Revista imprensa, STL no JND, ANA PESSOA, PJR VS NATALINOS DOS SANTOS, CNRT

Debates konaba Ana Pessoa halao ninia knar nudar PJR, ne’ebe hetan litik makas husi husi bankada CNRT iha Uma Fukun Parlamentu Nasional, seidauk to’o ninin. Ohin revista imprensa hatutan ba kasu ne’e, iha jornais rua (2) hanesan Suara Timor LoroSae (STL) no Jornal Nacional Diário (JND), kontinua ho noticias no figura central maka Ana Pessoa Pinto (APP) hatan ba deklarasaun bankada CNRT, liu husi Natalino dos Santos, iha segunda-feira (12/10/2010).

.

Iha STL edisaun ohin (14/10/2010), hakerek ho titul iha pajina oin, "Ana Pessoa husu CNRT hein deit dezisaun tribunal”. Hakerek tan STL (idem), "APP husu ba politikus sira hein deit dezisaun tribunal no labele politiza demais kasu VPM JLG no MNE ZAC”. Kontinua cita tan APP, "APP hateten lia hirak ne’e relaciona ho akuzasaun bankada CNRT iha Parlamentu Nasional, ne’ebe dun PJR tenta hamonu governu AMP liu husi kasu VPM JLG no MNE ZAC”, hakerek STL.
.
JND mos hakerek no tau iha pajina oin konaba polemika APP nudar PJR vs Natalino dos Santos, husi bankada CNRT, hakerek JND, "APP dehan nia la fó kementariu ba partidu CNRT tamba lakohi monu ba argumentu politika”.

.

Kontinu JND cita APP, "ita laos politiku, ita labele halo komentariu ba politikus sira, se lae ita tama ba sira nia argumentu politika, ne’e hau la argument politika, sira bele koalia, maibe lalika husu hau atu komentariu”, hakerek JND.

.

Iha Segunda-feira (12/10/2010), liu husi deklarasaun politika, Natalino dos Santos husi bankada CNRT, akusa Ana Pessoa Pinto nudar PJR halo abuzo ba poder ba kasu VPM JLG no MNE ZAC.

.

Mos iha deklarasaun bankada CNRT nian, "akusa Ana Pessoa Pinto pratika korupsaun, má-administrasaun, krimi inrequecimentu ilicitu (riku matak) wainhira sei kaer knar nudar Ministra Estatal (deklarasaun CNRT, 12/10/2010)”.
.
FH Dili!