VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
Bloku Unidade Popular Associação Popular Monarquia Timorense Kmanek Haburas Unidade Nasional Timor Oan Partido Esperança da Pátria Partido Socialista de Timor Partido Desenvolvimento Popular Congresso Nacional para a Reconstrução de Timor-Leste Partido Republicano União Democrática Timorense Partido Democrata Cristão Partidu Movimento Libertasaun Povu Maubere Partidu Libertasaun Popular Partido Democratico União Nacional Democrática de Resistência Timorense Partido Unidade Desenvolvimento Democrático Partido Timorense Democratico Frenti-Mudança Partido Social Democrata Centro Ação Social Democrata Timorense Partido do Desenvolvimento Nacional Frente Revolucionaria de Timor-Leste Independente
NICOLAU LOBATO
“O povo de Timor-Leste está reconstruindo com o seu próprio suor, com o seu próprio sangue uma pátria revolucionaria democrática, uma terra livre para gente livre”.

Espelho da Realidade
A Esperança Nunca Morre
TIMOR-LESTE



Interview with Fernando Lasama de Araujo: On the road to democracy, where the streets have no name
UKUN HAMUTUK?
Sorumutu "Meja Bo'ot" nakonu ho "bua-malus". Sei lo'ok ba malu hela hodi mama hamutuk.
Fretilin
Fretilin - CNRT
Fretilin - PLP
Fretilin - PD
Fretilin - KHUNTO

 
 
   

segunda-feira, 12 de abril de 2010

Hatun Mari Alkatiri Husi Secretario Geral

Husi: VICENTE MAUBOCY (Presidente F-Mudansa)

Tan Sa Maka HATUN MA Husi Secretario Geral FRERTILIN?

1. Entre razoens barak, sira nebe relevantes maka tuir mai ne:

  • 1) Tan ba MA nia lideransa kausa dezastres barak ba FRETILIN hodi militantes no kuadros FRETILIN deskontentes no namakari;

    2) Mari Alkatiri la iha kapasidade lideransa hodi hakoak, halibur no resolve konflitos internais do Partido;

    3) Mari Alkatiri nia karacter ditador no autoritarismo nebe viola prinsipios democraticos FRETILIN hodi taka dalan ba dialogo;

    4) Ambisaun politica Mari Alkatiri kontinua ukun, fabrika crise de Abril 2006 nebe halo Timor oan balu mate, kanek, sasan barak suno, lakon, estraga no kauza 150 000 deslokados;

    5) Mari Alkatiri author da crise de 2006. Evidensias Rogerio Lobato hetan kastigo no Railos mos hetan pena de prisaun;

    6) Durante governasaun Mari Alkatiri FRETILIN nia oan sira la hetan benefisios; MA nia familiars sira maka hetan benefisios da governasaun FRETILIN;

    7) Mari Alkatiri nia atitute extrema arrogante hodi lhalo deit konfrontasoens ba ema hotu iha Timor Leste: Partido laran, Igreja, sociedade sivil, partidos da Oposisaun no Xanana;

    8) Mari Alkatiri tauk eleisaun directa no secreta, atu lakon, impoen eleisaun foti liman iha II Congrssu Maio 2006;

    9) Mari Alkatiri inkapaside resolve assunto “petisionarios“ nebe sai komplexo no komplikado ikus mai ema balu mate no hetan kastigo;

    10) Mari alkatiri insulta veteranos sira ho lia fuan difamatoria “fahi krekas, fuk naruk no la fase”;

    11) Mari Alkatiri difama mos inan faluk sira ho lia fuan “lain mate mas oan sira kores oi-oin deit;

    12) Mari Alkatiri konsidera nia aan patraun no liurai bot iha FRETILIN; FRETILIN oan sira sai hanesan “atan”;

    13) Mari Alkatiri transforma FRETILIN hanesan empreza privada;

    14) Mari Alkatiri insusesu lori FRETILIN manang eleisaun Presidensial no Legislativa 2007.

    15) Tanba ba Mari Alkatiri nia politica halo deskontentamento bot ba FRETILIN oan sira maka resultado eleisaun Legislativa Junho 2007, FREILIN nia voto tun makas husi 57,37% ba 29,02%;

    16) Figura Alkatiri hanesan Secretario Geral akareta deit prezuijos no katastofres do ke lukros no benefisios ba maioria militantes FRETILIN.

