VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20081203

Presidente da Republica teima nomeia Dr. Alkatari atu lidera projecto de Gas hussi Sunrise

Hussi : Vicente Mau Bocy (political analyst)

Synopsys

1. Press Release datada 24 de Novembro 2008, hussi Gabinete do Presidente da Republica halo cobertura ba encontro entre : Dr.Ramos Horta, Dr.Alkateri e Xanana ba Sexta Feira 21 Novembro de 2008. Tema principal iha encontro neba, maka dirigentes nain tolu ne’e, diskuti kona ba Gas Sunrise nia futuro nebe demora + de horas rua.

De acordo ho conteúdo Press Release iha ultimo paragrafo:

“The three leaders also agree that former Prime Minister Dr. Alkatiri should lead and coordinate Timor Leste efforts in moving forward with the Greater Sunrise development. Soon the President will announce specific mechanism, to be created with clear terms of reference”.

2. Intervensaun Bankada CNRT hodi rezeita “ komunikadu” PR Ramos Horta 01 de Dezembro;

3. PR Ramos Horta hussu eclarecimento ba Primmeiro Menistro 01 de Dezembro;

4. Klarifikasaun ba public hussi Sec Geral FRETILIN (Dr.Alkatiri) kona ba hassoru malu ho PR no PM

Controversia do conteudo do acordo

Enkuanto PM halo viagem ba Lisboa PR hussi Press Release anuncia ba public katak iha ona acordo entre lideres nain tolu kona ba nomeasaun Dr. Alkatiri atu assume kargo de chefia kona ba projecto de Sunrise.

Informasaun fontes seguras nebe hakerek nain simu iha dia 26 de Novembro pelas 15 horas de Timor Leste, hussi Lisboa dehan katak, iha encontro do dia 24 de Novembro, Primeiro Menistro Xanana so pronuncia katak “buka mecanismo lai’ . La significa totalmente aceita ou la aceita.

Ho lian fuan hirak ne’e PR interpreta PM konkorda tiha ona nune’e duni anuncia ba mundo tomak, hodi halo Dr. Alkatiri kontente no mos manu ain no manu liman sira nebe iha Dr.Alkatri nia sorin haksolok hotu.

PR mos muito animado, sem baseia ba prova ida por escrita, tiro balaun ba lalehan hodi provoka reasaun pros no kontra hussi ema barak.

Reasaun emediata hussi CNRT

Bankada CNRT iha Parlamento Nacional la satisfeito ho attitude do PR, iha dia 01 -12 iha sesaun da Plenaria do Parlamento Nacional fo sai “Deklarasaun Politica” ho titulo CRNT rejeita komunicado PR Ramos Horta 01-12. Declarasaun ne’e assina hussi Sr.Dusahe nudar Presidente da Bankada no Sr. Hugo Aderito nudar Porta voz.

Kestoens nebe sira koloka em kausa mais importantes maka:

· Nomeasaun do Dr. Alkatiri ba projecto de Sunrise relaciona ho assuntos ekonomicos ke la compete ba Presidente da Republica atu decide. Knar ida ne’e Governo nian, konforme leis nebe hakerek iha Constitusaun;

· Mediasaun PR ba interresse nacional, simplesmente atu promove nia amigo Dr. Alkatiri atu okupa fatin estrategico de maior receita financeira ba Estado;

· Absurdo nomeia Dr. Alkatiri, lider da oposisaun ke la reconhece governo AMP;

· CNRT mos apela ba orgauns de soberania hotu, atu ida-idak halo nia servissu tuir competencia nebe hakerek iha Constituisaun. Keta lohi malu ho kamuflagem da teoria de “interresse nacional”.

Competencia do Presidente da Republica

Tuir Constituição da RDTL, hussi artigos: 85( kona ba competência propria) artigo 86, (competência qaunto a outros orgãos) artigo 87 (competência nas relações internacionais) la iha alinhea ida nebe menciona, base legal Presidente da Republica atu nomoeia ka indigita ema ruma kona ba assuntos economicos, nebe relaciona directamente ba competencia exclusiva do Governo.

