FRETILIN LUTA HASA'E OSAN BA PARTIDU, KONTRA AHI LAKAN BA POVO MAUBERE

Dili, Forum Haksesuk (FH). Partidu FRETILIN liu husi ninia bankada Parlamentares iha Parlamentu Nasional (PN), hatama proposta aditamentu US$5,500,000.00 ba subvensaun publika hodi aloka ba Partidus Politikus (PP). Maibe wainhira osan foti husi Fundo Petroleum (FP) hodi aloka ba tau Ahi Lakan hodi beneficiu ba povo Maubere no povo aileba sira ne’ebe tinan atus-atus moris iha nakukun laran.

Tuir preponente husi proposta no. 43, Pedro Costa, katak ”importante duni tau osan hodi sosa jeradoures foun, atu nune elektrecidade bele lakan iha parte kosta norte”. Husi preponente sira, iha proposta ne’e tau tan osan ho montante US$ 282,000,000.00.

Francisco Branco, FRETILIN, hateten katak, ”Lei Fundo Petroleum la taka dalan, maibe tenki hato'o razaun justifikativu ka lae hodi foti osan”. Enkuantu Estanislau da Silva, FRETILIN, dehan ”Apoio jeradour, maibe kustus manutensaun halo oinsa?, nomos retorno ne’e oinsa?”.

Hatan ba kestaun no preokupasaun husi Oposisaun Maioria Parlamentares OMP/FRETILIN, PM Kay Rala Xanana Gusmao, esplika:

“Primeiro (1); Fundus Infra-Estrutura (FIE)..., debate konaba ida ne’e maske oposisaun FRETILIN dada resposta.

Segundo (2); procesu sentral elektrika iha Hera..., fiar katak ita hotu lao ba oin tamba interese nasional, inkluindo Presidente Republika mos ba hola parte iha lansamentu harii central elektrika.

Terceiro (3); estudo impacto ambiental...., problema klima preokupa duni, tamba ita nia rejiaun hanesan australia no asia sira seluk.

Quarto (4); retorno? pequenas e medias empresas..., retorno iha muda povo nia moris, aktividades ekonomikas, investimentu ba sira nia moris (beneficio social).

Quinto (5); exede 3% husi Fundu Petroleum..., Lei loke dalan, tamba iha retornu ekonomika ba longo prazu no beneficiu sosial.

Sexto (6); kustos... fó kbiit ba povo atu hadia sira nia moris,... necesidade liberta an husi dependencia... dehan tan PM ne’ e maka interese nasional.

Lei FP... se fó beneficiu ba agora no ba futura jerasaun... ida ne’e maka bot liu no la fakar osan arbiru deit.

Proposta no. 43 hodi aloka osan ba sosa jeradoures foun passa tamba hetan votus Favor (40), Kontra (14) no Abstensaun (2).

Votasaun ba Anexo2B, aprovado ho votus husi AMP ho PUN no Kontra husi FRETILIN. Anexo2B, aprovado ho votus Favor (40), Kontra (15) no Abstensaun (2)!