Eis Primeiru Ministru (PM) Inglatera, Tony Blair afirma ba Primeiru Ministru (PM) Kay Rala Xanana Gusmão katak, nia parte apoia Planu Estratejiku Desenvolvimentu Nasional (PEDN), tanba PEDN sei fo moris diak ba povu Timor Leste, PM Xanana konsidera, ne’e grasa bot ba Timor Leste.
Lider istoriku Inglatera Tony Blair ho lider karismatiku Timor Leste Kay Rala Xanana Gusmão ne’e, hasoru malu iha Palacio do Governu, Segunda (22/8).
Iha hasoru malu ho Xefi Governu Timor Leste, Eis Primeiru Ministru Inglatera ne’e hateten, nia parte apoia PEDN, tanba nasaun ida atu desenvolve nia rain lao ba oin, presisa planu, ne’eduni bainhira iha ona planu, desenvolvimentu mos bele avansa ba oin.
Tony koalia, nia parte senti kontenti, tanba visita rai Timor Leste i nia hasoru malu ho Primeiru Ministru Xanana Gusmão konaba relasaun rai rua nian (Inglatera ho Timor Leste).
Tony mos afirma, Timor Leste ho nia lideransa Xanana Gusmão, sei halo desenvolvimentu ne’ebe diak ba povu ida ne’e, ne’eduni mantein nafatin desenvolvimentu ne’ebe halao agora, hodi desenvolve futuru nasaun ne’e ba oin.
“Hau kontenti hamutuk ho Xanana ohin, hau iha esperansa ba futuru rai ida ne’e ba oin ho desenvolvimentu ne’ebe diak,” koalia Tony.
Iha oportunidade hanesan, Primeiru Ministru Xanana Gusmão ne’ebe simu eis Primeiru Ministru Inglatera ne’e koalia, sorumutu ida ne’e onra ba Timor.
“Hau bele dehan, ita hetan onra ida bot teb-tebes hodi hasoru malu ho eis Primeiru Ministru Inglatera, ne’ebe uluk fo apoia ba ita, li-liu hau sei iha Jakarta, hau sai husi prizaun ba embaixada i depois mos nia iha Governu mos sempre fo apoia ita makas,” koalia PM Xanana.
PM Xanana koalia, bainhira nia mai iha ne’e, Timor Leste bele dehan katak, fo motivasaun bot teb-tebes ba Timor oan tomak.
“Nia prizensa iha ne’e hanesan amigu bot ida i mos nia hanesan ema kuinesidu bot ida iha Europa, Tony mos iha Afrika i servisu hamutuk ho maluk sira seluk no rai sira seluk mos presisa tulun, ne’eduni ita tenki kontenti teb-tebes, tanba nia mai iha ne’e laos fo motivasaun deit ba ita, mais husu no espera katak, ita lao nafatin hanesan ne’e, hodi bele hadia ita nia rain no hadia ita nia futuru,” katak PM Xanana.
PM Xanana mos fo agradesimentu bot teb-tebes ba eis Primeiru Ministru Inglatera, hodi marka nia prezensa iha ne’e hodi fo motivasaun bot ba Timor Leste.
Fonte: Jornal Nacional Diario (JND), edisaun Tersa-Feira (23/08/2011, paj. 1 e 15
Texto e Foto: João da Silva, Journalista!
Lider istoriku Inglatera Tony Blair ho lider karismatiku Timor Leste Kay Rala Xanana Gusmão ne’e, hasoru malu iha Palacio do Governu, Segunda (22/8).
Iha hasoru malu ho Xefi Governu Timor Leste, Eis Primeiru Ministru Inglatera ne’e hateten, nia parte apoia PEDN, tanba nasaun ida atu desenvolve nia rain lao ba oin, presisa planu, ne’eduni bainhira iha ona planu, desenvolvimentu mos bele avansa ba oin.
Tony koalia, nia parte senti kontenti, tanba visita rai Timor Leste i nia hasoru malu ho Primeiru Ministru Xanana Gusmão konaba relasaun rai rua nian (Inglatera ho Timor Leste).
Tony mos afirma, Timor Leste ho nia lideransa Xanana Gusmão, sei halo desenvolvimentu ne’ebe diak ba povu ida ne’e, ne’eduni mantein nafatin desenvolvimentu ne’ebe halao agora, hodi desenvolve futuru nasaun ne’e ba oin.
“Hau kontenti hamutuk ho Xanana ohin, hau iha esperansa ba futuru rai ida ne’e ba oin ho desenvolvimentu ne’ebe diak,” koalia Tony.
Iha oportunidade hanesan, Primeiru Ministru Xanana Gusmão ne’ebe simu eis Primeiru Ministru Inglatera ne’e koalia, sorumutu ida ne’e onra ba Timor.
“Hau bele dehan, ita hetan onra ida bot teb-tebes hodi hasoru malu ho eis Primeiru Ministru Inglatera, ne’ebe uluk fo apoia ba ita, li-liu hau sei iha Jakarta, hau sai husi prizaun ba embaixada i depois mos nia iha Governu mos sempre fo apoia ita makas,” koalia PM Xanana.
PM Xanana koalia, bainhira nia mai iha ne’e, Timor Leste bele dehan katak, fo motivasaun bot teb-tebes ba Timor oan tomak.
“Nia prizensa iha ne’e hanesan amigu bot ida i mos nia hanesan ema kuinesidu bot ida iha Europa, Tony mos iha Afrika i servisu hamutuk ho maluk sira seluk no rai sira seluk mos presisa tulun, ne’eduni ita tenki kontenti teb-tebes, tanba nia mai iha ne’e laos fo motivasaun deit ba ita, mais husu no espera katak, ita lao nafatin hanesan ne’e, hodi bele hadia ita nia rain no hadia ita nia futuru,” katak PM Xanana.
PM Xanana mos fo agradesimentu bot teb-tebes ba eis Primeiru Ministru Inglatera, hodi marka nia prezensa iha ne’e hodi fo motivasaun bot ba Timor Leste.
Fonte: Jornal Nacional Diario (JND), edisaun Tersa-Feira (23/08/2011, paj. 1 e 15
Texto e Foto: João da Silva, Journalista!
Sem comentários:
Enviar um comentário
Nota: só um membro deste blogue pode publicar um comentário.