Parlamento mak autoriza foti osan excede liu 3%, ahi lakan ba povo Maubere, resolve problema veteranus, osan ba partidus no violencia domestika

Dili. Forum Haksesuk (FH). Parlamentu Nasional (PN) liu husi debate OJE2011 hasae osan exede liu 3%, osan ne’be maka hasae husi Fundu Petroleum to’o oras ne’e hamutuk US$ 321,000.000,00 ho proposta OJE2011 US$934,740,000.00. Tuir argumentu husi deputadu PN katak exede justifika hodi hadia povo Maubere/Aileba nia moris.

Arsenio Bano, FRETILIN, ”husu atu Governu maka explika konaba excede 3%”. Hatan ba ida ne’e, Deputado Jacob Xavier (PPT) defende dehan, ”Parlamento maka halo Lei no justifika, governu executa”.

Arao Noe, CNRT, hatutan, ”Excede 3% tamba Parlamento maka husu, neduni la prezisa Governu justifika. Tamba Governo mai ho proposta ne’ebe la exede tuir Lei FP, maibe PN mak hasae osan”, defende Arao Noe husi bankada CNRT.

Husi parte Governu liu husi PM Kay Rala Xanana Gusmao, ”Ita hotu iha Ró laran, governu divia alerta se sae tiha ona 3%, incorecto, husi debate jeneralidade iha sistema kalkula, excesso ou montante ne’ebe US$1 cent mos excesso”.

Tuir Presidente PN, Fernanda Lasama de Araujo argumenta katak, ”Excede tamba: ahi lakan ba povo maubere, ba veteranus, subvensaun politika no violencia domestika (Pres. Parlamento Nasional). Haruka ba Tribunal dehan kontra Lei karik, lakohi ajuda ahi lakan, resolve problema veteranus, subvensaun PP, violencia domestika“.