VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

quinta-feira, 19 de novembro de 2009

Pakote Referendum Familia Sekretariu Jeral Fretilin sai mos BENEFISIARIU

SEOP DEFENDE FAMILIA ALKATIRI HETAN PAKOTE REFERENDUM
Resumo husi - TIMOR POST (TP, 20/11, paj.19) no Jornal Nacional Diario (JND, 20/11, paj.5)

Dili-Konaba kestau pakote referendum nebe fo mos beneficiu ba familia Sekretariu Jeral Fretilin, Dr.Mari Alkatiri, Sekretariu Estado Obras Publika (SEOP), Domingos Caiero hateten katak “emprezariu Timor oan hot-hotu iha direitu atu hetan pakote referendum”. Nia dehan tan katak,"familia Alkatiri ne’ebe simu pakote referendum hanesan Ahmad ho Umar laos ema estrangeiru. Sira laos ema estrangeiru, la fo sala, fo mos sala, ita labele hare nia hanesan Mari Alkatiri nia familia, maibe ita hare nia kapasidade nudar emprezariu”, dehan Domingos Caiero.

Domingos, esklarece liu tan katak,"Alkatiri nudar Sekretariu Jeral Fretilin ne’e oin seluk, maibe nia familia sira laos hamrik hanesan ema partidu. Labele tamba Alkatiri hanesan Sekretariu Jeral Fretilin, nia familia labele hetan projektu, importante mak nia familia bele kontribui mos hodi dezenvolve rai ne’e”, katak SEOP.

Kompanyia Hidayat kaer ho osan $700.000,00

Tuir hakerek iha Jornal Nacional Diario (JND, 20/11) konaba Kompanyia Hidayat ne’ebe hetan pakote referendum hodi konstroe muru ponte kais ho osan hamutuk $700.000.00, konstrusaun ne’e sei kontinua to’o tinan oin, tamba governu konsidere ne’e importante.

Governu AMP hare konstrusaun moru ponte kais hodi tau osan bo'ot, tamba moru ne’ebe oras ne’e halo dau-daun husi Kompanyia Hidayat, ninia nain maka Ahmad Alkatiri, importante tebes tamba nia sei satan netik tasi ben.

Tuir observasaun JND, katak iha quinta-feira (19/11) horseik iha Igreja Motael nia oin, Farol, hatudu katak, fatin ba moru mak refere, oras ne’e didin hela ho kalen no konstrusaun ne’e agora dau-daun lao hela.

Fontes: Timor Post (TP, 20/11, paj.19) no Jornal Nacional Diario (JND, 20/11, paj.5)!

Sem comentários:

Enviar um comentário

Nota: só um membro deste blogue pode publicar um comentário.