Em relasaun ho Presidente da Republica nia desejo tuir Press Release nebe dehan “la kleur PR atu anuncia mecanismo especifico ho termos de referencias claros”, assaun ida ne’e viola regras da Constituisaun da RDTL. Kona assunto ida ne’e, Sr. Presidente da Republica interfere demasiado assuntos internos do Governo ke la devia. PR, bele propoen ou fo sugestaun ba Primeiro Menistro. Kuanto ba nomeasaun, kabe competencia exklusiva ba Governo.

Presidente da Republica nia pedido de esclarecimento

Baseia ba Deklarasaun Politica hussi Bankada CNRT iha sessaun da Plenaria iha Parlamento Nacional, PR sente ofendido no chateado tanba hatun PR nia credibilidade nacional no internacional. Ema ida famoso hanessan Dr. Ramos Horta kuando simu pankada forte ida, kontra nia decisaun, la kalkula temperatura de nervos, irritasaun sae to percentage hira. Maromak ho diabo maka hatene.

Nune’e PR hakerek surat ida ba PM hussu klarifikasaun kona ba Deklarasaun Politica hussi Bancada CNRT. Conteúdo pedido ne’e em tom de furia i ameasa nebe dehan “reposta PM” sei determina nia relasaun futuras ho Governo nebe PM derige.

Dr. Alkatiri nia Klarifikasaun ba Publico

Dr. Alkatiri iha nia Klarifikasaun dehan katak, iniciativa ba cargo Projecto Sunrise mai hussi PR. Depois de visita iha Parlamento Darwin, PR konvida Dr. Alkatiri hodi koalia no diskute ba Projecto de Sunrise. Altura neba PR hussu ba Dr. Alkatiri atu kaer hotu ba area minarai nian. Dr.Alkatiri dehan ba PR, diak liu limita deit ba area Sunrise. Ikus mai iha duni encontro sira nain tolu, Ramos Horta, Alkatiri no Xanana. Rekesitos rua maka Dr. Alkatiri propoen:

· Asesu tomak ba documentos no estudos nebe iha ona;
· Tenki kria mekanismu no termos de referencias klarus (TOR)

Dr. Alkatiri adianta tan, katak nia la hussu kona ba vencimento ka salario no mos renumerasaun ruma.

Lei do Fundo Petrolifico

Lei No. 09/2005 Capitulo V nebe refere ba Conselho Consultivo do Fundo Petrolifico iha artigo 26.

O Conselho Consultivo do Fundo Petrolifero será constituido pelos seguintes membros, sendo todos eles cidadões nacionais de Timor-Leste:

1. Ex-Presidente da Republica;
2. Ex-Presidente do Parlamento que tenham pelo menos três (3) anos no cargo;
3. Ex-Primeiro Menistro que tenham pelo menos três (3) anos no cargo.

Tuir artigo 26 hussi Fundo Petrolifico, Dr. Alkatiri, ho Sr. Lu Olo sira nain rua hetan ona direitos no privilegios atu envolve iha Conselho Consultivo ba Fundo Petrolifico.

Tudo indika katak Dr.Mari iha kedas ona previsaun bainhira husik poder, influencia ba Fundo Petroleo, nia iha influencia nafatin. Lei ida ne’e, prepara kedas iha tinan 2005 atu akomada sira nia interresses.

Se Dr. Alkatiri hanesan ona membro Consultivo do Fundo Petrolifero tan-sa maka hakara tan cargo seluk nebe pretence ba direito dos membros do AMP? Ida ne’e indika muito ambiciosao no ganancioso.

Dr. Alkatiri nia Postura Politica Paradox

La os novidade ba nacionais no internacional Dr.Alkatiri la reconhece actual governo ba estadistas internacional sira bainhira mai visita Timor-Leste. Hanesan Secretario Gerald das Nasoens Unidadas nia visita mai Timor Leste, Primeiro Menistro Australia, Presidente da Comissaun Europeia Dr.Alkatiri manifesta nia frustrasaun hodi hakilar alto e bom som katak IV Governo incosntitucional, illegal no ilegitimo. Mesmo nia vsista ba estrangeiro nia repete a mesma musica katak nia la reconhece actual governo.

Pior liu tan bosok ema, hatun governo AMP iha tempo badak ho famosa Marcha da Paz.

Hau la comprende oinsa, ema ida ke la reconhece actual governo do AMP no hanesan lider da oposisaun bele iha lata (moe la-iha) okupa cargo ida ke pretence AMP? Ho realidade ida ne’e, ita bele konklui katak Alkatiri nia luta lori FRETILIN nia naran atu konkista kargo decisorio dos rekurssos do gas& petroleo iha Timor Sea.

