukun rasik an, ita monta estrategi kapas, frente armada, klandestina no diplomatiku hodi manan ukun an, dadauk nee ita luta tan hodi hadia povu nia moris sai dezenvolvido antaun reforsa mantein kria misaun ou aktividade nebe tenki apar ho ita nia objetivu estadu nebe fo valor ba umanidade, fo valor ba prosesu demokratizasaun nebe sai hanesan ita nia dotrina as da-dauk ona, fo valor ba justisa nomos fo valor estadu nebe providensia (Artigu 6 Kontituisaun RDTL, objetivu estado). Entaun, tenki intrepreta politika tuir ninia kontekstu, kria sistema ka politika ida nebe qualidade, ezemplu ita iha komisaun nebe servisu ba entidades hodi tuir kriteria hari partidu, halao politika, karik partidu ruma iha dotrina, misaun nomos posisaun strutural internal partidu nebe hanesan los ho partidu ida seluk entaun bele rejeita, mantein utilize di-diak ho sistema data base nebe integradu ba prosesu hare quantidade membru partidu sira para laiha dupla ka doble ou termus balun ema dehan politika kama rua. Instituisaun kompetente sira labele ha susar prosesu votasaun, ita bele vota iha fatin nebe-nebe deit (elisaun Presidente) nsst, ita monta lei(kontiudu) ladun prense asunto sosio, ita rasik ba prekupa fali, nebe tenki mantein kuidadu ho prosesu halo lei sira ne’e tamba bele implika ita sai vitima ba lei sira ne’e, define no halao kriteria di-diak ba kandidatu presidente sira kona ba  aspeitu saude, tamba ita  labele halimar ho ema nia saude hodi halo knar publiku hodi nune’e ba ita hotu ninia diak. Politika tenki tuir regras nomos reforsa etika politika nebe diak, ezemplu problema pasado petisaun nebe rezolvido ona lalika ke’e tan ou politiza iha prosesu kampanye tamba buat sira nee bele mos hamosu tendensia konflitu foun fali, kada partidu ka partisan la bele sunu uma ka estraga sasan, ataka malu tamba buat sira nee krimi nebe bele implika ba ita pesoal ba Rate, Hospital no Prizaun, liafuan kada subjeitu politika (Politisi) sira labele hatun malu idepois ikus dehan politika mak ne’e, labele hatene ona politika maibe halo vinzi lahatene politika nsst, ita tenki mantein kuda espiritu idealisme, nasionalisme no patriotisme iha vida estadu ida.

Politika lao diak tenki entidades hotu (mayoridade) iha konsensia politika, wainhira iha konsensia politika  ita fiar katak ita-povu sei hili ema nebe qualidade sai servidor publiku hodi serve ita ba dezenvolvimentu multi seitoral nebe ho pasu progresu ou dinamiku.

* Carmelindo da Silva Caetano
Hela Fatin, Delta III, Dili, Timor-Leste
Email: lindolindo20022002@yahoo.com
Artikel nee hasai iha STL, dia 30-Maio 2012
 

Sem comentários:

Enviar um comentário

Nota: só um membro deste blogue pode publicar um comentário.