Partido FRETILIN atu halo eleisoens direktas ba Presidente Partido ho Sekretariu-Jeral. Hakat ida ba demokrasia ne'ebe diak no merese apoio hosi militantes FRETILIN tomak.
Presidente Ramos Horta mos marka prezensa iha Kalan Angariasaun de Fundus ba Fretilin, iha Hotel Arbiru. Nia promote sei apoia Fretilin ho osan maibe nia seidauk hatene osan hirak maka nia atu fo. Nia mos seidauk hatene lei permite nia bele ajuda partido sira kae lae. Se lei permite, entaun nia sei ajuda. Se nune duni, partido sira hotu tenki ba forma iha Aitarak Laran hodi husu osan ba presidente Ramos Horta, tamba osan nebe nia atu fo ba FRETILIN osan povo nian, la’os osan hosi nia salário.
Maibe buat ida maka presidente Horta haluha. Foin daudaun maka Parlamento Nasional aprova orsamento subvensaun hodi apoia partido politika sira. Oinsa maka hosi Governo hasai ona osan ba partido sira, prezidente Republika mos hakarak hasai tan osan ba partidos sira? Nusa maka la ajuda ema kiak sira ou hadia eskola ho buat seluk-seluk?
Dala ruma AMP sira lakohi duni ona kandidata Senhor Ramos Horta ba prezidente iha tinan 2012 mai tuir deklarasun deputadu Natalino dos Santos nian. Tamba ne’e prezidente Horta agora aproxima fali hikas FRETILIN hodi promete katak nia mos sei fo apoio finanseiru ba Fretilin se lei permite. Atu halo parte manan Fretilin nia laran, la hatene por ignorância ou hakarak bosok duni, iha ninia intervensaun tuir jornal Timor Post, prezidente Horta dehan nune: “Nia la fiar iha rai ruma iha mundu halo eleisaun direkta ba Presidente no Sekretariu Jeral partidu politiku nian. Hau hakfodak FRETILIN halo eleisaun direkta, tamba sei han osan barak, maibe ho kontribuisaun hotu-hotu nian, eleisaun ne’e sei lao diak” (Timor Post, 14/02/2011).
Ami la fiar katak ko'alia iha Hotel Arbiru maka halo prezidente Ramos Horta ko'alia arbiru. Parese nia hakarak manan FRETILIN nia laran maka lori nia hodi gaba FRETILIN organiza eleisaun direkta ba ninia lideransa sira. Maibe se prezidente Ramos Horta la hatene duni, nia merese hetan perdaun. Se nia hatene maka ko'alia entaun grave tebes tamba bosok ema sira marka prezensa iha Hotel Arbiru no hakarak halo beik povo Timor-Leste tomak liu hosi fo informasaun la loos, basaa, eleisaun direkta akontese tiha ona iha rai barak. Lalika ba dok ida, iha rasik presidente Horta nia aman nia rain, iha Portugal, mos halo eleisaun direkta fila-fila tiha ona ba preszidente Partido ho Sekretario Jeral. Partido Socialista maka halo uluk, ikus mai Partido Social Democrata.
Editores Forum Haksesuk
Presidente Ramos Horta mos marka prezensa iha Kalan Angariasaun de Fundus ba Fretilin, iha Hotel Arbiru. Nia promote sei apoia Fretilin ho osan maibe nia seidauk hatene osan hirak maka nia atu fo. Nia mos seidauk hatene lei permite nia bele ajuda partido sira kae lae. Se lei permite, entaun nia sei ajuda. Se nune duni, partido sira hotu tenki ba forma iha Aitarak Laran hodi husu osan ba presidente Ramos Horta, tamba osan nebe nia atu fo ba FRETILIN osan povo nian, la’os osan hosi nia salário.
Maibe buat ida maka presidente Horta haluha. Foin daudaun maka Parlamento Nasional aprova orsamento subvensaun hodi apoia partido politika sira. Oinsa maka hosi Governo hasai ona osan ba partido sira, prezidente Republika mos hakarak hasai tan osan ba partidos sira? Nusa maka la ajuda ema kiak sira ou hadia eskola ho buat seluk-seluk?
Dala ruma AMP sira lakohi duni ona kandidata Senhor Ramos Horta ba prezidente iha tinan 2012 mai tuir deklarasun deputadu Natalino dos Santos nian. Tamba ne’e prezidente Horta agora aproxima fali hikas FRETILIN hodi promete katak nia mos sei fo apoio finanseiru ba Fretilin se lei permite. Atu halo parte manan Fretilin nia laran, la hatene por ignorância ou hakarak bosok duni, iha ninia intervensaun tuir jornal Timor Post, prezidente Horta dehan nune: “Nia la fiar iha rai ruma iha mundu halo eleisaun direkta ba Presidente no Sekretariu Jeral partidu politiku nian. Hau hakfodak FRETILIN halo eleisaun direkta, tamba sei han osan barak, maibe ho kontribuisaun hotu-hotu nian, eleisaun ne’e sei lao diak” (Timor Post, 14/02/2011).
Ami la fiar katak ko'alia iha Hotel Arbiru maka halo prezidente Ramos Horta ko'alia arbiru. Parese nia hakarak manan FRETILIN nia laran maka lori nia hodi gaba FRETILIN organiza eleisaun direkta ba ninia lideransa sira. Maibe se prezidente Ramos Horta la hatene duni, nia merese hetan perdaun. Se nia hatene maka ko'alia entaun grave tebes tamba bosok ema sira marka prezensa iha Hotel Arbiru no hakarak halo beik povo Timor-Leste tomak liu hosi fo informasaun la loos, basaa, eleisaun direkta akontese tiha ona iha rai barak. Lalika ba dok ida, iha rasik presidente Horta nia aman nia rain, iha Portugal, mos halo eleisaun direkta fila-fila tiha ona ba preszidente Partido ho Sekretario Jeral. Partido Socialista maka halo uluk, ikus mai Partido Social Democrata.
Editores Forum Haksesuk
Sem comentários:
Enviar um comentário
Nota: só um membro deste blogue pode publicar um comentário.