    17) Injustisas nebe Alkatiri pratica iha FRETILIN no iha Governo maka resulta existensia F-Mudansa.
2. Tan sa maka F-Mudansa la forma Partido no lakon tempo ho Alkatiri?

Kestaun ida ne, lori reflexaun barak no tempo narauk hahu 2003 to ohin loron ba Diresaun F-Mudansa nian. Preokupasaun ida ne, mos mai husi kuadros no militantes husi 13 Distritos exige atu F-Mudansa possue nia identidade rasik.

Kuadros no militantes husi Distritos, sub-Distritos dehan “ita iha ema barak ona atu forma Partido no garante metin atu hetan kadeiras iha Parlamento ; eleisaun 2012 F-Mudansa mos sai forsa Politica ida signifikante”.

Kuadros antigos barak mos dehan “Bocy, ita F-Mudansa , iha ona experiencia barak, oin sa maka halibur ema, koalia no kapta simpatia; ita nia ema mesak kuadros da Resistencia no Klandestina deit; figuras ita nian ema, iha kualidades de organizasaun no mobilizasaun;”

Kuadros inteletuais balu dehan “Partido ida atu hetan ema barak, depende kualidades figuras politica. F-Mudansa iha lideres de kualidads: hatene hanoin ,estrutura ideias hodi koalia ba publiko, organiza, mobiliza, matenek hametin solidariedade iha organizasaun, hatene resolve konflitos internais no buka consensus no hotu-hotu iha background Resistencia”.

Responde ba pergunta forma ka la forma Partido hau responde ba kamaradas sira . “imi sente ita FRETILIN ka lae”? Se FRETILIN iha ita nia laran mamuk entaun ita forma Partido. Se forte no nakuno ita luta nafatin hatun Mari Alkatiri husi nia kargo SG.
-
Mari Alkatiri ema ida deit, ita ema rihun ba rihun ne duni ita iha kbit atu hatun MA husi nia kargo. Kestaun sei lori tempo deit. Pasiensia , koragem, persistencia ba ita nia luta, "a Vitoria é certa”.

Hau sei dehan tan “imi permite atu MA estraga nafatin imagem FRETILIN ka lae? FRETILIN ne Mari Alkatiri nian ka ita hotu nian? Se nia familiars maka mate barak liu ba FRETILIN. Mari Alkatiri nian ka ita nian”.

Hau adianta tan ”luta mais difsil hatun Mari husi poder do Primeiro Ministro” no fo derrota eleitoral iha 2007 nebe persentagem de votos tun 57,37% (2001) mai 29,02%. (2007). Alkatiri maka kastiga nia aan hodi hetan derrota. Se Alkatiri pessoa ida agradavel hatene halibur hamaus no manang kuadros no militantes nia fuan no laran, votos ba FRETILIN aumenta; la tun makas. Komo antipatiko ba Povo, Povo fo kastigo”.

F-Mudansa konssegue tiha ona primeira Vitoria maka desarma Mari Alkatiri - tun husi Poder. Segunda mais fasil, maka desarma - hasai husi kargo Secretario Geral.

Ho perguntas no respostas nebe koloka, atan ami buka atu separa Mari Alkatiri ho FRETILIN. Buat ida maka Mari, buat seluk maka FRETILIN. Mari sei lakon ka mate kuando destino too; enkuanto FRETILIN hanesan organizasaun nunka mate.

Mari nia komportamento politico maka hamosu divergensias la iha relasaun kontra FRETILIN. Kontra Mari Alkatiri hanesan kontra FRETILIN, interpretasaun ne sala bot. Buat rua la hanesan. Mari ema ida; FRETILIN insttuisaun ida koletiva, komposto husi ema barak. Historia FRETILIN la hanesan historia Mari nian.

Nune kamaradas sira komprende no esklaresidos kona ba esforsos F-Mudansa halo atu deskola MA husi cargo SG.

Oin Sa HASAI MA Husi SECRETARIO GERAL?

