VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

terça-feira, 3 de maio de 2011

La iha Lideransa PD ruma Haksoit ba CNRT

Partido Democratico rejeita totalmente notisia STL, 03/05/2011, ne’ebé hateten lideransa PD nian balu haksoit ba CNRT. Naran sira ne’ebé STL temi hanesan Bendito Freitas, Julio Tomas Pinto, Valentim Varela, Ivo Valente no Francisco da Costa Guterres, nunka halo parte estrutura PD nian sa tan lideransa.

Nem sira ne’e hotu ne'ebé STL temi ne'e militante PD nian. Sira ne'e uluk PD, maibe ikus mai sira ba tama ba CNRT, ne'e livre iha demokrasia se se deit bele hili no fihir partidu ne'ebe maka encaixa ninia interese,neduni PD la taka odamatan ba se maka hakarak tama no se maka hakarak sai.

Demokrasia maka hanesan ne’eduni, PD respeita ema nia opsaun politika, maski maioria povu Timor-Leste seidauk simu atitude politika sira hanesan ne’e tamba konsidera oportunista no la iha moral. PD sei ho laran ksolok tebes fasilita sira ne'ebé prinsipiu la metin hodi sai hosi PD, tamba PD hakarak dezenvolve Timor-Leste ho ema sira iha prinsipiu politika, etika ho moral metin.

PD la’os fatin hodi buka kadeiras ho poder. Se maka hakarak buka poder ba an rasik, bele ba buka iha partidu seluk. Nune’e PD hakarak hato'o de'it adeus no dezeju susesu barak ba sira. PD mós hakarak hato'o bem vindu ba sira ne’ebé mai hamutuk ho PD, sira ne'ebé mai ho prinsipiu politika metin, mai ho ideias hodi kontribui ba hametin demokrasia, paz no estabilidade hodi lori povu Timor-Leste ba iha moris di’ak ho hakmatek.

PD mós hakarak hato'o parabens ba Partido CNRT ne'ebé konsege realiza ninia Kongresu ba daruak ho susesu iha loron haat ikus ne'e nia laran. (Depinfo).

Fonte: http://partidodemocratico.org

Sem comentários:

Enviar um comentário

Nota: só um membro deste blogue pode publicar um comentário.