Hau sei lembra altura Dr. Alkatiri hanesan Primeiro Menistro, iha 2005, kuando deputados hussi Bancada de Oposisaun hussu para gas hussi Bayu Udan atu dada mai Timor Leste, iha Parlamento Nacional Primeiro Menistro dehan “ technicamente impossivel tamba taci klean. Buat ne’e la os hanesan tutan au atu liga mai area Timor Leste”.

Dr. Mari Alkatiri tenha + pudor ou seja + decente ba ita bot nia attitudes no comportamento politico. Se ita la halo asneiras bara-barak hussi Partido laran no ba liur la iha duvidas, elite politica aceita ita bot nia envolvimento em kualker cargo. Ita bot kalkula ona males no prejuizos nebe halo ba ema barak hanesan politico? Ita bot sente moe ka lae, hakarak hadau fatin nebe ita bot la merece neste momento? Para ke halo asneira bot hussu favor aman sarani Ramos Horta hodi buka fatin?

Uluk ita bot hanesan Primeiro Menistro, Ramos Horta hanesan Menistro dos Negocios Estrangeiros, nem seker integra ba negociasaun. Nem Presidente da Republica (Xanana) altura neba interfere ba assuntos de negociasaun do Timor Gap no licensas dos 6 blokos nebe ita bo fo ba Companhias ENI ho Reliance.

Hau mos la comprende, ema ida rival bot ba Ramos Horta iha campanha eleitoral presidencial, de repente sai aliado ida muito simpatico ba Dr.Ramos Horta. Karamba, iha oituan personalidade politica atu Povo fo valor no respeita ba imi. Keta demasiado money minded. Ho comportamento de nepostismo nebe abusivo, povo la fo ona confiansa ba eleisaun tuir mai, ba nai ulun sira ke hamlah ka kanten ba poderes.

Relasoens amigaveis bot entre Ramos Horta ho Mari Alkatiri kona ba Gas Sunrise, la iha duvida baseia ba interresses financeiros a longo prazo. Beneficios financeiros nebe sira rua sei simu hussi Companhias bot sira, hetan facilmente com minimo esforsos hussi posisaun nebe sira okupa. Por outro lado tabem Ramos Horta hakarak hatudo ba estrangeiros sira, katak hanesan Presidente da Republica nia iha influencia bot liu do ke Xanana, hanesan Primeiro Menistro. Buat nebe Ramos Horta hakarak, Xanana simplesmente obedece ka kumpre.

Competencia

Kuando ita koalia competencia, refere ba assaun nebe ema ida (grupo) halo iha determinado momento hodi alkansa resultados (outputs) relacionado ho pre-determinado plano. Kompetencia de lideransa relaciona, ho konhecimento, skills no attitudes, nebe koduz asaun politica ida atu hetan objectivo (s) em vista.

Ita hare ba Historia da Resistencia, Dezembro 78, saudoso Presidente Nicolau mate tiha no membros do CCF kuase totalmente desaparecidos, apenas 3 sobreviventes (Xanana, Mau Huno no Hodo), sira nain tolu ho combatentes das FALINTIL sira desenvolve politica no estrategias oi-oin ho objectivo atu prolonga Resistencia armada, hodi fo tempo ba movimentos democraticos iha Indonesia laran atu hamonu regime dictatorial Soeharto iha loron ida.

Teoria ka pensamento ida ne’e nia previsaun los duni, regime Soeharto monu duni iha Maio 1998
Talentos de lideransa ita sukat no kompara ho resultados alkansados. Resultado ida mais notaveis maka Xanana ho nia team alkansa, maka Resistencia Armada to altura do Referendum;

Segundo maka konssegue resolve duni kestaun bot rua henesan IDs (deslokados)

Peticionarios alem disso, 3a idade sira simu pensaun, kondekorasaun, hanesan acto de reconhecimento ba combatentes da libertasaun, no assegura estabilidade politica nebe cidadaun hotu-hotu circula sem receios em kualker momento em kualker parte do Territorio.

