VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

quarta-feira, 18 de novembro de 2009

Governu La Diskrimina Empresarios Nasional

Alkatiri Kritika, Familia Simu Pakote Referendum

Dili (JND, 19/11, paj. 14). Observasaun representante povu iha Uma Fukun Parlamentu Nasional (PN) husi bankada CNRT, deputadu Natalino dos Santos hateten, pakote referendum ne´ebe Governu implementa, la deskrimina empresarius nasionais, tamba parte hotu-hotu hetan projektu ba pakote referendum.

Legal tamba hasae husi OGE2009 ne´ebe PN aprova:

”Pakote referendum ne´e dehan iha lian bahasa, kebijakan pemerintah iha loron ne´ebe ita komemora, loron referendum, atu bele fó ba empresarius hotu-hotu, pakote referendum ne´e mos foti husi kapital desenvolvimentu iha orsamentu ne´ebe Parlamento Nasional aprova tiha ona iha 2009 nian”, koalia deputadu Natalino ba journalista sira, quarta (18/11) iha PN.

Hasae Kbiit Empresarius Nasionais:

Haklaken deputadu Natalino, husi pakote referendum ne´e, komitmentu Governu nian atu hasa´e kapasidade sektor privado, tamba sektor privado hanesan partener ba Governu atu desenvolve rai ida ne´e, tamba ne´e mak, Governu halao pakote referendum atu halao teste nasional ida ba empresarius nasionais sira katak, sira iha kapacidade ka lae atu halao desenvolvimentu ba nasaun ida ne´e.

Governu AMP la deskriminasaun ba fahe pakote referendum:

“Tamba ne´e, hau senti normal, bainhira sira husi oposizaun kritika pakote referendum, maske buat ne´e halo diak mos sira nafatin dehan ne´e at, Maibe iha parte seluk, Governu ida ne´e mos la halo deskriminasaun husi pakote referéndum, hodi hare ba partidu no kor, Maibe ne´e ba Timor oan hotu ne´ebe nudar empresarius nasionais iha direitu atu hetan projektu husi Governu se deit”, katak deputadu Natalino.

Mari Alkatiri kritika, familia simu pakote referéndum:

Eis-Primeiru Ministru no Sekretariu Jeral Partidu Fretilin Mari Alkatiri kritika makas Pakote Referendum tamba deit la prevista iha Orsamentu Estado ba 2009 nian. Nudar lider oposisaun kritika makas ba medidas ida ne´e, tamba ne´e hanesan failansu husi Governu AMP ne´ebe lidera husi PM Kay Rala Xanana Gusmao.

Iha parte seluk, tuir Vice Ministru Infra-Estruktura Jose Manuel Carrascalão hateten ba Diario neé, Segunda (16/11) iha Palacio do Governu katak, iha pakote referendum neé, familia Alkatiri mos simu projetu pakote referendum, hanesan konstrusaun ba moru ponti kais, iha Igreja Motael nia oin, kompanha Hidayat mak hetan, nain husi Ahmad Alkatiri.

“Projektu neébe mak kompanha Hidayat kaer neé, iha nia kontinuasaun ba tinan oin, tamba konstrusaun ponti kais neé atu tahan tasi bem, neebe ida neé nudar fase pakote referendum nian mak ida neé, mas sei iha kontinuasaun ba tinan oin,”koalia Vice Ministru Infra-Estrutuktura Jose Manuel.

Sublinha membru Governu AMP Jose Manuel Carrasacalão, iha parte seluk, kompanha Raniati Humar mak hetan projetu pakote referendum hadia estrada iha Atauru, ba estrada balun neébe mak iha tiha ona, ida neé ho valor orsamentu hamutuk trejentus ital mil dolar. J-2

Sem comentários:

Enviar um comentário

Nota: só um membro deste blogue pode publicar um comentário.