BALANSO SOCIO-ECONOMICO-POLITICO AMP 2008

(Vicente Mau Bocy – Political analyst)

1.Introdusaun

Artigo ida ne’e nia objectivo atu hare conteudo imagens hussi tinan 2008 governo AMP halo ba iha aspectos socio-economico -politico no analisa mos governasaun nia impactos ba Povo Timor Leste nia moris. Realmente Xanana lori AMP hahu hussi 08-08-07 tó 31-12-08 (fulan 16) nia laran halo ona buat ruma atu responde Povo nia susar no terus ka seidauk?

Alem de hare ba progressos, hare ba mos abalos politicos nebe AMP enfrenta, analise mos deficiencias balu, nebe akontece, ke precisa atu hadia iha tinan 2009. Kostuma dehan: governasaun ida diak ka la diak, kompara no sukat hussi “out puts indicators “ nebe afecta directamente ba ema barak nia moris.

Lia fuan desenvolvimento significa” mudansa ka transformasaun” hussi situasaun ida ba situasaun seluk. Muda hussi A ba B . Nia impacto bele beneficia restritamente ba ema grupo kiik ida nia interresses ou extensivamente ba ema barak nia interresses. Hussi konsiderasaun ka parametros focus ba” grupo kiik ka ema barak” nia interresses maka publico fo avaliasaun ka distinsaun entre governo X ho Y ida nebe maka serve diak liu ka preokupa Povo Timor Leste nia moris.

2. Impacto eleisaun legislativa de 30 de Julho de 2007

Eleitorado sira nia decisaun prudente atu fo sira nia votos ba Partidos Politicos sira iha eleisaun Legislativa (30-07 -07) halo Partido FRETILIN sira nia dirigentes politicos la konssegue kontinua kaer governo ba period ida tan tamba resultados de votos atingiu deit 28%. nebe ekivale ho 21 assentos parlamentares. Tuir rekesitos iha Constituisaun RDTL ho vitoria de maioria simples FRETILIN la-bele forma governo a não ser hetan aliansa ho Partidos seluk de forma bele hetan maioria absoluta ho minimo de 33 assentos parlamentares.

Incapacidade ka antipatia dirigentes politicos da FRETILIN em relasaun ho dirigentes Partidos Politicos seluk, halo FRETILIN lakon oportunidade atu forma governo. Hodi nune’e Xanana ho nia lobby kapta simpatia ho (PD,ASDT/PSD) hodi forma AMP nebe hamutuk hetan 37 assentos Parlamentares, nebe preenche ona rekesitos atu forma IV Governo Constitucional.

Embora dirigentes politicos da FRETILIN reclama ka hateno IV Governo illegal, inconstitucional etc. Governo AMP lao nafatin ba oin sem preokupasaun “ a caravan AMP continua avante embora os cães post power syndrome ladram”.

3.Performance indicators AMP 2008

Publico Timor-Leste no mos internacional sira hatene, nahan todan bot ke governo Dr.Alkatiri hussik hela ba governo AMP. Naha bot rua maka (1) Peticionarios, (2) Crise de Abril de 2006 nebe resulta Deslokados no total de 150 000 pessoas, colapso da Institusaun PNTL, distribuisaun de armas ba civil, conflitos fisicos entre jovens artimarciais nebe resulta mortes barak, associados ho estragos de bens no propriedades. Evidencias hatudo Dili moris iha situasaun de anarkia no kaos total. Populasaun barak moris iha ambiente tauk, panico no inseguro.

3.1. Solusaun problema Peticionarios

Solusaun ba kaso Peticonarios, demonstra sucesso bot ida. Fatin barak hanesan iha ilhas do Pacifico, instabilidade politica origina hussi militares sira, kuando governo la presta atensaun di-diak ba sociedade tomak nia moris. Como Dr.Alkatiri la fo atensaun ka minimiza Peticionarios sira nia pedido maka hetan desastre bot. Se Dr.Alkatiri buka aproximasaun ida pacifica, amigavel atraves de dialogo, hodi buka koncilisaun no sentido atu hetan consensus hau iha certeza katak dimensaun problema Peticionario la sai bot hanesan acontence liu ba, ke ita hotu la espera.

O ke é certo assunto Peticionario Xanana konssegue resolve duni i elementos sira hotu tur hakmatek ohin loron. To ohin loron sei dauk mossu indikasoens ruma nebe hatudo elementos Peticionarios sira kausa rungu-rangan iha fatin ruma iha Territorio Nacional. La iha disturbios, significa proposta de solusaun atu resolve Peticionarios sira nia kasu eficaz duni.

