La'os Grecia. Ne'e Kapitalismu, Estupida!

Husi)* Atilio Borón

Media sira, konsultoris, ekonomistas, bankus investimentus, presidentes bankus centrais, ministrus desenvolvimentus sira, governantes sira hotu, la iha buat seluk atu koalia, koalia maka “krise Grega”.

Tanba ida ne’e mal-intencionadu, ne’e hanesan biban ida hodi haktuir fali kampanye ne’ebe ható husi Bill Clinton hodi dehan no insiste katak Krise ne’e Kapitalismu nian, laos Grecia. Tanba rai ne’e, konsidere nudar parte fraku husi kadeia imperialista no tanba nia maka oras ne’e nakfera ho esklosaun husi kontrdisoes sira hotu, ne’ebe lao la ho kontrola.

Alarme husi kapitalista, la iha duvida hodi justifika katak, Grecia Monu sei arasta ba rai sel-seluk hanesan Espanha, Irlanda, Portugal no kompromete seriu ba estabilidade ekonomia no politika husi principais potensias iha Uniaun Europeia.

Tuir lian tatoli husi imprensa financeiraus internasionais, representantes husi grupos intereses “Komunidade negocios” (sani: Oligopólios ne’ebe kontrolam ekonomia mundial), resistensia populares kontra medidas austeridades propostas husi eis-Presidente Internasional Socialista no atual Primeiru-Ministru Grego, Georgios Andreas Papandreu, ameasa joga liu husi janela, ninia esforsus hotu-hotu to’o oras ne’e atu realiza hodi menimiza krise.

Aflisaun espala no patraun sira hasoru difikuldades ne’ebe atravesa iha Atenas hodi impor politikas brutais exiji husi sira ne’ebe sai salvadores. Ho nia razaun hotu no justisa tomak, Trabaladores sira lakohi responsabiliza husi krise ne’ebe provoka husi jogadores prinsipais iha Finansas, no ameasas ho explosaun social, ne’ebe bele dait ba Europa tomak, ne’be bele paralisa lideransas governamentais grega no europeias nian .

Injesaun Fundus husi Banku Central Europeia, FMI no rai principal sira iha zona Euro la tulun buat ida maibe halo grave liu tan krise no fomenta ba movimentus espekulativa husi Kapital Financeiras. Resultadu ne’ebe bele hare ho matan maka aumenta esposisaun husi Bankus Europeus ne’ebe mosu mai hanesan inevitavel maka adopta medida konaba moratorium grego.

Konece receitas tuan husi FMI, Banku Mundial no Banku Central Europeia: hatun salaries no pensaun, despedimentus barak ba funcionarius publikus, privatizasaun ba empresas estatais ka publiku no desregulamentasaun ba merkadu hodi atrai investimentu. Sei mosu ninia efeitus hanesan, rai sira iha Amerika Latina sofre, hanesan notoriu liu ba Argentina. Parece saida maka Grecia hasoru iha dalan ba saida maka Argentina hasoru iha dezembru tinan 2001,Indonesia no Asia sira seluk hasoru iha tinan 1997(98).

Husik ba sorin diferensas ruma ne’ebe normal, maibe hanesan deit prognostika ba ida ne’e. Projetu ekonomika ne’e hanesan, maka neoliberalismu no ninia politika soke; atores prinsipais sira hanesan, maka FMI no Asu sira nudar guarda ba Imperialismu iha eskala global; sira ne’ebe manan maka hanesan, kapital koncentradu no liliu ba banka no finansas; sira ne’ebe lakon maka hanesan, asalariadus sira, trabaladores no setores populares; resistensia social ba politika sira ne’e maka forsa sira ne’ebe mobiliza iha Argentiana 2001,no iha Asia iha tinan 1997(98). Ne’e dificil atu imajina hanesan “Soft landing”, atu hakalma,iha krise. Previsivel ne’ebe provavel maka kontrariu, hanesan akontese iha Amerika Latina no Asia.

Klaru iha diferente ba krise Argentina (2001), Asia (1997/98) ho krise Grega ne’ebe ninia destinu ba impaktu global, ninia konparasaun sei bot liu. Tamba ne’e Mundu negocius kontempla ho tauk iha posivel hetan “contágio” husi krise no ninia efeitu ne’ebe devasta rai sira kapitalismu metropolitan. Estima katak divida publika Grega alkansa ona 486 Bilauns Dolares Amerikanu no representa 165% husi PIB Nasaun nian. Ida ne’e tanba akontese iha rejiaun ida, bolu”Eurozona”, iha ne’eba ninia tusan sae to’o 120% husi PIB rai sira pretense ba eurozona, hanesan kasu Alemanha( ho cerka 143%), Fransa (188%) no Englatera (398%).

Mos labele haluha katak, ida ne’e mos, divida publika husi Estadus Unidus Amerika alkansa ona 100% husi nia PIB. Habadak ho lia fuan ida deit: Kapitalismu Global nia fuan hetan moras grave. Ho ninia kontra posisaun, divida publika Cina ninia relasaun ho ninia PIB ne’ebe bot, hetan deit 7%, Koreia Sul iha deit 25%, Vietnam iha deit 34 %. Iha biban ne’ebe deit ekonomia, ne’e sempre politika, transforma iha matematika no numerous mos konta. Melodia muzika nian sempre hananu katak rai sira ne’e iha ona dalan ba abismu no ninia situasaun la sustentavel ona.

