VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20110710

In Memoriam Ibu Ade Rostina Sitompul: Timor Leste Menyatakan Hormat dan Cinta

La Sama: “Timor Leste Lakon Inan Diak Ida

Ibu Ade Rostina Sitompol (tinan 73), koinesidu ho naran Ibu Ade, fila hikas ba Aman Maromak iha hospital Cipto Mangunkusoemo, Jakarta, loron 8 Julho 2011 liu ba, no entero iha loron tuir mai, 9 Julho 2011. Ibu Ade, nebe tinan uluk hetan kondekorasaun hosi estado Timor Leste, tamba nia luta ba independensia Timor Leste, kuinesidu hanesan inan ba Timor oan lubuk ida. Hosi Xanana Gusmao, La Sama, Mariano Assanami, Aniceto Guterres, David Dias Ximenes, Virgilio Guterres no seluk-seluk tan. Durante lider resistensia Timor oan sira tama iha prizaun Cipinang, Jakarta, Ibu Ade mak tau nia an hanesan inan ba sira hotu no kuidadu sira hanesan nia oan rasik.

Loron rua antes nia mate, nia husu ba nia oan sira, La Sama iha nebe? Nia mos hameno ba nia oan feto Miki katak bainhira nia mate karik, nia presiza tais tolu. Ida nahe iha kaisaun laran para nia toba, ida taka ba nia an, no ida taka iha kaisaun leten. Bainhira Presidente La Sama vizita ibu Ade iha hospital RSCM, nia lori kedas ho tais nebe Ibu Ade husu no hakbesik an ba ibu Ade nebe toba hela iha ICU hodi hatoo hela lia fuan ikus ba Bu Ade. “Bu Ade, kami semua berhutang padamu. Rakyat Timor Leste berhutang padamu. Anakmu Xanana tak bisa datang karena harus mengemban tugas negara yang tak bisa ditinggalkan. Xanana hanya berpesan sampaikan salam hormat dan cintanya yang mendalam kepadamu. Saya hadir di sini mewakili mereka semua untuk menyatakan cinta kami kepadamu dan menyatakan komitmen kami untuk meneruskan perjuanganmu,” hatete La Sama iha lian Indonesia ba Ibu Ade nia tilun.

Bainhira ibu Ade rona lia fuan sira nee, maske, nia matan taka hela, maibe nia matan ben turu. La Sama mos matan ben turu. Los duni, ferik nee hein duni nia oan sira hosi Timor Leste. Liu oras rua, Ibu Ade mos is kotu. “Ibu Ade hein duni nia oan sira hosi Timor Leste,” haktuir Hilmar Farid/Fay nebe mos lor-loron sempre hamutuk ho ibu Ade.

Iha serimonia funeral, Ibu Ade nia oan, amigu tomak mosu iha neba hanesan Buyung Nasution, Todung Mulya Lubis, Hendardi, Sandyawan no seluk-seluk tan. La Sama hanesan ibu Ade nia oan, Presidente Parlamento Nacional Timor Leste no reprezenta povu no estadu Timor Leste, hetan oportunidade primeiru hodi hatoo lia menon. La Sama haktuir fali oin sa ibu Ade kuidadu sira durante iha kadeia Cipinang nia laran, suporta makas rezistensia Timor Leste no mobiliza solidaridade iha Indonesia no mundo tomak ba Independencia Timor Leste. “Selamat jalan Bu Ade. Saya di sini mewakili anak-anak mu dan sahabat-sahabatmu di Timor Leste. Saya membawa nama sahabatmu, Presiden Timor Leste Ramos Horta, Anakmu Perdana Menteri Timor Leste, Xanana Gusmao dan seluruh anak-anakmu yang lain menyatakan hormat dan cinta kami kepadamu. Jasa-jasamu kan kami kenang. Cita-citamu kan kami teruskan. Selamat jalan ibu tercinta”, koalia La Sama ho matan ben nakonu. RIP Bu Ade.***

Sem comentários:

Enviar um comentário

Nota: só um membro deste blogue pode publicar um comentário.