VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20110418

F-FDTL-PNTL Prontu Ona Asegura Estadu Timor-Leste

Mandatu UNMIT-ISF Remata 2012 Dili (JND). Timor-Leste prontu ona atu kaer knar seguransa no defesa iha Timor-Leste iha tinan 2012, lian sira ne´e kasu husi VPM José Luis Guterres wainhira halao surumutuk ho Ministru Defesa (MD) Australia nian, Stephen Smith, iha Palacio Governu, Sexta-feira (15/04/2011).

Haktuir tan VPM José Luis Guterres, ”Timor-Leste nia forças Defesa no Seguransa prontu atu asegura estabilidade no soberano RDTL”.

Iha surumutuk ho Ministru Defesa Australia nian, Vice Primeiro-Ministro José Luis Guterres, akompana husi Sekretariu Estado Defesa no CEMGFA (Chefe Estado Maior General Forças Armadas) Maijor General Taur Matan Ruak.

Timor-Leste tama ba ASEAN: Timor-Leste ninia kompromisu iha tinan 2012 atu tama ba ASEAN nudar membru efektivu ona. Kriteriu ida importante maka oinsa maka la iha forças rai liur iha ita nia rain. Se forças rai liur hanesan ISF no potensia husi liur hanesan UNMIT hela nafatin iha Timor-Leste, sei impede tama ba nudar membru ASEAN. Timor-Leste tama ba ASEAN lori vantajen politika, ekonomika no jeoestratejika.

Ambisaun Australia nian: Tuir Jornal The Australian iha ninia segunda-feira (11/04/2011) katak “ADF urged to stay in East Timor to prevent further crises (in The Australian, 11/04/2011)”. Australia ninia interese atu manten influencia jeoestratejika iha Timor-Leste liu husi manutensaun ba Força ISF, harii centru refujiadus, monopoliu ba riku soin iha tasi Timor, influencia iha decisaun politika nivel estado.

Hakerek tan The Australian, ne´ebe hanoin husi grupo Think Tank the Australian Strategic Policy Institute (ASPI), mos alerta konaba influencia Republika Cina iha Timor-Leste ne´ebe Australia mos buka joga ninia interese, katak “The increasing assertiveness and almost certain expansion of China's 'soft power' approach towards East Timor will challenge Canberra's political influence," it says. Australia should not, it says, "directly compete with China for East Timor's”, hakerek The Australian.

Fontes: (1) Jornal Nacional Diário (JND) edisaun Segunda-Feira (18/04/2011, pajs.1 e 14)! (2) ADF Urged to stay in East Timor to prevent further crises http://www.theaustralian.com.au/national-affairs/adf-urged-to-stay-in-east-timor-to-prevent-further-crises/story-fn59niix-1226036872920 (3) Special Report Issue 39 - A reliable partner: Strengthening Australia – Timor-Leste relations http://www.aspi.org.au/publications/publication_details.aspx?ContentID=290&pubtype=-1

Sem comentários:

Enviar um comentário

Nota: só um membro deste blogue pode publicar um comentário.