Iha loron 4 nia laran Timor-Leste sai nudar uma nain ba konferencia Internacional

Kua. Abril 06, 15:51h

Hahu loron 7 to´o ba loron 10 fulan ida ne´e, Timor-Leste sai nudar uma nain ba konferencia internacional. Iha loron 7 sei iha surumutuk ne´ebe babain Timor-Leste halo ho ninia parceiru desenvolvimentu sira, ne´ebe konecidu ho naran TLDPM. Iha loron 8 sei halo surumutuk husi ”g7 + Country Partners/Fragile States Meeting and Brazil, Russia, India, China, South Africa (BRICS) Meeting”. Iha loron 9-10, surumutuk konaba “Dili International Dialogue on Peacebuilding and Statebuilding”. Iha loron 10, sei halo deklarasaun ida ne´ebe fo naran “Dili Declaration”.

Iha surumutuk konaba TLDPM, Timor-Leste nudar rai ne´ebe receptor sei ba koalia ho rai doadores sira ne´ebe estabelece ona iha “National Priority” ba tinan 2010, ne´e implementasaun husi paradigma foun ne´ebe maka rai doadores uja hodi fó ba receptores. Fo tulun ho bazeia ba prioridade nasional rai receptores nian.

Iha surumutuk konaba g7 ne´ebe kategori nudar fragile states ho rai sira ne´ebe maka klasifika nudar parter hanesan BRICS, se avalia mos konaba situasaun rua maka la hanesan. Rai sira ne´ebe foin sai husi post-konflitus ne´ebe tama ba grupu fragil states no rai sira ne´ebe emerjente iha desenvolvimentu ekonomika maka BRICS. Objektivu oinsa maka halo komparasaun husi g7 ba BRICS ninia experiencia hodi banati tuir no hakat ba dalan hanesan.

Iha loron 9-10, surumutuk konaba “Dili Internationl Dialogue on Peacebuilding and Statebuilding”, iha loron ida oinsa mundo ninia hare konaba procesu konstrusaun estado nasaun iha mundo.

Iha loron 10, taka ba surumutuk “Dili Internationl Dialogue on Peacebuilding and Statebuilding” no sei hasae deklarasaun ida ho naran “Dili Declaration” sei sai hanesan mata dalan ba surumutuk sira tuir mai ne´e. Oras ne´e dadaun mata dalan ka referencia ba surumutuk maka “Paris Declaration” no “Acra Declaration”.

Iha tinan sanulu ita ukun rasik ana, Timor-Leste mos buka oinsa maka kore nia ana husi rai sira ne´ebe maka hola parte ba group “fragile states” hodi hakat no tama ba fase desenvolvimentu. Atu lao diak, Timor-Leste buka tau iha pratika ninia moto iha tinan sanulu ba ukun rasik ana maka “Goodbye Conflict, Welcome Development”.

Foti husi: www.timor-leste.gov.tl Tetum versio: http://timor-leste.gov.tl/?p=2422&lang=tp&n=1 Portugues version: http://timor-leste.gov.tl/?p=2422&n=1&lang=pt Engles version: http://timor-leste.gov.tl/?p=2422&n=1&lang=en