VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

quinta-feira, 5 de maio de 2011

AMP Louva equipa Negociasaun Timor-Leste nian ne’ebe ba GSR ne'ebe firme no konsistente defende interese Nasional

Dili, AMP Média. Alianca Maioria Parlamentares (AMP) louva ba servisu ne’ebe maka Timor-Leste ninia equipa Negociasaun konaba Greater Sun Rise (GSR) ne’ebe firme no konsistente hodi defende interese Riku no Soin Rai no emar Timor-Leste nian. To’o oras ne’e Timor-Leste ninia equipa ba negociasaun firmi no konsisten ba defende Interese Timor-Leste iha negociasaun konaba GSR.

Prezidente Ramos Horta iha ninia deklarasaun ba Jornal Nacional Diário (JND) edisaun quinta-feira (05/05/2011) katak “Negociasaun Pipeline GS, PR Horta propoin Alfredo Pires ho Alkatiri (JND, 05/05/2011, paj. 1 e 15)”.

Hatan ba Prezidente Ramos Horta ninia deklarasaun ne’e, Deputado Aderito Hugo, husi CNRT katak “ne’e hanesan tentative Prezidente Ramos Horta nian, nia gava ema ida hodi minimija equipa servisu executive nian ne’ebe sucesu bot”. Haktuir tan Aderito Hugo, porta voz bankada CNRT, ”oinsa maka konsidera sucesu ba ema ne’ebe maka halao tratadu ho Australia ne’ebe folin karun, monu ba Australia nia lasu, labele koalia fronteira Maritima durante tinan 50 nia laran labele koalia konaba ZEE”, kestiona Aderito Hugo. Tenik tan Deputado Aderito Hugo, husi CNRT, ”hare husi parte kampu trabalu, kompania 60 resin ne’ebe halao atividade iha bayu Undan, baze iha iha hotu Perth”.

Husi parte seluk, Deputadu Adriano do Nascimento, husi bankada PD, katak ”Governu labele tau cidadaun babain ba iha negociasaun asuntu nasional”. Hatutan Adriano Nascimento, xefi bankada PD, ”kestaun politika Ukun nian labele lao hamutuk ho lider Oposisaun”, defende Adriano Nasciemento.

Nune mos Deputadu Rui Meneses, husi bankada PD, ba AMP Média katak “Ramos Horta ninia intensaun lolos maka atu tau Mari Alkatiri ba kontrola jestaun Mina rai nian”.

Timor-Leste, liu husi equipa teknika negociasaun GSR defende kompromisu estado no povu nian atu dada Pipeline GSR mai Timor-Leste!

Fontes: (1) AMP Media (05/05/2011)
(2) Jornal Nacional Diario (JND), edisaun Quinta-feira (05/05/2011, paj. 1 e 15)

Sem comentários:

Enviar um comentário

Nota: só um membro deste blogue pode publicar um comentário.