Divida grega-exita husi desimulasaun jestaun no desenvolve husi klik kriminosu intereses husi governu Konservador grego Kostas Karamanlis no Banku Investimentu favorite husi Uma Mutin (Casa Branca), Goldman Sachs- financia barak liu banku Europeia, principal liu husi Alemanha, no parte witoan husi Fransa. Oras ne’e dadaun kredores sira iha surat tahan hetan divida ne’ebe qualifika ninia risku Standars & Poor’s(S & P) klasifika nudar pior iha mundu, CCC, ne’e, iha kreditu hanesan devedor insolvente no la iha kondisaun hodi selu.

Iha hanesan ka pior posisaun hetan husi posisaun Ultraliberal Banku Central Europeia, razaun ne’ebe husi “krise Greco” sei lori konsequencia kataklismikas ba ministru finansas lolos Uniaun Europeia nian, situa iha marjen kualker kontrolu demokratiku. Lakon ba estadu membru maka hanesan problema nia hun ba bankarota grega, laos kompromete deit ho bankus sira ne’ebe temi ona, maibe dait to’o ba rai sira ne’ebe mos hasoru problema, hanesan Espanha, Irlanda, Italia no Portugal, ne’ebe hola medidas tenki suporta ho jurus ne’ebe áas husi sira, atu bele hodi equilibru ba sira ninia problemas finansas. La prezisa esforsu ho imajinasaun hodi hatene saida maka akontese wainhira grego sira suspende unilateralmente pagamentus, ninia primeiru impaktu sei konaba linya flutuasaun iha Europeia,liliu ba Alemanha.

Problemas krise Grega ( no Europeia) ne’e ninia hun ne’e lolos problema estrutural. La dehan deit katak ne’e eros ka perkalsus ne’ebe la espera se lae hatudu husi klase rezultadu previsiveis no hein wainhira espekulasaun no parasitismu rentista hetan postu komandu konaba procesu akumulasaun Kapital.

Tamba ne’e, hare fali ba depresaun bot iha tinan 30 sekulu XX, John Maynard Keynes rekomenda, iha ninia célèbre “Teoria Geral da Ocupação, Juros e o Dinheiro”, pratika eutonasia husi rentista hanesan kondisaun indespensavel hodi garante ba krescimentu ekonomiku no reduz flutuasaun ciklika endemikas iha kapitalismu. Ninia advise sira ne’e la hetan konsiderasaun no ohin loron setores sira ne’ebe apropria tiha hegemonia kapitalista, ho ninia konsequensia maka ita hotu infrenta.

Komenta konaba krise ida ne’e, Istvan Meszaros hateten iha loron hirak liu ba katak” krise estrutural buka dalan ba solusaun mos estruturais”, buat ne’e ba sira ne’ebe administra hela krise ne’e rasi, kontra. Sira pretende kura moras ida ne’ebe ninia estado grave los ona ho aimoruk aspirina musan ida. Ne’e Kapitalismu maka hasoru krise no atu sai husi krise, impresendivel sai husi kapitalismu, supera ho sistema ne’ebe alternativu ne’ebe konduz humanidade , hasai husi Holocausto nia let ne’ebe provoka sofrimentus no degradasaun ba meiu-ambiente ne’ebe la iha precedentes.

Tamba ne’e ita bolu sala “krise Grega” laos hanesan ne’e; ne’e, iha nia fatin, sintoma ne’ebe aguda liu krise jeral husi kapitalismu, ne’e maka meius komunikasaun burgesa no imperialismu asegura hela iha tinan tolu nia laran, hato katak krise ne’ebe iha ninia dalan ba superasaun ka rekoperasaun, maske buat hotu hatudu ba dalan pior. Povu Grego, ho ninia firme resistensia, demonstra ninia disponibilida hodi hakotu sistema ne’ebe la viavel ona, laos ba tinan naruk, maibe iha tinan badak nia laran.

Buka akompa funu ka luta ne’e ho organiza solidariedade internasional hodi evita represaun ne’ebe makas sai nudar objeto, metodu kapital hodi buka solusaun ba problemas ne’ebe kria ninia “exorbitante voracidade”.

Dala ruma hanoin fila iha Grecia- iha tinan 2.500 liu ba kotuk, sira inventa Filosofia, demokrasia, teatru, trajedia no buat barak tan-bele fila fali husi sira ninia foros no inventa revolusaun antikapitalista iha sekulu 21. Humanidade sei agradece profundamente!

)* Atilio Borón nia doutor iha Ciência Política iha Harvard University, professor titular de Filosofia Política da Universidade de Buenos Aires e ex-secretário-executivo do Conselho Latino-Americano de Ciências Sociais (CLACSO). Artigu ne’e foti husi web Correio da Cidadania (http://www.correiocidadania.com.br)!

Tradusaun ba Tetum:
António Ramos Naikoli,
Editor Forum Haksesuk!