3. Estrategia nebe mais apropriado atu hatun

Mais dificil hatun MA husi governo.Tanba altura neba makina Governo Central, Distrital, sub Distrital, Sukos , Aldeias, Instituisaun PNTL iha MA nia komando.

Alem disso MA, altura neba, iha fasilidades governo liu husi Ministros + Sec Estados husi Departamentos oi-oin halo propaganda barak a favor MA atu assegura nafatin posto do PM ba segundo mandato ho komitiva tomak. Iha mos projectos Seguransa Alimentar, Desenvolvimento Rural ho orasamento de millions de dellores atu suporta MA nia reputasaun atu kapta simpatia votantes sira atu MA governa tinan lima tan.

Ho Matebian no Maromak nia tulun, fo hanoin ba 120,000 votantes da FRETILIN atu vota ba Xanana Gusmao hodi trava MA manang ho maioria absoluta iha eleisaun Junho 2007.

Grasas MA nia arrogansia, character ditador, antipatico ba ema barak liu-liu iha FRETILIN, Mari nia mehi atu kontinua governa transforma ba derrota eleisaun 2007.

Diferensa 57,37% (2001) ho 29,02% (2007) = 28,35%, frasaun ida bot tebe-tebes. Kumulo da vergonha, MA embora ho plenos poderes iha governo tansa sa maka votantes sira la vota ba Partido nebe kaer governo?

Fuga de votos, ho eskala bot sinal de deskontentamento geral no grave

Gradualmente (nenei-neneik) F-Mudansa ho CNRT, retira loro-loron votantes husi MA; liu husi variedades de projectos no programas governo nian hanesan:

Subsidios ba katuas, ferik, bolsas da mãe, programa seguransa alimentar, aumenta tan osan ba ferik ho katuas, Pakote Referendo, 2009, Pakote desenvolvimento ba 2010, projectos estradas iha territorio tomak, projecto eletrisidade ba Povo, (nebe hari ona postes iha fatin barak ona), ho programs seluk-seluk nia finalidade atu povo sente katak ho governasaun Xanana Gusmao, Povo moris diak liu do ke governasaun Mari Alkatiri.

Desenvolvimento nebe desenrola atu povo hetan moris diak hanesan acessu ba edukasaun, eletricidade, be mos, estradas, saude, habitasaun, produzaun alimentar aumenta liu husi fasilidade de irigasaun, tratores etc. buat hirak ne soma hamutuk, atu kondisiona povo nia standard moris diak.

Uma vez povo nia standard of living diak ona, estabilidade mos garantida, I desenvolvimento acelera ba oin nafatin hodi alkansa prosperiedade social ba Timor oan hotu.

Ho ritmo de desenvolvimento nebe fokus ba povo nia moris diak, liu husi projectos no programas too 2012, MA talvez la hetan ona votos barak.

Sira nebe vota ba MA liu husi FRETILIN maka 21 deputados, + membros CCF balu, no sira nebe mai husi Maputo. Atan hau tauk deit scenario ida nebe akontese ba Sr. Joao Caraslao ho UDT nebe iha eleisaun 2007 la konsegue hetan kadeira ida iha Paralmento Nasional, bele mosu ba Sr. Mari Alkatiri iha FRETILIN. Husu deit ba Maromak scenario ida ne labele akontese. Se akontese FRETILIN oan sira sei tara MA tanba nia teimosia politica hodi la fo fatin ba kuadros FRETILIN seluk atu assume lideransa foun.

Halo kontagem matematica, resultado eleisaun de 2007 FRETILIN hetan kebra de 28,35%. Figura ida ne, revela katak votantes FRETILIN lakon ona konfiansa ba MA iha Distritos 9. Distritos 3 iha parte Leste Baucau, Vikeke, Loespalos no ida iha Oeste Suai maka FRETILIN manang.

Oras ne dau daun husi Suai estrutura antiga tama hotu ona ba F-Mudansa, Hau iha serteza katak MA lakon kompletamente ona iha Suai ba eleisaun 2012. 6, 764 votantes 2007 nian sei vota hotu ba CNRT ho F-Mudansa.

Baukau maka grosso bot FRETILIN ho 31,302 votantes tuir Vikeke 19,327 no ikus Lospalos ho 12,145 (CNE 2007) total 69, 538 iha Distritos 4 nebe ekivale 57,66% total votos nacional husi 120,592. (29,02%).

