Dili. Forum Haksesuk (FH). Fernando Lasama de Araujo nudar kandidatu ba Presidente Republika (PR) 2012, hahu prepara dau-daun ninia equipa ba kampanye. Tuir fonte FH nian katak, "Lasama fo fiar ba Joao Boavida maka nudar koordenador Nacional ba kampanye Presidensial kandidatura Lasama nian". Alem Joao Boavida, equipa kompostu husi Joao Martins (dekanu Fakuldade Medicina UNTL), no seluk tan.
Tuir vice Presidente PD, Adriano do Nascimento ba Jornal Independente katak, "partidu balun apoio Lasama ba PR". Haktuir tan Adriano do Nascimento, xefi bankada PD iha Parlamento Nacional (PN)," militante partidu balun, husi CNRT, Fretilin, PSD no sel-seluk tan maka manifesta sira nia apoio ba kandidatura Lasama ba PR 2012". Tenik tan Adriano do Nascimento," kandidatura Lasama prepara desde 2007 mai, no ho esperiencia sira ne'ebe iha no hetan kaer knar nudar orgaun soberania Nasaun nian, to'o ona biban hodi kaer knar ne'ebe as liu iha RDTL, maka Presidente Republika", hakerek Jornal Independente, edisaun quinta-Feira (06/10).
Lasama oras ne'e dau-daun kaer knar nudar Prezidente Parlamento Nacional ba tinan lima, husi 2008 to'o 2012. Iha periudu krise ho atentadu kontra PR Jose Ramos Horta no PM Kay Rala Xanana Gusmao, iha loron 11.02.2008, Lasama hetan esperiencia kaer knar nudar Prezidente Republika Interinu (PIR) hodi fo respospa eficaz ba krise ne'e. Ho esperiencia pragmatica no visaun progresista hirak ne'e, sai hanesan bagajem ba Lasama hodi halai taru no manan Eleisaun Presidencial 2012 - 2017!
Fonte: Jornal Independente (06/101/2011, pajs.1 e 11)!
Sem comentários:
Enviar um comentário
Nota: só um membro deste blogue pode publicar um comentário.