3.2. Solusaun dos Deslokados

Deslokados sira vitimas ba dala rua. Primeiro ba consekuencia da Crise de Abril 2006, Segundo vitima ba manobras politicas hussi politicos demagogicos nebe lori propanganda falsas hodi bosok oi-oin. Embora assunto ida critico no dificil . Hau refere critico dificil tamba dirigentes politicos sira frustrados do poder halo campos deslokados balu hanesan sira nia base de apoio hodi alimenta propagandas falsas hanesan la kleur AMP monu ona, kuando ami kaer fali governo imi hetan ossan barak, la-lika simu governo nia programa etc. mas hodi esforsos makas acompanhado dialogo amigavel, governo konssegue duni acordo ida ho Deslokados sira atu abandona kampos de refugiados iha arredores cidade Dili.Ultimos grupos Deslokados sira maka iha recinto igrejas mos fila fali ona ba sira nia hela fatin.

4.Subsidio financeira ba 3a idade

Segmento 3a idade representa grupo ida vulneravel iha sociedade Timorensa Leste. Iha categoria ida ne’e tama mos sira nebe aleijados hetan hotu subsidio de $20.00 mensalmente. Se familia ida maka iha ema rua ka tolu da 3a idade, subsidio ida ne’e significante ba familia nia moris. Embora kuantia ida minimo, ferik no katuas sira iha foho, nebe sira nia moris dependente ba resultados feuk, aifarina, kontas, batar etc. osan nebe sira simu dala rua tinan ida, ajuda ona atu sosa buat ruma nebe sira precisa liu-liu atu ajuda sira nia moris.

Reportagem hussi entrevista TVLT ho recipients sira, hotu-hotu kontente ba subsidio ida ne’e. Sira hotu dehan “ antes ami mate, ami goja netik produto da independencia” sira hotu agradece ba politica do governo AMP nebe komtempla sira nia susar. Particularmente ba ferik sira wainhira reporter TVTL hussu ossan ne’e halo saída? Avo ferik sira dehan “ selu oan ka bei oan nia eskola”. Fenomeno ida revela katak ferik / katuas, sira anseia no deseja sira nia oan no bei oan sira atu sai matenek hodi hetan sabedoria no ciencia liu hussi processo de aprendizagem hussi instituisoens de ensino, elementar, sekundario ka superior.

Timor Leste iha 442 sucos no 2228 aldeias (source STAE). katak iha aldeia ida, iha ona Sajarna 5 o minimo. Numero ida ne’e, tinan-tinan aumenta as ba bei-beik. Desenvolvimento hakatak ba oin ho kualidade, iha nasaun ida, kuando cidadaun hotu hetan acesso ba kualidade de ensino ida nebe iha facilidades modernas atu alunos sira hetan competencia ho standard internacional .Capital humano ho formasaun adekuada sai factor determinante atu nasaun ida progride no nia sociedade hetan prosperiedade . Coreia do Sul, Singapore, Malaysia ou mesmo main land China bele sai nudar exemplos, nebe, menos de 15 anos halo progressos significantes.
Implementasaun components macro economic nia politica atraves de estudos rigorosos atu aplica estrategias adekuadas de forma atu resulta crescimento economic, kriasaun de emprego, hatun interest rate no balanso de pagamento maka determina nasaun ida nia progresso no nia sociedade nia bem estar.

5. Subsidio ba Veteranos da Resistencia

Reconhecimento ba veteranos sira hodi fo subsidio de vida, hatudo rekompensa no homenagem ba esforsos funu nain sira nia dedikakasaun ba luta da libertasaun nacional. Ho banko de dados nebe Departamento dos Veteranos recolha, analisa no seleciona ba sira nebe envolve iha Frente Armada no Clandestina demonstra actual governo reconhece cada cidadaun nia kontribuisaun ba processo de luta.

O mais importante halo Programa ida ne’e di-diak atu reconhece no fo rekompensa ema hotu-hotu nia kontribuisaun. Ema barak dehan kuando programa governo halo kobertura ba ema hotu nebe envolve iha Resistencia, dificil tebe-tebes atu hatun governo ida ne’e em kualker altura. Se bele empresta Dr.Alkatiri nia lia fuan “bele dura tinan 50 karik”.

6.Seguransa Publica

Aspecto mais vital nasaun ida nian atu desenvolve maka estabilidade politica. Estabilidade iha kuando governasaun ida halo nia knar ida kredivel atu hetan konfiansa no simpatia hussi governados sira. Instabilidade mossu kuando governantes sira la preokupa ka la iha interresse atu hadia governados sira nia moris hussi susar.