Hussi ponto de vista ida ne’e, hussi Dr.Alkatiri durante tinan 4 resin de governasaun la regista sucessos notaveis. Evidencias so regista, conflitos internais (FRETILIN Mudansa) externais (Igreja catolica) famoso eleisaun foti liman, iha II Congresso Maio de 2006, demosntrantes sira suno nia uma Dezembro de 2002, crise de Abril de 2006 nebe resulta ema inocente barak sofre, terus no mate. Facto importante ida nebe Historia sei regista, 26 de Junho de 2006 Dr. Mari Alkatiri hussu nia resignasaun voluntaria hussi cargo Primeiro Menistro.

Hussi Dr. Ramos Horta ita hare deit hussi aspecto diplomatic ho nia lobbies ba estadistas no nasoens. Se Dr.Ramos Horta uluk preokupa ba formasaun de diplomatas Timor oan, oras ne’e, diplomatas de caliber barak ona. Ker Dr.Alkateri no Dr.Horta durante period de 24 anos na diaspora la regista sira nia boa vontade ka preokupasaun ba formasaun akademica Timor oan sira nian, apesar de meios nebe sira iha atu bele usa.

Incidente de 11 de Fevereiro 2007 kona ba atentado, atesta claramente, insucessos de negociasaun ho saudoso Major Alfredo.

Dr. Ramos Horta, ema ida adkire konhecimentos vastos, lida ho celebrities (feto no mane) barak iha mundo rai klaran hodi nune matenek koalia. Ba Povo Timor Leste, o ke + importante halo buat ruma atu hadia Povo nia moris. Dr. Ramos Horta ho nia amigos espalhados mundo tomak, devia arranja bolsos de estudos ba Timor oan atu eskola hodi matenek. Devia arranja tractors hodi fo ba povo fila rai, arranja karau ba povo hakiak. Infelizmente ho posisaun chaves nebe okupa, to ohin loron Dr.Ramos Horta sei dauk hanoin oin sa maka nia aumenta tan credibilidade ba nia povo. La os besik kampanha ona ba halo visitas iha fatin-fatin hodi fahe roupas.

Factos mais notaveis nebe regista sucesso Dr.Ramos Horta, nebe kausa desgosto bot ba ema tomak entre outos:

1. Kona ba cargo Primeiro Menistro depois da formasaun do AMP Ramos Horta hakarak promove Rui Araujo atu ba Primeiro Menistro para nia bele influencia mas infelizmente la konssegue;

2. Indulto ba Rogerio Lobato, ho argumentos frakos, acto ida ke maioria Timor oan kondena;

3. De vez em kuando halo koro ho nia belu / rival Dr.Alkatiri ba eleisaun antecipada;

4. Integra Alkatiri +Abilio Araujo ba encontro de alto nivel ho países do CPLP, comportamento do abuso de poderes;

5. Ikus mai tamba Sunrise projecto ida nebe envolve billioens de dollars, promove Dr.Alkatiri atu chefia no sentido atu assegura sira rua nia interresses economicos no politicos. Decisaun ba assunto ida ne’e kabe ba governo la os ba Presidente da Republica.

Factos hatudo claramente, ker Dr. Ramos Horta no Dr. Mari Alkatiri, la-preokupa ka la-iha menimo interrese durante 24 anos, atu arranja ka buka bolsas de estudos ba estudantes Timor oan sira hussi rai laran ba eskola iha liur atraves de sira nia political networking. Sira nia desinterrese, bele justifica ho sira nia pensamentos, katak se Timor oan matenek barak, Dr. Ramos Horta + Mari Alkatiri, bele lakon posisaun ka prestigious num Timor Leste Independente no sai ameasas bot ba sira nia postura politica.

“Pesamentos no atitudes hirak ne’e, tipicamente feudal no colonealista”.

Caracteristicas ka modelos
dos lideres mediocres no imcompetentes

a. Lideres sira nunca preokupa ba formasaun no kaderisaun dos seus membros tanba tauk lakon sira nia posisaun;

b. Lideres sira ho kategoria ida ne’e, geralmente comodistas, la assumeriscos nem responsabilidades. Buka taka sira nia sala ho posisaun nebe okupa, ema seluk maka sai vitimas;

c. Manifestasaun de comportamentos de facistas no ditadores, so aproveita ema seluk nia kole no servisos. Nunca valoriza nem seker agradece nia kolegas de luta sira nia contribuisaun;

d. possessa attitudes de vaidosos, extrema arrogantes, prepotentes; iha mania katak sira deit maka hatene hotu. Don da ciencia e sabedoria;

