Antigos Prezidentes, Timor-Leste, Kaya Rala Xanana Gusmao no Cuba, Fidel Castro, hahu desenvolve politika kooperasaun bilateral entre rai rua, Timor-Leste no Cuba. Ho politika ne’e, maka iha tinan 2004 Cuba haruka brigada medikas Cubanos (as) mai Timor-Leste no Timor-Leste haruka nia estudantes ba estuda Medicina iha Cuba.
Iha vizita oficial ne’ebe maka PM Kay Rala Xanana Gusmao halao ba rai Fidel Castro no Ze Ghuevara nian, wainhira halao vizita ba Eskola Latino Amerikanu Medicina (ELAM), simu husi Vice Ministri saude no Reitor ELAM
Iha ELAM, PM Kay Rala Xanana Gusmao, hasoru malu ho grupu estudantes Timor oan sira ne’ebe estuda sai futuru medikus iha ne’eba. Estudantes Timor oan sira kontente teb-tebes bele simu PM no hasai netik imajen ka fotos ruma ho PM.
Iha surumutuk ne’e, Vice Ministra Saude, Roberto González no Juan Carrizo, Reitor husi ELAM, hato'o boas vindas ba PM no oferece esplikasaun ne’ebe detailadu konaba pogresu iha sektor saude iha Cuba depois sai hanesan triunfo husi revisaun, "hanesan projketu ba formasaun medikus husi rai seluk, ne’e ideia ne’ebe maka ami nia komandante em xefi Fidel Castro hahu kuda”.
Iha biban ne’eba PM mos haktuir katak, ”Cuba sai nudar modelu ba principius solidariedade ne’ebe humanista iha Mundo”. Neduni Timor-Leste nudar rai ne’ebe kiik buka adopta principius ida ne’e, aban bain rua ami mos bele fo mos implementa principius solidariedade iha sektores saude nian hodi servi ami nia povo mos se iha kbiit liu servi tan povu sira ne’ebe hela besik ami nia rejiaun”, dehan PM Kay Rala Xanana Gusmao”.
Iha okasiaun ne'e PM realsa solidariedade ne’ebe maka Governu no Povo Cubanos fo ba Timor-Leste, refere mos katak "problemas bo'ot Timor oan sira hotu hasoru maka iha area saude no edukasaun, iha ne’ebe presensa Cuba nian importante no fundamental tebes hodi melhoria ba padraun qualidade moris nian”.
Hahu kooperasauun liu husi haruka medikus ba Timor-Leste, iha tinan 2004, hamutuk 712 medikus Cubanos maka servisu iha ita nia rain. Oras ne’e dadaun, servisu iha Timor-Leste, equipa medika hamutuk 192 kolaboradores.
Haktuir tan PM Xanana Gusmão "tulun husi Cubanos hatun konsideravelmente nivel ba mortalidade infantil no maternal iha Timor-Leste”.
Iha vizita ba Cuba, PM mos halao surumutuk ho Prezidente Cubano, Raul Castro, Presidente Assembleia Nasional, Museu de la Revolucion, no sst.
Fonte: Jornal Nacional Diario (JND), edisaun Quinta-feira (03/03/2011, paj.1 i 15)!
Sem comentários:
Enviar um comentário
Nota: só um membro deste blogue pode publicar um comentário.