Regra simples hela, uma ou outra: governantes sira preokupa povo nia kabun bossu, povo tur hakmatek hodi kumpre ukun nain sira. Povo nia kabun mamuk povo revolta ukun nain sira hodi halo remonstrasaun atu hatun ukun nain sira.

Ohin loron la repara disturbios, kaos, anarkismo, resultado dos produto dos esforssos no preokupasaun do Governo AMP buka meios no estrategias atu resolve ka aloka rekurssos atu hetan populasaun sira nia konfiansa no simpatia liu hussi programas de atendimento populasaun sira nia necessidades basikas. Necessidades populasaun sira nian varia ho progressaun tempo. Ano 2008 carateristicas necessidades Povo nian la hanesan ba tinan 2009 assim sucessivamente. Governo ida credivel ka seguro, ida nebe hatene atu aloka rekurssos oi-oin atu responde variables sira timely no appropriately ho instrumentos no mecanismos adekuados. Para tal rekesito nebe rekere maka wisdom thinking, management no leadership skills .

AMP assegura estabilidade tanba populasaun em geral mos fo sira nia kontribuisaun atu konstroe no konsolida estabilidade atu Timor oan hotu moris iha situasaun ida hakmatek no paz nia laran. La haluhan mos Igreja Catolica nia kontribuisaun bot ho mos konfissoens religiosas seluk iha Timor Leste sira nia kontribuisaun ba estabilidade politica .

7. Pipeline Greater Sunrise

Sucesso bot ida maka merece regista mos, Bathymetric survey nebe konduz desde 13 de Junho de 2007, nebe kobre area ida ho 43 000 m2 Survey ne’e remata iha fulan Fevereiro de 2009. Data hussi survey ne’e hatudo ona katak, pipe laying mai Timor Leste viavel. Klean de 3 300 metros nebe pipe atu atravessa la representa problema tanba iha ona technologia hussi Companhia Deep Gulf atu fo solusaun. Argumentos hussi Woodside dehan katak inklinasaun Trough (klean) de 40 degree la los. Dados hussi Deep sounder no 3 D views hatudo apenas maximo 12 degree ho exaggeration 6.

Kuando koalia kona ba ciencia ita refere ba observation no measurement (observa no sukat) se lae, ita koalia buat ida ke ita la hatene ker dizer hanesan labarik sira, simplemente baseia sira assumsi ba imaginasaun subjectiva.

Team hussi Secretaria do Estado de Recurssos Naturais, embora jovens deit, mas sira hetan duni sucessos ba pipe laying. Evidencias data Bathymetric survey iha ona, resta tan Automatic Under Water Vehicle (AUV) survey nebe demora o maximo semana 2 atu determina ho precisaun pipe route. Alem ida ne’e mos sei halo tan geophysics no geochemical core samples.

Ho actividades hirak ne’e nia resultados, demonstra duni capacidade technica jovens sira nebe encarregado ba issue Sunrise nia pipe laying. Se kompara team actual ba pipe laying Sunrise ho team governo anterior team actual hetan sucessos bot liu por simples razaun: Bathymetric survey nia dados indica klaramente pipe laying viavel, technologia ba ultra-deepwater hetan ona, investors ba LNG Plant hetan ona i por ultimo comprador mos assegura ba tempo naruk.

Dr.Alkatiri ho Dr.Teixeira canta katak sira mos hetan ona Companhia ida iha America mos iha ona estudos. Kontudo la especifica Companhia nia naran ke tipos de technical data maka sira hetan ona, hodi bain hira maka sira halo survey, ho ekipamento saída. Detalhes sira ne’e tenki fo sai, para solidifica argumentos. Se lae identico – bosok ten.

Saída maka hau hatene, 1a vez maka konduz survey bot ida ne’e iha taci Timor. Buat barak espalhados ke Companhias barak iha – marine chart hussi satellite. Data hussi satellite NASA nia precisaun la kompara ho Bathymetric survey nia resultados.

8. Abalos politicos

Abalos politicos mai hussi Dr.Alkatiri ho nia grupo nebe konstitue hussi fies moradores hussi membros do Parlamento no elementos do CCF balu nebe fanaticos. Sira tenta doko Xanana ho slogans governo de facto insconstitucional, illegal ilegitimo etc. iha primeiros tempo ho konfiansa katak eleitarado da FRETILIN de 124 000 atu fo apoio ba Dr.Alkatiri ho nia cronies sira atu tun mai halo Marcha da Paz, feliz ka infelizmente plano da Marcha da Paz hela deit iha hanoin ka surat tahan leten deit. Atu implementa dificil tebe-tebes, tamba komissaun mobilizadora dificil atu konvence ema atu tun mai Dili.