e. Tauk kriticas hussi academicos ka professionais sira ou povo kiik;

f. Lori retoricas de demagogias hodi bosok povo katak, sira luta ba povo nia interresses, bainhira kaer tiha poder, preokupa liu-liu ba sira nia moris diak, hodi haluhan povo nia terus no sofrimento completamente;

g. Denota practica de KKN makas, la practica justice como deve. Usa poder atu defende nia amigos sira hussi crimes;

h. Obriga uniformizasaun de pensamento. Saída maka lidere bot nia hanoin maka los. La importa kausa desvantagem ba interresses publico, ka viola regras estabelecidas;

i. Geralmente usa ka lori organizasaun nia naran, valores, imagem atu promove sira nian aan no hetan beneficios ba sira rasik.

Tan-sa maka Dr. Ramos Horta teima tanto
Dr. Alkatiri ba portfolio do Projecto de Gas do Sunrise?

1a. Resposta: Tamba Projecto de Gas de Sunrise multi-billion dollar.

2a. Tamba Dr.Mari maka hahu inicial negociasaun ho Woodside no koncessaun de 6 licensas ba 6 blokos iha JDPA ba Companhia ENI no Reliance. Atu garante realizasaun de compromissos anteriormente assumidos.

3a. Resposta: Atu assegura sira nain rua nia interresses economicos no politicos ba eleisaun de 2012.

Multibillion dollar hussi Sunrise

Investimento ba projecto de Sunrise involve investimento bot ba areas:

Pipe laying – nebe konsiste pipe procurement, pipe coating, pipe laying, construction of badge for pipe loading, port, supply vessels, material logistics, personnel logistics, accommodation facilities, transportation facilities, fuel supplies etc Cada component konsome millions de dollars. No total atinge billion dollars.

LNG Plant- Sector ida ne’e maka rekai investimento bot oscila entre 6 – 8 billions dollar ba nia konstrusaun. Companhia barak iha interresse bot atu hetan kontratu. Atu hetan kontratu, ten-ki iha koneksi forte iha orgaun decisorio no hetan suporte figuras politicas nebe kaer kargo iha orgauns de soberania do Estado no Governo.

Related business ba LNG Plant. – Tecnicos barak maka sei mai iha fase de construsaun. Suponhamos 3000 technicos estrangeiros precisa kuartos 3 mill para ema toba, ha-han,variedades de bebibas, precisa bar, restaurant, transporte areos no terrestre etc nebe konsome millions dollar business. Concerteza amigos Dr. Horta no Alkatiri hafuhu hela oportunidade hirak ne’e atu envolve.

Baseia ba billion dollar driven rationale ka motive maka Dr. Ramos Horta buka meios hotu-hotu atu Dr.Alkatiri okupa fatin chave ba projecto de Gas Sunrise.

Politics is dollar business

Ita hare disputa politica iha Timor Leste entre lideransa, hadau malu poderes atu ukun, no sentido atu hetan ossan barak hussi posisaun nebe sira okupa. Realidade politica hatudo facto ida ne’e.

Poder nebe kualker lider hetan legitimidade hussi Partido Politico liu hussi eleisaun legislativa iha deit formas rua. Ida, poder atu serve povo nia necessidade, isto é aloka ossan ba investimento publico hanesan: infraestruturas basicas, saude, educasaun, crescimento economic, assistencia social etc. por outras palavras lideransa preokupa hodi buka meios oin sa povo sira bele hetan moris diak, hanesan uma, electricidade, be mos, estradas diak, eskolas ba niveis basicos no superiors, saúde publica, mantein lei no ordem, sistema justisa ida kredivel.

Lideres politicos sira nebe practica politica atu hadia povo nia moris sai diak hanesan kria situasaun ida estavel, buka kombate desemprego, loke investment externo, haburas economia nacional, atensaun ba grupos vulneraveis, atende povo nia necessidades basicas etc. Ho atributos hirak ne’e maka ita bolu verdadeiros lideres – servidores do Povo Mau Bere.

