Dili. Forum Haksesuk (FH). Mario Carrascalao komete irregularidade wainhira kaer knar nudar Presidente PSD, haktuir lia hirak ne'e ba FH husi Deputadu Hermes Barros.
Hatutan tan Deputadu Hermes Barros, "iha lejislatura anterior, Mario Carrascalao, decide troka deputada Milena Pires ho deputada Maria Paixao, aktual Vice Presidente Parlamentu Nasional (PN)". Tenik tan Hermes Barros, "enquanto hau nia numeru 9 no deputada Maria Paixao numeru 12, maibe Mario Carrascalao decide hodi numeru 12 ba troka maibe hakat liu tiha numeru 9".
Tuir Lei eleitoral no lei konaba mandatu Deputadus sira nian, se deputadu ida sai ka suspende ninia mandatu, deputadu ida ne'ebe iha lista numeru ki'ik maka tama uluk, se la aceita hafoin entrega ba deputadu seluk.
Tuir karta ne'ebe maka Diresaun Nacional PSD liu husi ninia Sekretariu Jeral Marito Magno hatou ba Presidente PN iha loron 29 fulan Novembru tinan 2011, "informa konaba substituisaun Deputadu Hermes Barros no Mario Carrascalao nudar titular ba deputadu nia fila ba PN iha loron 01 fulan Dezembru tinan 2010".
Dezisaun ne'e adia fali, hanesan Forum Haksesuk tatolin iha loron 01 fulan Dezembru tinan 2010, "Mario Carrascalao adia fali nia fila ba PN iha fulan janeiro tinan 2011". Tuir dokumentu ne'ebe FH iha asessu, "diresaun PSD haruka fali karta ida tama iha sekretariadu PN, hodi prolonga tan Hermes Barros atu exerce ninia funsaun nudar deputadu to'o loron 30.12.2010".
Tuir lideransa PSD husi distritus 9 husi ba Deputado Hermes Barros, atu manten ninia posisaun nudar Deputadu!
Hotu.
Sem comentários:
Enviar um comentário
Nota: só um membro deste blogue pode publicar um comentário.