Díli (FH, 11/6/09). Partido Demokratiku (PD) komemora ninia loron moris ba dala 8º iha loron 13 no 14 fulan Junho, iha Díli. PD moris foin tinan ualu (8) kotuk maibe oras ne´e dau-daun PD ninia krescimentu aas ona, haré husi eleisaun ba Assembleia Konstituinte iha fulan Agosto tinan 2001, eleisaun Chefe Sukus iha 2004 no eleisauns Presidencial no Lejislativa 2007, ninia resultadu hatudu katak Partidu ne´ebe ninia ritmu krescimentu sae makas mak PD tamba ninia eficacia no pragmatismu politiku no dinamika lideransa sira nian. Karik mos tamba Timor nia emar mos mentalidade oin seluk ona no hili mote ka filosofia: Partidu Demokratiku - Hanoin, Harí Hametin. Ne´e fenomenu foun ida iha historia Timor hanesan nasaun iha Seculo XXI.
Eleisaun 2001: Eleisaun Assembleia Konstituinte
Iha eleisaun ba Assembleia Konstituinte 2001, foin liu fulan rua harii PD tuir kedan eleisaun no resultadu final PD hetan segundo lugar ho kadeira hitu (7), tau ba kotuk Partidos historikus no lideres historikus sira hanesan: Francisco Xavier Amaral ho ASDT hetan deit kadeira nem (6), Mário Carrascalao ho PSD ho kadeira nem (6), Partido Historika seluk hanesan UDT ho KOTA hetan kadeiras rua (2).
Eleisaun 2007: Elesisaun Presidencial
Liu husi konferencia nacional Partido Demokratiku nian iha fulan Fevereiro tinan 2007, PD formalmente fihir no hili fila fali Presidente PD Fernando Lasama de Araújo hanesan ba kandidatu ba eleisaun Presidencial iha fulan Abril tempo neba. Iha Resultadu final eleisaun Presidencial nian, Fernando Lasama de Araújo hela iha terceiro lugar (3º), iha kandidatu Francisco Guterres Lu´olo no José Ramos Horta nia kotuk. Nune´e soe tiha ba kotuk candidato seluk hanesan Lucia Lobato husi PSD no Manuel Tilman husi partidu KOTA.
Ba segunda volta José Ramos Horta manan tamba hetan suporta husi kandidatu Presidencial husi PD, Fernando Lasama de Araújo tamba assina MOU husi kandidatus 2º no 3º lugares iha iha eleisaun primeira volta. Ikus mai José Ramos Horta eleitu ba Presidente Republika iha 2º volta ho Maioria Absoluta ho apoio partidu sira nebe lakon kontra Lu´olo husi Fretilin.
Eleisaun 2007: Eleisaun Legislativa
Molok eleisaun, mosu Partido Foun CNRT (Congresso Nacional ba Reconstrução Timorense) nebe sai hanesan ameasa ba PD, tamba lori militante barak ba tama ba PD, husi sorin ida. Husi sorin seluk, CNRT mosu ho figura Kay Xanana Gusmão ne´e dada eleitoradus PD nian barak. Maibe CNRT mosu hamihis boatus ka rumores nebe dehan PD ne´e Xanana Gusmao nian.
PD hakat ba eleisaun lejislativa 2007 lao mesak no fiar an; partidu Fretilin ba ho slogan historika «Fretilin maka funu», CNRT hakat ba eleisaun ho patrimonia historiak CNRT (asset Resistência nian) no líder historiku Kay Rala Xanana Gusmão; ASDT/PSD ho sira nia lideres historikus hanesan Francisco Xavier do Amaral no Mário Viegas Carrascalao.
PD lao mesak no fiar an, iha resultadu final, hetan kadeira ualu (8) iha Parlamento Nasional (PN), sura renkings Partidus Politikus Timor nian iha eleisaun lejislativa 2007, PD hetan terceiro lugar (3º). Hare husi sorin krescimentu quantitativu PD husi 2001 ba 2007, sae makas tamba:
2001: PD hetan kadeira hitu (7) - Kadeira ida (1) tenke hetan 5000 votantes
2007: PD hetan kadeira ualu (8) - Kadeira ida (1) tenke hetan 10.000 votantes
Hare numerus PD ninia krescimentu iha tinan lima nia laran, sae dau-daun ba 100 %.
