Dili, Forum Haksesuk (FH, 08/06/2010). Sekretariu Jeral Partidu CNRT, Sr Dionisio Babo hateten katak Partidu CNRT fo fiar tomak no apoiu máximu ba Maun Boot Kay Rala Xanana Gusmão, hanesan Premeiru Ministru ba IV Governu Konstitusional hodi defende interese povu Timor-Leste iha prosesu dada Pipeline/kadoras husi Greater Sunrise mai Timor-Leste. “Partidu CNRT fo fiar tomak ba Maun Boot Kay Rala Xanana Gusmão nudar Primeiro Ministro no lider luta ba libertasaun nasional hodi bele lidera fila-fali luta ba dada Pipeline/kadoras mai Timor-Leste”.
Governu Timor-Leste rejeita tia ona proposta Woodside konaba dezenvolve FLNG (LNG namlele) iha Greater Sunrise. Ne’e importante duni tamba so hanesan ne’e mak ita bele defende ita nia nasaun nia interese. Povu iha distritus hotu iha nasaun ne’e hakarak katak pipeline mai Timor-Leste.
Secretario Geral CNRT Dionisio Babo mos hatutan “ba CNRT, Timor-Leste iha direitu tomak atu hetan pipeline husi Greater Sunrise tamba pipeline ida seluk, Bayu Undan nian, ba tia ona Australia. Ida ne’e mak justisa, ida ne’e mak tuir prinsipiu ekuitativa. Ami apoiu makaas Governu hodi labele hakruk ba kompania Woodside, tamba buat ida riku-soin petróleo ne’e povu nian, so Governu ne’ebe representa estadu Timor-Leste mak bele deside laos kompanhia mak deside fali”. Woodside tenki respeita governo Timor-Leste, liu hosi nia Autoridade Nacional de Petróleo (ANP) hodi diskuti sobre plano saida deit, laos halo mesak-mesak (sepihak) depois hakarak impoen fali no la respeita estado soberano Timor-Leste.
Desizaun Woodside nebe’e hateten katak sira hili liu Floating LNG/LNG namlele iha tasi laran ne'e hatudu deit arrogansia husi kompania ne’e, maibe realidade to’o ikus Governu mak sei tesi lia ikus. CNRT hanesan Partidu ida husi Bloku AMP fo apoiu tomak ba apelu nebe’e Bankadas AMP iha Parlamentu Nasional halo hodi husu ba komponente hotu iha sosiedade Timor-Leste, liu-liu lideransa partidus politikus balun nebe’e uluk fo tia ona Pipeline ba Australia nebe hateten katak pipeline mai Timor-Leste ne’e ladiak atu bele muda sira nia arrogansia no fo apoiu sem kondisional ba aspirasoens povu no politika Governu atu dada pipeline husi Greater Sunrise mai Timor-Leste hanesan opsaun uniku. “CNRT husu para lideransa Timor oan iha lia fuan ida deit, katak pipeline Greater Sunrise tenki mai Timor-Leste, labele iha duvidas fali".
Nune’e mos "husu ba hot-hotu fo apoiu ba Governu nebe’e lidera husi Maun Boot Kay Rala Xanana Gusmão atu bele halo negosiasaun tuir mekanismu nebe’e iha ona, lalika tan enventa mekanismu seluk nebe’e la tuir dalan. Ita hotu la persiza ba tu’ur hotu iha negosiasaun mak fo apoiu. Ida-idak iha nia fatin no kompentensia bele fo apoiu”.
FHDili
Governu Timor-Leste rejeita tia ona proposta Woodside konaba dezenvolve FLNG (LNG namlele) iha Greater Sunrise. Ne’e importante duni tamba so hanesan ne’e mak ita bele defende ita nia nasaun nia interese. Povu iha distritus hotu iha nasaun ne’e hakarak katak pipeline mai Timor-Leste.
Secretario Geral CNRT Dionisio Babo mos hatutan “ba CNRT, Timor-Leste iha direitu tomak atu hetan pipeline husi Greater Sunrise tamba pipeline ida seluk, Bayu Undan nian, ba tia ona Australia. Ida ne’e mak justisa, ida ne’e mak tuir prinsipiu ekuitativa. Ami apoiu makaas Governu hodi labele hakruk ba kompania Woodside, tamba buat ida riku-soin petróleo ne’e povu nian, so Governu ne’ebe representa estadu Timor-Leste mak bele deside laos kompanhia mak deside fali”. Woodside tenki respeita governo Timor-Leste, liu hosi nia Autoridade Nacional de Petróleo (ANP) hodi diskuti sobre plano saida deit, laos halo mesak-mesak (sepihak) depois hakarak impoen fali no la respeita estado soberano Timor-Leste.
Desizaun Woodside nebe’e hateten katak sira hili liu Floating LNG/LNG namlele iha tasi laran ne'e hatudu deit arrogansia husi kompania ne’e, maibe realidade to’o ikus Governu mak sei tesi lia ikus. CNRT hanesan Partidu ida husi Bloku AMP fo apoiu tomak ba apelu nebe’e Bankadas AMP iha Parlamentu Nasional halo hodi husu ba komponente hotu iha sosiedade Timor-Leste, liu-liu lideransa partidus politikus balun nebe’e uluk fo tia ona Pipeline ba Australia nebe hateten katak pipeline mai Timor-Leste ne’e ladiak atu bele muda sira nia arrogansia no fo apoiu sem kondisional ba aspirasoens povu no politika Governu atu dada pipeline husi Greater Sunrise mai Timor-Leste hanesan opsaun uniku. “CNRT husu para lideransa Timor oan iha lia fuan ida deit, katak pipeline Greater Sunrise tenki mai Timor-Leste, labele iha duvidas fali".
Nune’e mos "husu ba hot-hotu fo apoiu ba Governu nebe’e lidera husi Maun Boot Kay Rala Xanana Gusmão atu bele halo negosiasaun tuir mekanismu nebe’e iha ona, lalika tan enventa mekanismu seluk nebe’e la tuir dalan. Ita hotu la persiza ba tu’ur hotu iha negosiasaun mak fo apoiu. Ida-idak iha nia fatin no kompentensia bele fo apoiu”.
FHDili
Sem comentários:
Enviar um comentário
Nota: só um membro deste blogue pode publicar um comentário.