Ao contrario, sira nebe kaer tiha poder, concentra hili malu ba gabinte, usa facilidades do governo atu fo projectos ba maun alin sira, usa sistema ida dictatorial nebe halo tauk ema iha partido laran labele koalia no kritica, lori ameasas hanesan “leaun toba keta bok” sunami mai hussi foho” hau maka patraun, iha Partido agora maka ita doko Timor no mundo (palavras Dr.Alkatiri depois enceramento do II Congresso Maio 2006 ) ossan estado nian barak iha banku America “ rai ba futura gerasaun”, enkuanto gerasaun actual, (mate ba hamlaha, moras ho terus no sofre oi-oin) buka kria deit konflitos ho ema hotu no sentido de ser ditador ka facista usa meios do governo atu riko hanesan governantes sira iha Angola, Mocambikeke, Guine Bissau etc . ita konsidera sira hanesan opressores no exploradores do Povo Mau Bere. Principios
FRETILIN kontra komportamentos at hirak ne’e.

Sira nebe ho attitudes de arrogancia, prepotente, autoritarisos – possuem mentalidade de money minded usa oportunidade no facilidades do governo tempo nebe sira kaer poder ita bele dehan la os lideres nebe hadomi povo mas lideres hanehan povo.

PovoTimor Leste bele halo komparasaun governasaun Dr.Alkatiri tinan 5 (fulan 60) ho Xanana nian fulan 15, ida nebe maka atende necessidades ka preokupa hadia populasaun sira nia moris. Evidencias no resultados hatudo diferensas bot entre governantes nain rua.

Historia regista lideres ho caracteristica do Dr. Alkatiri, nebe preokupa liu-liu ba nia prosperiedade pessoal ho nia familia, usa meios do governo hotu, enkuanto povo nia moris diak em ultimo lugar.Exemplos Soeharto, Marcos ho ditadores seluk-seluk tan. (sst). Iha países Africanos.

Iha mos lideres hanesan Xanana nebe terus no sofre ho povo durante tempo Resistencia, kuando kaer ukun preokupa oin sa governo bele assiste atu hadia povo nia moris. Subsidio ba ferik no katuas hatudo ona provas. Lideres ho tipe ida ne’e, ita hare ba Nelson Mandela, Less Walensa hussi Polandia. Lideres karismaticos sira usa poder atu servi povo nia interresses la os ao contrario – ba ukun nain nia interresses.

Receitas hussi Bayu Udan nebe neste momento to ona $ 4 billion dollar, sai preokupasaun bot tebe-tebes ba Dr. Alkatiri ho nia comitiva buka dalan atu hamonu governo AMP. Hau hare katak atu sai membro do governo, oportunidade ida diak te-tebes atu hetan ossan facilmente ho projectos do governo. Primeiro governo nia membros sira, hetan tiha ona vicios durante tinan 5. Tan ne’e maka sira buka meios hotu-hotu atu fila fali ba poder.

Ho novidades, katak pipeline gas Sunrise technicamente bele mai ona Timor Leste liu hussi Bathymetric Survey nebe ami halao, ansiedade do Dr. Mari aumenta hodi buka suporte hussi Ramos Horta atu garante posisaun ida importante ba projecto de Sunrise.

La os novidade, preokupasaun da explorasaun do Gas & Oleo hussi Timor Gap, prioridade numero 1. ba Dr. Alkatiri + Horta. Sira uluk kedas buka hadau malu se maka iha poder decisorio. Sira nain rua hotu, ambicioso atu sai Primeiro Menistro atu hetan poder decisorio ba Companhias de Explorasaun.

Ba Alkatiri assume duni tinan 4 resin, mas receitas so tama iha ultimo ano. Ba Horta 9 meses de governasaun tempo la suficiente. Entaun unico meio ke existe agora, sira rua halo aliansa hodi assegura sira nain rua nia interresses economicos no politicos.

Ba Dr. Alkateri oportunidade halai ka semo dok tiha ona. Mesmo ke halo ameasas da Marcha da Paz atu hatun governo do AMP la konssegue. Cada dia ke passa, torna-se mais impossivel atu retoma fali poder.

Ba Dr. Horta sei iha oportunidade uit-oan hanesan Presidente da Republica. Pelo ke aproveitar o maximo para tirar o maximo proveito. Extrasaun de beneficos financeiros para ambos joga diak liu ho presensa Dr.Alkatiri ho posisaun estrategico ba Projecto do Sunrise.

Ojectivos Alkatiri no Horta hanesan deit - hakarak okupa fatin as iha governo hodi nune’e, facilta decisoens ba business nebe iha ligasaun ho explorasaun de gas & petroleo.