Baucau bele konta metin katak F-Mudansa ho CNRT hetan 80% iha 2012 hanesn mos iha Vikeke, Lospalos no Suai. Nune 20% representa 24, 119 votos nebe koresponde kadeira 5 iha Parlamento Nacional. Hau fiar metin melhor scenario maka MA hetan entre 5 a 10 kadeiras. Baukau ho Vikeke maka CNRT ho F-Mudansa domina total hanesan Likisa iha 2007, probabilidade kasu Sr. João CarRascalão bele akontece ba Dr. Mari.

CNRT ho F-Mudansa iha meios disponiveis no oportunidade atu alkansa objetivo glorioso ida ne. Enkuanto MA karese de meios tanba afastado totalmente ona husi poder de governasaun.

Ami fiar metin katak F-Mudansa ho CNRT dasa mos votantes husi MA tanba governo AMP nia programa konkretamente monu duni Povo nia laran no povo haksolok duni atu vota ba Xanana.

Kada vez, ami tun halo enokontros, partisipantes barak maka mai rona hodi fo sira nia feed-back positivu ba programas governo nian. Pakote Referendo 2009 no Pakote foun 2010, 2011 too 2012 incentivu bot ida atu aumenta votos barak ba Xanana 2012. Pakote Referendo nia impacto positivu ba emprezarios no trabalhores sira iha territorio nacional.

Komentarios husi emprezarios FRETILIN dehan Bocy: “pakote ne to 2012 MA nia votos sei tun barak liu “balu hau la temi sira nia naran se lae MA expulsa tan sira husi CCF dehan tan “ema vota ba partido nebe preokupa ba ema nia kabun ka moris diak. La os ba lidere ida nebe lori ona ukun, fahe kilat ohoo povo no la preokupa povo nia moris”.

Estrategia nebe F-Mudansa usa dadaun to 2012, atu konvense votantes FRETILIN atu vota ba CNRT atu kontinua taka dalan ba Mari hetan votos menus nune ses husi kargo SG FRETILIN eternamente.

4. Tan sa maka F-Mudansa suporta Xanana?
  • a) Xanana mos halo parte processo de luta nebe FRETILIN hahu. Xanana membro CCF i kuadro politico superior iha fileira FRETILIN.

    b) Xanana nia pemsamento no asaun tuir ideologia FRETILIN nebe atu liberta Povo husi mukit no kiak, no iha komitimento firme atu alkansa objectivu prosperiedade ba Povo Timor Leste.

    c) Xanana interioriza Povo nia terus no susar diak liu Mari Alkatiri dala rihun ida. Xanana sente terus iha nia isin no fuan no experiensia rasik, custo ka folin atu hetan Independensia. Enkuanto MA rona deit la sente moras la sente kole, saída maka terus atu hetan Independencia.

    d) Xanana sakrifika nia familia, nia aan rasik hodi dirige luta armada ba Independensia nacional. Enkuato MA haksesuk malu hadau malu kargu iha diaspora atu sai dirigente entre Abilio, Horta, Rogerio, Lugo. Infelizmente MA nia esforsus atu sai dirigente FRETILIN iha liur la hetan sucessu.

    e) F-Mudansa suporta Xanana atu salva nasaun husi “caos no istabilidade” nebe MA rasik maka autor.

    f) F-Mudansa suporta Xanana tanba, uniko Xanana maka “iha kbit no kredililidade “atu restaura paz no estabilidade husi crise nebe hahu iha MA nia governasaun. Evidensia hatudo katak Xanana “bele duni”.

    g) Ho atributos de kualidades de lideransa nebe Xanana iha atu ukun povo no rai ne diak liu Mari, atu hetan “paz, unidade no desenvolvimento” maka F-Mudansa iha Xanana nia kotuk.

    h) F-Mudansa ho Xanana komunga objectivos hanesan “estabilidade, desenvolvimento, bem estar Timor oan hotu”.

    i) F-Mudansa suporta Xanana tamba figura historika, iha skills hodi kapta simpatia, matenek resolve konflitos, esforsa makas hodi kria kondisoens de unidade nasional. Xanana iha sensibilidade humana ba terus nain sira, funo nain sira.

