Adia fali Mário Carrascalao fila ba PN ba fulan janeiro tinan 2011

Dili, Forum Haksesuk (FH). Mário Carrascalao tuir lolos fila ba Parlamentu Nasional (PN) ohin, loron 01/12/2010, maibe informasaun ne’ebe maka hetan husi PN katak, ”parte husi PSD informa lisaun ba PN hodi adia fali regresu Mário Carrascalao mai PN”.

Iha razaun tolu (3) ne’ebe maka adia fali Mário Carrascalão:

1. Debates ba OJE2011 hahu fulan Janeiro, opurtunu ba Mário Carrascalao fila iha biban ne’eba. Iha PN maka halo oposisaun ba Governu AMP ne’ebe lidera husi PM Kay Rala Xanana Gusmao.

2. Buka Jere desiquilibriu interna iha PSD, provoka husi troka Hermes Barros, tamba iha PSD laran mos iha pro no kontra ba situasaun ida ne’e. PSD atu akalma no kontrola situasaun ne’ebe impaktu husi katuas Mário Carrascalao resigna husi Governu,agora mosu tan ida ne’e.

3. Provoka mos movimentu anti MC iha PN, ho Mário Carrascalao fila ba PN, laos mos facil no pacifiku ba nia, tendencia ba kontrariar nia mos bele mai husi AMP rasik…Psikolojikamente sei la facil ba Mário Carrascalao, simu opiniaun no argumentus ne’ebe kontrariu ho saida maka Mário Carrascalao nian.

Tuir karta ne’ebe maka diresaun PSD haruka ba Prezidente Parlamentu Nasional, iha loron 29 fulan Novembru, asina husi Sekretariu Jeral, Marito Magno, katak:

• ”Por virtude da resignação do Sr. Mário Viegas Carrascalão do cargo de Vice Primeiro-Ministro, vimos por este meio informar que a Comissão Política Nacional do Partido Social Democrata (PSD) decidiu que o referido membro do partido ira substituir o actual deputado Dr. Hermes da Rosa Correia Barros, nas suas funções. O Sr. Mário Viegas Carrascalão ocupar este cargo com base no seu estatuto de deputado titular do Parlamento Nacional, com efeitos a partir de dia 1 de Dezembro de 2010”.

Informasaun ne’ebe maka FH hetan no hatun iha edisaun Terca-feira (FH, 30/11/2010), MARIO CARRASCALAO fila ba Parlamentu Nasional (PN) iha loron 01 fulan Dezembru tinan 2010”.

Maibe tamba razaun sira iha leten ne’e maka adia fali ba fulan janeiro 2011 no Hermes Barros, nudar Funcionario Público (FP) ne’ebe molok ba halao knar nudar deputado, nia nudar FP iha Ministeriu Ekonomia no Desenvolvimentu (MED). Tuir informasaun ne’ebe hetan husi parte Hermes Barros katak: ”nia sei la fila ba MED, maibe iha possibilidade muda ba instituisaun seluk”.

Referencia:

http://forum-haksesuk.blogspot.com/2010/11/mario-carrascalao-fila-ba-parlamentu