Saída maka acontece governo AMP rejeita proposta do Presidente da Republica kona ba nomeasaun Dr. Alkatiri ba projecto Sunrise?

Momento ida ne’e, estabilidade politica ema hotu sente. Realidade ida ke ema hotu-hotu aceita la iha razaun atu ignora. Mesmo ke Dr. Alkatiri ho nia komitiva hakarak abala ka doko ho propagandas oi-oin no ho ameasas, la konssegue. Liu ona fulan 15 seguransa publica garantida no assegurada hussi PNTL no FDTL. La assiste completamente distubios publicos ho grande magnitude.

Jogadas politicas nebe ita assiste, nia folin baratu hela. Argumento nebe Dr. Ramos Horta koloka ba factor interresse nacional hodi justifica Dr.Alkatiri nia nomeasau ba projecto do Sunrise razaun ida ne’e carece de fundamento logico no base solida.

Argumento seluk (28-11) hussi Presidente da Republica dehan katak ten-ki respeita Partido FRETILIN tamba hetan maioria simples iha eleisaun legislative, la justifica. Se FRETILIN halo parte ba AMP, certamente bele.

Se tuir Presidente nia hanoin no hakarak, entaun la-lika halo eleisaun legislative. No mos La-lika iha Constituisaun. Politica do Estado no Governo obedece deit Dr. Ramos Horta ho Mari Alkatiri nia gostos.

Politicamente Dr. Mari Alkatiri lakon completamente ona influencia ba militants FRETILIN. Se influencia makas karik Marcha ao Poder ho camuflagem da Paz halo tiha ona. Iha dia 09 de Novembro Dr. Alkatiri ba Bualale (Quelicai) participantes reduzido hela la atinge 200 pessoas.
Komerasaun de 28-11 iha Aileu tuir reportagem ( Timor Post , Diario Nacional 01-12) participantes hussi partidos 4 (FRETILIN, ASDT, KOTA no PPT) apenas 500. Simbolikamente demonstra simpatia ba lideransa fraku tebe-tebes ona.

Valor ka forssa Partido politico ida nian hare no sukat hussi imagem lideransa. Lideransa ida simpatico atrai militants barak. Lideransa ida antipatico ona participasaun fraka. Imagem Partido Politico, produto trabalho da lideransa. Partido nia imagem buat ida, lideransa nia hahalok buat seluk. Labele kahur FRETILIN nia imagem ho Mari Alkatiri nia attitudes nocivas nebe estraga FRETILIN. Militantes FRETILIN Mudansa la kontra FRETILIN mas kondena ka kontra Dr. Mari Alkatiri nia komportamento ke la obedece principios justos no metodos corectos da FRETILIN.

Consolidasaun nebe F-Mudansa ho CNRT halao iha Sub-Distritos, militants barak mai participa hodi rona. Hau participa iha okasiaun tolu, militants FRETILIN sira hussu, bainhira maka hamutuk fali?

Hau responde “facil hela. Imi dudu sai tiha Dr.Alkatiri, hussi Secretario Geral aban ita hamutuk” . Hau adianta tan “ami fo ona proposta atu iha diresaun ida mista. Se imi eskolha posisaun Presidente ami Secretario Geral ou vice-verssa ho adjuntos 2 no membros CCF hanesan”. Sira dehan hanoin ida diak atu reune familia FRETILIN.

Atu garante estabilidade governativa no situasaun saudavel ba desenvolvimento maka grupo rua tenki iha compromissos hanesan:

a. Hussik governo ida ne’e governa to mandato remata no labele cria instabilidade ho agitasaun oi-oin;

b. Apoio total ba maun Xanana ho lideres da FDTL no veteranos sira ho maximo respeito;

c. Acabar de vez slogans de illegalidade inconstitucionalidade, governo de facto etc.

d. La-bele iha duplas funsoens. Se maka ba ona governo husik cargo iha partido ba ema seluk.

No ke respeita figura Dr.Alkatiri lori FRETILIN nia naran atu ameasa estabilidade politica, argumento ida ja passou de moda no la relevante ona.

