Dili. Forum Haksesuk (FH). Kasu falsifikasaun ba dokumentus ne’e krimi, haktuir deputada Carmelita Monis, husi bankada CNRT liu husi AMP Media, Quarta-feira (2303/2011) iha Uma Fukun Parlamento Nasional, ne'ebe FH hetan acesu.
Hatutan Carmelita Monis katak ”kasu falsifikasaun dokumentus bazeia ba Kodiku Penal (KP) ne’e krimi, hakerek iha artigu 303, iha numeru 1, lina a) halo dokumentu ka anotasaun tekniku falsu, falsifika ka altera dokumentu ka abuza ho asinatura ema seluk nian hodi halo dokumentu falsu”.
Haktuir tan Carmelita Monis, ”iha mos KP iha artigu 285 krimi konaba denuncia kalunioza iha ninia numeru 1) Ema ne’ebe, ho meu naran ida, iha autoridade ka publiku nia oin ho konsciencia akuza falsu ema ka naran haduun ema ida katak halo krimi ida, ho intensaun atu halo ema ne’e hasoru prosedimentu criminal, sei kondena ho kastigu iha kadeia to’o tinan 3 ka multa”.
Ex-Membro Konseilu Superior Ministeriu Publiku (KSMP) ne'e alega katak ”difamasaun ema nia naran ne’e krimi, tuir Kodigu Civil Timor-Leste nian”.
”Neduni autoridade kompetente, Ministeriu Publiku tuir KPP simu queiza husi advogados husi procesa ne’ebe refere”, defende Carmelita Monis, Deputado Membro Komisaun A Parlamentu Nasional.
Hanoin ketak husi Mari Alkatiri nudar Sekretariu Jeral Partidu FRETILIN nebe dehan "konaba kazu UNTAS la iha base legal hodi lori Estudante KS UNTL ba Tribunal (Timor Post, 22/03/2011, paj. 1)".
Konaba falsifikasaun dokumentus UNTAS nian hodi hatama naran autoridades publikas balun nian naran, sai polemika tamba provaka mal-estar no paniku ba sektores balun iha komunidade ho dokumentus falsus no atinji ba intereses politika. Tuir PM Kay Rala Xanana Gusmao, ”ema sira ne’ebe maka fahe dokumentus falsus konaba UNTAS laran la mos ba Nasaun ida ne’e”.
Sem comentários:
Enviar um comentário
Nota: só um membro deste blogue pode publicar um comentário.