VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20081202

PR Ramos Horta Hatan ba deklarasaun bankada CNRT hodi ameasa hakotu relasuan ho Governu AMP

Dili, Forum Haksesuk (02/12). Liu husi nota nebe maka Presidente Republika (PR) ninia gabinete hasai hodi hatan ba Deklarasaun Bankada CNRT - “CNRT - hodi rezeita koumikadu PR Jose Ramos Horta 1 Desembro 2008”. Iha nota husi Gabinete PR nian hateten nune: ”Nudar Presidente Republika hafoin hatene konaba lian tatoli no intervensaun politika husi Deputados CNRT. Nune duni husu ba ita ninia klarifikasaun”. Hatutan, ”Ita nia hatan sei determina hau nia relasaun iha aban bai rua ho Governo nebe ita bot rasik maka nudar ulun bot”.

Mari Alkatiri Hakarak Negosio Minarai ho AMP

Tuir deklarasaun husi Bankada CNRT nian hodi hatan ba komunikadu husi Gabinete PR konaba surumutuk husi «”PR Jose Ramos Horta, PM Kay Rala Xanana Gusmao no eis-PM Mari Alkatiri”». Tuir Komunikadu Bankada CNRT: ”Bankada CNRT hato’o ba PR Jose Ramos Horta atu buka hatene katak Timor-Leste moos lakon tiha ona negosiasaun ho Australia sobre direitu ba linha Fronteira Tasi Timor-Leste ho Australia hodi monu ba Australia ninia arogansia atu la koalia ba asuntu Fronteira Tasi Timor ba tinan 50 nia laran, karik sasan sira hanesan ne’e maka sai fator esperties (Keahlihan) nebe Presidente Jose Ramos Horta hetan husi Dr. Mari ALkatiri?”.

Hatutan husi deklarasaun bankada CNRT nian: ”Bankada CNRT mos husu ba PR Jose Ramos Horta atu tau agenda dialogu nasional nebe nia gabinete trata hela durante ne’e ba dunik asuntu nasional hodi la tau fali agenda atu buka kadeira ba ema ida rua nebe oras ne’e tamba konsekuensia demokrasia sai ona hanesan opozisaun, tratamentu hanesan saida maka akontese ba Dr. Mari Alkatiri hatudu momos tendensia PR Jose Ramos Horta hodi koko nafatin ninia teoria “Mediasaun diplomatika” hodi la tau ona regras normais konstitucional ba kuelker medelu ou ideias mediator nebe iha kualidade no valor konstitucionais”.

Tenik tan iha Komunikadu Bankada CNRT nian, “CNRT baseia ba regras normais I constitucoinais dala uluk la dignifika komunikado PR Jose Ramos Horta ninian hodi la tau iha fatin nebe tenke respeita, Bankada CNRT rejeita totalmente kualker tipu de hodi subar iha asuntu nasional nia laran atu kolaka interese nasional, personal ou grupos de amigos hodi satisfas deit ema hirak ne’e nia laran. Povu ho nasaun ida ne’e tenke trata ho dignidade liu husi lideransa nebe honesto, agenda dialogu nasional tenke tau dunik asuntu nasional maibe koalia no buka solusaun fali ba asuntu personal atu buka kadeiras ou kargus ba personal ou grupos ruma”.

Mari Alkatiri hatan

Mari Alkatiri nudar eis-PM no Sekretariu Jeral Fretilin nian haktuir liu husi Komunikadu iha Tersa feira (02/12) katak: ”Hau hakarak fo hatene sai katak PR mak konvida hau atu hasoru malu ho nia. Enkontru ida ne’e liu tiha vizita nebe PR halo ba Darwin no koalia iha Parlamentu Darwin nian. Iha enkontru ne’e PR husu hau nia disponibilidade atu lidera area tomak minarai nian no hau dehan ba nia katak diak liu limita deit ba pipe line greter sunrise nian mai Timor-Leste. PR dehan ba hau katak, nia konvida hau tanba tuir PR, hau konyece diak australianu sira no nia hatene oinsa mak lida ho sira konaba asuntu minarai nian.Hatan ba hanoin PR nian ne’e hau dehan: hau lider fundador FRETILIN nian, maibe a’as liu buat hotu-hotu hau patriota ida no asuntu minarai nian asuntu nasional ka povu tomak nian”.

Hatutan Mari Alkatiri, Sekretariu Jeral FRETILIN, “Hau hatene katak hau atu simu tudik ka katana ida sorin-sorin kroat hotu. Mak negosiasaun ne’e hetan susesu, susesu ne’e Xanana no AMP nian. Mak la hetan susesu karik, salan tomak tula ba hau nia leten”. Tenik Mari Alkatiri, “Iha enkontru ne’ e PR mos dehan ba hau katak nia koalia ona ho Xanana no Xanana mos simu ho diak. Biar hatene katak ida n’e todan, maibe nudar patriota no ida ne’e asuntu ba interesse nasional, hau pronto atu simu”. FHDILI

Sem comentários:

Enviar um comentário

Nota: só um membro deste blogue pode publicar um comentário.