VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20100808

PM Xanana Gusmao husi de Faktu ba Lejitimu

Iha festa ba buka osan ba OPMT, iha Salaun Delta Nova, Dili, Sexta-feira (06/08/2010). Halo parte ba festa ne'e, PM Kay Rala Xanana Gusmao, ne'ebe hetan fiar husi komisaun organizadora no estrutura OPMT hodi assina konvite. PM Kay Rala Xanana Gusmao ninia presensa laos nudar deit PM maibe mos nudar antigo lider Fretilin no eis-membru CCF husi tinan 1975-1986.

Maibe iha surumutuk no festa OPMT nian ne'e, halo iah biban ne'ebe Kay Rala Xanana Gusmao nudar PM, halao dadaun hela konsulta PEDN besik atu hotu ona, ohin hahu iha Railako, Liquisa no Oecusse. Hahu husi fulan Abril, halao konsultasaun PEDN iha parte leste, Maio iha parte centro no Juliu parte oeste, husi parte OPM/Fretilin, la hatudu ninia kolaborasaun ba konsulta ne'e maibe serve fali hanesan forsa ba blokeiu, liu husi haruka advance team ba zona ka sub-distritos ne'ebe maka PM ho ninia komitiva ba halao konsulta PEDN. Fahe probaganda, ne'e PEDN Xanana nian, nusa maka iha ona PDN2002 sei iha tan PEDN ba 2o anos, nusa maka la tur hamutuk no haksesuk ho oposisaun liliu OMP/Fretilin konaba PEDN, hakerek kestaun ba participantes sira liliu sira be iha ligasaun ba Fretilin hodi husu ba PM Kay Rala Xanana Gusmao.

Aktus sira ne'ebe maka halao durante fulan tolu, hahu konsulta PEDN, hatudu katak OMP/Fretilin, nunka hatudu ninia atitude politika nebe responsavel ba PEDN.

Wainhira PM Kay Rala Xanana Gusmao halao konsulta iha distritu Ermera, husi loron 13-16 Juliu, membros deputadus Fretilin hanesan Jose Manuel Fernandes ho Arsenio Bano, halo akusasaun ba PM no governo AMP, katak, "Sosa PEDN ho osan hamutuk US$3 M husi ema Indonesia (hare imprensa nacional, 14/07/2010)".

Novidades maka ne'e, iha festa OPMT nian, husi lideransa Fretilin ninia hare ba PM Kay Rala Xanana Gusmao, laos ona hanesan ne'ebe sira durante ne'e bolu, no dala ruma balun hotar tan (Mari Alkatiri ninia komisi iha Holarua, Same). Novidades maka ne'e, husi Mari Alkatiri, agora la bolu ona PM de Fakto maibe iha ninia lian menon, kalan buka osan ba OPMT, Mari Alkatiri bolu hase ho lian fuan, "Exmo PM Kamarada Xanana Gusmao....", ne'e maka novidades, tamba sa? Razaun bele oi-oin:

Ida; Mari Alkatiri mos konsciente katak apoiantes Fretilin no quadros barak maka oras ne'e dadaun besik ka hakbesik-an ba Xanana Gusmao nudar eis-lider no CCF husi tinan 1975-1986.

Rua; Mari Alkatiri mos konsciente katak, ho konsulta PEDN, Xanana konsegue moboliza massa husi partidus hotu-hotu, inkluindu tradicional apoiantes Fretilin nian.

Tolu; Mari ALkatiri konsciente katak, massa Fretilin sei identifika Xanana hanesan figura historika ida ba Fretilin

Hat; Mari Alkatiri konsciente katak, disputa ba lideransa interna agora, laos facil tamba situasaun 2006 ho 2010 la hanesan. Iha 2006, kongresu halao iha ambiente ne'ebe oin seluk, hodi kondus Mari Alkatiri ba kargu nudar Sekretariu Jeral partidu Fretilin, tamba biban neba ema ne'ebe maka kria kondisaun hotu ba Mari Alkatiri atu manan maka Rogerio Tiago Lobato

Lima; Mari Alkatiri konsciente katak, Rogerio Lobato mos prontu ba desafia nia iha kongresu ba Sekretariu Jeral partidu Fretilin. Se Rogerio prontu, signifika katak nia prontu atu dehan sai buat hotu no prontu atu koalia lia los

Nem; Mari ALkatiri konsciente katak, Rogerio Lobato sei ba koalia lia los, nia parte selu ona sala ne'ebe maka nia halo, nia mos lakohi lori naha todan ne'e mesak. Tamba koalia krisi 2006 no aktores, iha komite krise ne'ebe ninia lideransa sira mos tenke hola parte ba ida-idak ninia responsabilidade.

Neduni, mudansa diskursu husi Kay Rala Xanana Gusmao, PM de Fakto ba Exmo. PM Kamarada Xanana Gusmao, laos mosu espontaneo maibe kulminar ho kausa sira ne'ebe apresenta iha leten!

Editor Forum Haksesuk!

Sem comentários:

Enviar um comentário

Nota: só um membro deste blogue pode publicar um comentário.