Dinamika oras ne´e dau-daun:
Oras ne´e dau-daun PD kontinua ho ninia dinamika ne´e liu husi sosializasaun ba base, tamba deit ninia pragmatismu iha pratika politika no ninia visaun i misaun ba Nasaun Timor-Leste, kontinua atrai emar barak hakarak adere ba PD. Hare deit husi ninia kbi´it ba mobilizasaun hanesan foin dau-daun ne´e, iha Sub-Distritu Hatolia, Distritu Ermera (9/05), adesaun barak husi partidu seluk ba PD makas, tuir informasaun haktuir husi TVTL (Telejornal, 11/05); Socializasaun halao mos iha Suku Maununo Distrito Ainaro, harii estrutura PD nian iha ne´eba, iha mos simpazantes husi partidus barak maka tama ba PD, tuir noticias nebe foi sai husi STL no JND iha fulan Junho nia laran (09/06). Sinal, Timor oan sira haré iha PD partidu ida laos pragmatiku, dinamiku deit maibe interventivu no sério iha knar nebe estado nian.
Aniversario PD ba 8º iha loron 13 Fulan Junho de 2009
PD sei halo surumutuk interna ida, iniciativa mai husi Conselho Liderança Central PD no tatoli ba quadros politikus no dirijentes sira hotu atu hola parte iha surumutuk ba servisu Partidu nian. Klibur PD ne´e sei halao iha Salaun Madre Canossiana, Becora, Díli, iha loron 13 Fulan Junho 2009. Tuir agenda, hahu husi tuku 08:30 to´o loro kraik. Objectivu infomal balun mak atu hamans fali hanoin liu husi haksesuk, dadalia no hamutuk haré fali ba PD ninia passu hirak nebe fo´o ona husi 2001 to´o 2009 no mos haré oinsá atu lao ba oin. Tuir infomasaun nebe ami hetan katak, participantes oficial hamutuk 354, mai husi Konseilu Lideransa Central PD nian; Organizasaun Juventude Demokratiku (OJD); Organizasaun Mulher Demokratiku (OMD) no mos; Estrutura PD distrital, sub-distritus, Membrus nebe hola parte Governu AMP, Direktores no simpatizante sira.
Ajenda ba haksesuk malu maka: desafiu saida deit maka Nasaun ne´e hasoru hahu husi tinan ida ne´e to´o ba eleisaun Presidencial no Lejislativa 2012. Molok ne´e PD mos buka hadia no prepara-an ba hasoru eleisaun Municípios ne´ebe sei halao iha tinan 2009 iha distritu haat (4) no distritu seluk iha tinan 2010.
Loron 14 Fulan Junho 2009:
Festa ba tinan PD nian ba dala ualu (8º) sei halao iha loron 14 fulan Junho, Domingo, iha Salão Canossiana Hás Laran, Manleuana, Díli. Hahu tuku 09:00 to´o hotu. Komisaun ba Festa Aniversario ba dala Ualu (8º) ninia Presidente maka Alberto Henrique Maria, Secretario maka Nivio Magalhães no secções sira seluk ne´ebe halao servisu ba sucessu festa PD nian iha loron rua, 13 no 14 Junho de 2009!
Eleisaun 2001: Eleisaun Assembleia Konstituinte
Iha eleisaun ba Assembleia Konstituinte 2001, foin liu fulan rua harii PD tuir kedan eleisaun no resultadu final PD hetan segundo lugar ho kadeira hitu (7), tau ba kotuk Partidos historikus no lideres historikus sira hanesan: Francisco Xavier Amaral ho ASDT hetan deit kadeira nem (6), Mário Carrascalao ho PSD ho kadeira nem (6), Partido Historika seluk hanesan UDT ho KOTA hetan kadeiras rua (2).
Eleisaun 2007: Elesisaun Presidencial
Liu husi konferencia nacional Partido Demokratiku nian iha fulan Fevereiro tinan 2007, PD formalmente fihir no hili fila fali Presidente PD Fernando Lasama de Araújo hanesan ba kandidatu ba eleisaun Presidencial iha fulan Abril tempo neba. Iha Resultadu final eleisaun Presidencial nian, Fernando Lasama de Araújo hela iha terceiro lugar (3º), iha kandidatu Francisco Guterres Lu´olo no José Ramos Horta nia kotuk. Nune´e soe tiha ba kotuk candidato seluk hanesan Lucia Lobato husi PSD no Manuel Tilman husi partidu KOTA.
Ba segunda volta José Ramos Horta manan tamba hetan suporta husi kandidatu Presidencial husi PD, Fernando Lasama de Araújo tamba assina MOU husi kandidatus 2º no 3º lugares iha iha eleisaun primeira volta. Ikus mai José Ramos Horta eleitu ba Presidente Republika iha 2º volta ho Maioria Absoluta ho apoio partidu sira nebe lakon kontra Lu´olo husi Fretilin.