Novas manobrar no estrategias

Batalha atu hetan vitoria do Dr.Ramos Horta no Alkatiri se kontinua nafatin to mate em relasaun as explorasoens do Oil & Gas iha Timor Gap. Razaun sira rua nia luta simplemente Timor Gap deposito de billioens de dollars i sira sente katak sira iha direito excluviso tanba magnificos lideres da FRETILIN de 74 fundadores, expoentes figuras politicas actual, Ramos Horta Nobel da Paz i Presidente da Republica, Mari Alkatiri ex-Primeiro Menistro no Secretario Geral do Partido Historico FRETILIN. Ho atributos rua ke sira nain rua possue, sira hanoin sira bele halo buat hotu komo sira hakarak. Buat ida ke sira nain rua haluha completamente, sira nain rua la halo parte iha governo AMP.

Por outro lado companhias estrangeiras hare Ramos Horta ho Mari Alkatiri nia figuras importante iha politica nacional de Timor Leste, nebe bele konstitue hanesan elo de ligasaun ka entry point ba sira nia investimentos ba Oil & Gas iha Timor Gap.

Uma vez ke governo AMP rejeita sira rua nia proposta, buka meios seluk no sentido atu satisfaz sira nia ambisaun. Uma das estrategias a curto prazo, okupasaun de cargos de Procurador da Republica (PR) no Tribunal de Recurssos (TR). Porventura Mari Alkatiri nia ema maka okupa PR no TR, entaun bele arranja justifikasoens oi-oin, atu hamonu AMP iha temp badak ou hanesan Presidente da Republica dehan iha okasiaun barak, entrega poder executivo ba FRETILIN, la-lika rekorre ba eleisaun antecipada kuando mossu ona mossaun de desconfiansa ba actual governo.

Saída maka neste momento, publico assiste teatro politico, esforssos concertados dual Horta i Alkatiri atu hamonu Xanana em kualker okasiaun oportuna. Sira convictos katak obstaculo bot maka figura Xanana. De resto kompara ho Horta ho Alkatiri, la vale buat ida.

Atu troka Longuinhos Monteiro hussi Procudadoria da Republica, la os facil. Nia komissaun sei ramata ba 2011. Atu troka ten-ki iha razaun solida no justa. Selae mos ulun fatuk moras bot ba Presidente da Republica. La bele lori argumentu frako dehan katak Presidente da Republica la iha confiansa.

Ba Tribunal de Recursso iha possibilidade tamba Dr.Claudio ausente kleur ona, nia rasik hakerek ona ba Presidente da Republica atu konsidera.

Fatin hanesan PR no TR tenki arranja ema ho alta integridade, professional no labele iha konotasaun politica partidaria ba kualker Partido Politico. Nomeasaun tenki basea ba merito no experiencia.

Iha rumores katak Presidente da Republica iha preferencia atu nomeia nia ex-esposa Dra.Ana Pessoa ba Procuradora da Republica ou Presidente do Tribunal de Recursso.

Seja como for buat ida ami Povo kiik hussu, atu Sr.Presidente da Republica hili no fihir ema didiak atu servi ba Povo la os, atu servi ba interresse individual, grupo ou partido politico.

Conclusaun

i. Realidade politica hatudo ba Timor oan hotu katak agitasaun politica nebe patrocionado hussi “grupo frustrados deslokados de poderes” hussi FRETILIN ho nia komandante Batalhaun Dr.Alkatiri la konssgue o minimo doko governo AMP. Sinal ida ne’e hatudo katak governo AMP iha duni forssa tamba manang konfiansa bot hussi povo.

ii. Dr.Ramos Horta la-bele haluhan katak lori AMP maka nia sai Presidente da Republica. La os Dr.Alkatiri ka Dra.Ana Pessoa. Ema lubun ida sai vitimas ba Dr. Horta durante kampanha eleitoral. Agora aliado ho Dr.Alkatiri atu hassoru AMP, ami pronto atu enfrenta no assume kuaisker riskos.

iii. Deposito de billioens de dollars iha Timor Gap halo legendarios no magnificos lideres historicos laran la-metin no susar hodi buka selok malu ho manipulasoens oi-oin simplemente hodi hadau poder de decisoens kona ba recurssos do Timor Gap.

----------------------------------------------------------------------
Ita hein no hare… dual Horta ho Alkatiri maka manang ou Xanana lori AMP. Tempo sei dehan ba ita hotu iha futuro.

Sem comentários:

Enviar um comentário

Nota: só um membro deste blogue pode publicar um comentário.