Honra ba Herois nasionais liu husi harii sistema ba kombate korupsaun

Dili, Forum Haksesuk (FH). Ohin loron ba Herois ba Libertasaun Nasional, iha loron 07 fulan Dezembru tinan 1975 maka hahu invasaun no okupasaun formal, tamba forsa inimigus nian atake centru ka kapital Timor-Leste, Dili. Liu ona tinan tolu nulu resin lima (35), saida maka ita honra ba Herois no Assuwain sira ne' ebe mate ba ukun rasik an ida ne'e. Reflexaun historiku ne' e hatou husi Nai Primeiru-Ministru, Kay Rala Xanana Gusmao, wainhira hato ninia lian menon iha ceminariu konaba "komemora loron internasional ba anti-korupsaun, iha Merkadu Convention Center, Dili, Timor-Leste".

Hatutan PM Kay Rala Xanana Gusmao, "forma ba honra ba herois sira maka komprimisu estadu nian, hodi harii Sistema no mekanismu ne'ebe diak hodi kombate ba korupsaun".

Tenik tan Nai PM Kay Rala Xanana Gusmao, "honra ba herois sira maka mai ita hatudu liu husi hahalok,hodi buka hamenus no halakon korupsaun", defende antigo Komandante Supremu FALINTIL no Lider Maximu CNRM/CNRT iha biban funu ba ukun rasik an.

Iha tinan rua ona maka, Estadu Timor-Leste liu husi Parlamentu Nasional ratifika konvensaun internasional ba anti-korupsaun. Atu aplika iha pratika, maka Parlamentu Nasional, aprova ona Lei Anti Korupsaun, liu husi Lei No.8/2009, konaba harii Komisaun Anti Korupsaun (KAK). Atu kompleta ba KAK ninia knar, maka Parlamentu Nasional rasik hili no fihir Komisarius ba KAK, maka Aderito de Jesus Soares. Elenku ka equipa ba KAK, komisariu KAK fihir ninia komisarius Adjuntus nain rua, Jose Antonio das Neves alias SamaLarua, antigu Sekretariu Jeral RENETIL (Resistencia Nacional dos Estudantes de Timor-Leste) no Manuel Cotinho Bukar, antigo Inspector Jeral Estado. Foin iha fulan ida maka KAK, rekrut tan investigadores nain 9 atu bele halao sira nia knar, hahu husi formasaun!

Hotu!