    j) Xanana nia kakutak preokupa oin sa povo moris diak hanesan iha uma ida desente, be mos, eletrisidade, estrads rurais, eskolas, klinikas no buat seluk tan vitais ba povo nia nesessidades moris.

    k) Iha Xanana nia pessoa la hare indikasoens de pratikas de KKN, ema ida open mind la arrogante trata ema hotu ho respeito, sem diskriminasaun, respeita ema seluk nia opiniaun no pontos de vista diferente.

    l) Xanana nia ambisaun bot atu povo Timor Leste, moris livre, iha justisa nia laran halo desenvolvimento atu hetan prosperiedade ekonomica, social i politica.
5. F-Mudansa objetivu atu hatun MA nia kargo la os hadau

Dr. Alkatiri. Hatun no hadau la hanesan. Lia fuan rua ne nia signifikadu diferentes. Ami iha legitimidade atu hatun ita bot tanba ami hotu halo parte FRETILIN husi 1974 too ohin loron. Ne duni ami iha plenos direitos atu reklama, kargo SG da FRETILIN nebe ami mos pertentense ba instituisaun nebe ita bot halo gestaun de forma “mediocre”.

Razoens hatun baseia ba indikasoens de inkapasidade de gestaun FRETILIN no pratika de injustisas nebe halo kuadros no militantes deskontentes. Razaun bot liu maka crise de 2006 ho nia konsekuensias no FRETILIN ho ita nia lideransa lakon iha eleisaun 2007 alem de razoens seluk nebe hau temi iha kotuk.

Kestaun do kargo SG ami la katen hanesan ita bot. Ami hatene katak sei tuir regras nebe hakerek iha Estatuto no submete ba prosesu eleitoral ida kredivell liu husi voto direto no sekretu. Metodo foti liman para ona ho eleisaun de 2006 nebe ita bot inventa hodi manang.

Militante F-Mudansa, mos iha direito atu konkore ba kargo SG. Kestaun manang ka lakon depende husi votantes sira iha Congresso.

Ami la iha ambisaun ba kargo. Se se deit bele, menos ou com excepsaun Mari Alkatiri tanba komprova tiha ona inkapsidade halo gestaun la-diak ba FRETILIN hodi hetan insucesso.

Iha regras atu hili SG atu troka Mari Alkatiri. F-Mudansa nia kandidatu mos iha direito no legitimitade compete ba kargo SG. Hili ka la hili ou eleito ka lae, depende votasaun husi partisipantes do Congressu sira nia opsaun de eskolha.

F-Mudansa exige MA tun husi SG tanba demonstra tiha ona nia inkapasidade. Mas respeita nafatin MA nia dedikasaun ba FRETILIN hori uluk to ohin loron. Direito de militansia MA ema ida la iha direito atu hasai, enkuanto nia deklara iha FRETILIN nia fileiras nafatin.

Mari Alkatiri iha kualidades ba buat seluk- la iha duvidas. Mas atu lidera FRETILIN nafatin, deskulpa “para ona ba”. Lakon eleisaun iha Distritos 9 sinal ke militantes sira lakon ona konfiansa ba lideransa MA. Suai konta MA la hetan ona votos ba eleisaun 2012. Distritos 3 husi parte Leste maka lakon hotu entaun “funeral“ bot ba Mari Alkatiri nia kareira politica i MA conscientemente abandona cargo SG 2012.

FRETILIN naksobu tanba Mari Alkatiri komete injustisas barak, iha Partido laran. Organizasaun ida nakfera tanba inkapasidade lider atu assegura interesses segmentos hotu nian.

MA kontinua lidera FRETILIN hanesan kontinua desgraça (sorte at) bot ba FRETILIN. Ami hanesan militantes la permite atu situasaun ida ne kontinua at nafatin ba oin. Kontra Mari Alkatiri, hanesan kontra FRETILIN, interpretasaun ne sala bot, la iha justifikasaun logika. MA buka taka nia sala, no krimes lori FRETILIN. Ho estrategia ida ne, atu alkansa nia intereses politicos no ekonomicos ba rekursus naturais iha Taci Timor!

Sem comentários:

Enviar um comentário

Nota: só um membro deste blogue pode publicar um comentário.