Plano Dr.Alkatiri atu doko Xanana atu monu, maibe Dr.Alkatiri maka nakadoko ho nia cronies monu, taka rabat nafatin iha rai. Abalo seluk nebe regista mos, Presidente da Republica Dr.Ramos Horta iha dada altura suporta plano da eleisaun antecipada nebe Dr.Alkatiri protagoniza. Esforssos atu dada deputados ASDT nian liu hussi aliciamento ba Katuas Xavier do Amaral Presidente do ASDT la hetan resultados positivos tanba 5 deputados ASDT nian kontinua konsistente fo apoio AMP. Ho derrota maneuver politica ida ne’e, AMP kontinua forte, Dr.Alkatiri kontinua frako i Dr.Ramos Horta distancia hussi Dr.Alkatiri + longe.

Recentemente embora Presidente da Rebulica buka akomoda Dr.Alkatiri atu lidera task force ba negociasaun Sunrise, mas oposisaun hussi Bancada CNRT forte halo Dr.Alkatiri desiste do cargo. Presidente da Republica maka nervos uituan lori lian makas ameasa Primeiro Ministro Xanana mas oras ne’e malirin ona.

9.Deficiencias

Regista kriticas barak kona ba korupsaun iha Ministerio balu. Reklamasoens focus liu-liu ba projectos, fahe fos, distribuisaun de tractors no bens no servisos do governo. Inglaterra lori 100 anos atu kombate korupsaun. Indonesia esforssan aan makas mas talvez foin maka entre 5- 10 %. Timor Leste AMP foin lori 16 meses.

Halo analise exaustiva ida kona ba korupsaun iha Timor Leste, tuir author nia analise la iha. Temi korupsaun kuando refere ba millions de dollars. O ke certo acontece – facilitation fees ou tips nebe individual maka pratika ou atraves networking ida estabelecida. Tuir hau nia observasaun, komo concentrasaun de servisos hotu iha Dili, practica de nepotismo circula o maximo de 200 pessoas nebe liga ho orgauns decisorios hussi Menisterios. Atu kombate tenki halo estudo ida komo deve, no sentido atu buka opsoens atu minimiza gradualmente. Exemplo de Singapura no Honkong bele serve modelo atu estuda no adapta.

Iha vozes hussi lider AMP balu hakilar atu kombate korupsaun ho lei martelo estilo kolonial. Hau hare ho approach lei do martelo la efectivo ona. Como practicas de korupsaun iha governo, atu kombate primeiro de tudo hasae vencimento dos funcionarios. Funcionario level 1 hetan kondisoens minimas atu moris diak entaun directores sira ho level 7, 6, 5 halao ona servisso ho regras.

Directores ho level 7 ho vencimento $ 300 dollar ho vida ida karo neste momento oin sa suporta encargos familiar, hanesan hahan, selu electricidade, oan sira eskola, sosa aimuruk, lia mate no lia moris, susar atu moris fulan tomak nia laran. Nune’e duni se iha oportunidade atu hetan extra ruma –why not. Atu suporta familia tomak nia moris?

Atu kombate tenki kria uluk lai kondisoens hanesan :

1. Salario ida kompativel ho situasaun economica actual pelo menos level 1 ho vencimento de $500.00 inclui abono da familia, renumersaun ba uma, transporte etc;

2. Level 7 ho salario de $ 1 200 nebe inclui subsidio ba uma abono da familia no renumerasaun seluk nebe merece atu simu;

3. Capacity building liu hussi training no education atu reforssa professionalism funcionarios sira;

4. Kria sistema de controle ida efectiva hussi internal ka external audit periodicamente.

Tuir author nia hanoin, Governo Timor Leste iha recurssos financeiros suficiente atu minimiza practicas de korupsaun. O mais importante ho rendimento makas hussi oil & gas nebe sei dura + de 30 anos governo buka adapta politica ida economicamente sustentavel. Timor Leste possue recurssos subsolo no solo potencial atu cada cidadaun moris diak ho standar ida hanesan Singapura ka Hongkong em 20 anos.

Aposta ke koloka ba governantes sira ba tinan 2009 maka:

1. Oin sa hasae GDP nebe iha $ <...>

...wealth is = work . Both are product of hard and smart thinking…