VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20111111

Joven Hahu Luta Ba Ukun Aan

Istoria mos hakerek ona, katak ema barak maka ba ukun aan, maibe maioria husi luta nain mai husi joven sira. Hanesan ema joven barani enfrenta situasaun oin, maske hasoru kroat no amesa oin oin, joven sira hakat ba oin ho aten barani hodi hetan sira nia objetivu.

Joven Timor Lorosae, iha nia istoria no iha kredibilidade, tanba ukun aan nee, joven sira fo sira nia kontribuisaun esklusivu iha prosesu luta nian. Esperitu atu hetan ukun aan, sai hanesan razaun ida, katak ukun aan hanesan direitu fundamental ba komunidade ou povu ida nebee hela iha ida nia leten.

Tanba nee wainhira prosesu luta ba ukun aan, lao neneik hela no kuaze la rona iis, aswain joven sira hamrik hasoru kilat musan hodi hatudu sira identidade katak sira hakarak ukun aan ou haketak aan husi nasaun. 12 Novembru 1991, haklaken sira nia ejijensia katak ukun aan dala uniku ba sira. Joven rihun mate iha biban nebaa, no ho biban 12 Novembru loke luan liu tan prosesu ukun aan. 12 Novembru hatudu mos ba mundu tomak, katak povu Timor Lorosae hakarak ukun aan, no lakohi sai sidadaun Indonesia.

Vokasaun joven sira nia ba ukun aan mahar tebes, tanba nakonu ho espiritu nasionalismu. Tanba sira mehi katak atu hadia aan no promove demokrasia, dezenvolvementu, lei no justisa wainhira Timor sai nasaun ida.

Ohin ita prosesu ukun aan, iha ona nasaun no iha ona demokrasia, maibe joven barak oras nee, sei sai hanesan penonton iha prosesu rekonstrusaun nasaun ida nian. Tanba sira (joven) falta kapasidade, abilitasaun literaria hodi enkuadra aan iha konstrusaun nasaun no dezenvolvementu nasional.

Tanba nee saida Komite 12 Novembru halo hodi halo kongresu dahuluk, hanesan pasu ida hodi halibur opiniaun hodi meius ida hodi rezolve papel joven sira nian iha prosesu konstrusaun estadu. Tanba nee sira tenta atu haree no rona hotu sira nia lian atu lao ba oin hamutuk ho programa ida diak liu tan.

Ohin loron nee, importante liu atu valoriza sira nia sofrimentu hodi servisu ba prosperiedade Timor nian. Sofrementu sira nee bele iha ninia hun, primeiru ita tenki harii toleransia iha Timor no iha ita nia rai, ita hametin ita nia estabilidade, dezenvolve ita nia rai atu ita nia povu bele moris diak, no sira (martires-red) bele sente katak terus ba ita nia rai. Ita hein

Opini ho Editorial
STL, 10 Novembru 2011

Sem comentários:

Enviar um comentário

Nota: só um membro deste blogue pode publicar um comentário.