Eleisaun 2007: Eleisaun Legislativa
Molok eleisaun, mosu Partido Foun CNRT (Congresso Nacional ba Reconstrução Timorense) nebe sai hanesan ameasa ba PD, tamba lori militante barak ba tama ba PD, husi sorin ida. Husi sorin seluk, CNRT mosu ho figura Kay Xanana Gusmão ne´e dada eleitoradus PD nian barak. Maibe CNRT mosu hamihis boatus ka rumores nebe dehan PD ne´e Xanana Gusmao nian.
PD hakat ba eleisaun lejislativa 2007 lao mesak no fiar an; partidu Fretilin ba ho slogan historika «Fretilin maka funu», CNRT hakat ba eleisaun ho patrimonia historiak CNRT (asset Resistência nian) no líder historiku Kay Rala Xanana Gusmão; ASDT/PSD ho sira nia lideres historikus hanesan Francisco Xavier do Amaral no Mário Viegas Carrascalao.
PD lao mesak no fiar an, iha resultadu final, hetan kadeira ualu (8) iha Parlamento Nasional (PN), sura renkings Partidus Politikus Timor nian iha eleisaun lejislativa 2007, PD hetan terceiro lugar (3º). Hare husi sorin krescimentu quantitativu PD husi 2001 ba 2007, sae makas tamba:
2001: PD hetan kadeira hitu (7) - Kadeira ida (1) tenke hetan 5000 votantes
2007: PD hetan kadeira ualu (8) - Kadeira ida (1) tenke hetan 10.000 votantes
Hare numerus PD ninia krescimentu iha tinan lima nia laran, sae dau-daun ba 100 %.
Dinamika oras ne´e dau-daun:
Oras ne´e dau-daun PD kontinua ho ninia dinamika ne´e liu husi sosializasaun ba base, tamba deit ninia pragmatismu iha pratika politika no ninia visaun i misaun ba Nasaun Timor-Leste, kontinua atrai emar barak hakarak adere ba PD. Hare deit husi ninia kbi´it ba mobilizasaun hanesan foin dau-daun ne´e, iha Sub-Distritu Hatolia, Distritu Ermera (9/05), adesaun barak husi partidu seluk ba PD makas, tuir informasaun haktuir husi TVTL (Telejornal, 11/05); Socializasaun halao mos iha Suku Maununo Distrito Ainaro, harii estrutura PD nian iha ne´eba, iha mos simpazantes husi partidus barak maka tama ba PD, tuir noticias nebe foi sai husi STL no JND iha fulan Junho nia laran (09/06). Sinal, Timor oan sira haré iha PD partidu ida laos pragmatiku, dinamiku deit maibe interventivu no sério iha knar nebe estado nian.
Aniversario PD ba 8º iha loron 13 Fulan Junho de 2009
PD sei halo surumutuk interna ida, iniciativa mai husi Conselho Liderança Central PD no tatoli ba quadros politikus no dirijentes sira hotu atu hola parte iha surumutuk ba servisu Partidu nian. Klibur PD ne´e sei halao iha Salaun Madre Canossiana, Becora, Díli, iha loron 13 Fulan Junho 2009. Tuir agenda, hahu husi tuku 08:30 to´o loro kraik. Objectivu infomal balun mak atu hamans fali hanoin liu husi haksesuk, dadalia no hamutuk haré fali ba PD ninia passu hirak nebe fo´o ona husi 2001 to´o 2009 no mos haré oinsá atu lao ba oin. Tuir infomasaun nebe ami hetan katak, participantes oficial hamutuk 354, mai husi Konseilu Lideransa Central PD nian; Organizasaun Juventude Demokratiku (OJD); Organizasaun Mulher Demokratiku (OMD) no mos; Estrutura PD distrital, sub-distritus, Membrus nebe hola parte Governu AMP, Direktores no simpatizante sira.
Ajenda ba haksesuk malu maka: desafiu saida deit maka Nasaun ne´e hasoru hahu husi tinan ida ne´e to´o ba eleisaun Presidencial no Lejislativa 2012. Molok ne´e PD mos buka hadia no prepara-an ba hasoru eleisaun Municípios ne´ebe sei halao iha tinan 2009 iha distritu haat (4) no distritu seluk iha tinan 2010.
Loron 14 Fulan Junho 2009:
Festa ba tinan PD nian ba dala ualu (8º) sei halao iha loron 14 fulan Junho, Domingo, iha Salão Canossiana Hás Laran, Manleuana, Díli. Hahu tuku 09:00 to´o hotu. Komisaun ba Festa Aniversario ba dala Ualu (8º) ninia Presidente maka Alberto Henrique Maria, Secretario maka Nivio Magalhães no secções sira seluk ne´ebe halao servisu ba sucessu festa PD nian iha loron rua, 13 no 14 Junho de 2009!
FH/fim
Sem comentários:
Enviar um comentário
Nota: só um membro deste blogue pode publicar um comentário.