Husi Victor Tavares
Partido FRETILIN nian pozisaun desde partido ida nee la konsegue forma IV Governo Konstitusional sai konhesidu iha fulan Julho tinan kotuk (2007). Partido FRETILIN nian pozisaun hahu husi biban nebaa mai to’o ohin loron sei nafatin iha pontos tolu:
1º) Presidente da Republika nian desizaun hodi konvida Aliança Maioritaria Parlamentar nebee forma pós eleitoral forma IV Governo Konstitusional nee “inkonstitusional no ilegal”.
2º) La rekonhese Sr. Kay Rala Xanana Gusmão nudar Primeiro-Ministro.
3º) La rekonhese Governo AMP nian lejitimidade nebee konsolida husi partidos politikus hat (4) konforme artigo 85º no artigo 106º nian haruka.
Hasoru partido FRETILIN ho nian lideransa nian pozisaun iha pontos tolu (3) iha leten, ba dala uluk hakerek na’in koloka kestaun prinsipal atu hodi esklarese loloos partido FRETILIN ho nian lideransa nian pozisaun loloos ne’e iha nebee.
Hakerek na’in la moe no la ta’uk atu emprega liafuan hipokrita no demagogia ba partido FRETILIN ho nian lideransa nian pozisaun politika ida ne’e. Basaa, uluk bainhira hakerek ukun fuan, Sr. Mari Alkatiri hola inisiativa hodi partido historiku FRETILIN nian naran no mos hodi hejemonia maioria absoluta nian naran, konvida malae konstitusionalista português Pedro Bacelar Vasconcelos, hodi hakerek Ukun Fuan Inan/Konstituisaun RDTL. Iha nebee, Sr. Mari Alkatiri Sekretario Jeral FRETILIN ho oin moos (konsiensia tomak), nia nudar jurista, formadu iha direito, nia rasik hakerek ka la hakerek artigo 85º no artigo 106, maibe publiku la hatene so nia (MA) rasik mak hatene, maibe ema hotu fiar katak Mari Alkatiri le fila-fila artigos hirak iha UFI. Liu-liu artigos hirak nebee haktuir kona ba Poder Desizaun Presidensial (PDP) no artigos kona ba situasoins kondisionantes no lejitimidade formasaun governo tuir konstituisaun nian haruka.
Sa mak Pedro Bacelar Vasconcelos, konstitucionalista, nebee hakerek artigos inklui 85º no 106º, hateten hasoru FRETILIN nian pozisaun ?
Nia (PBV) haktuir katak a formação do IV Governo Constitucional pela Aliança Maioritária Parlamentar é incontestável, concebida pela Lei e Constituição da RDTL. É um disparate dizer inconstitucional e ilegítima.
Tanba, se iha biban nebaa Mari Alkatiri iha nian konsiensia bain-hira hakerek ka le artigos hirak iha UFI, mak normal tebes partido FRETILIN la hatur-an iha pozisaun politika hanesan ohin loron. Iha biban nebee partido FRETILIN ho nian ema halo lei ho ukun fuan, la iha situasaun ruma mak kondisiona sira, sira hakerek livre vontade hodi hamosu artigo 85º no artigo 106º ho nian konteudu. Partido opozisaun iha biban nebaa karik la besik ekipa nebee hakerek lei inan, Sr. Kay Rala Xanana Gusmão entaun la hetan liu fatin atu tur “biti ninin” hodi halolo nian hanoin kona ba Lei ka UFI-RDTL nian.
Maibe, ohin loron lideransa FRETILIN transforma-an ba analfabeto ka buta-huruf iha bahasa ka halo sira nian-an hanesan ema nebee le la hatene, hodi nune’e ho sira nian konsiensia tomak ignora artigos rua husi UFI, artigo 85º no artigo 106º. Pozisaun hipokrita no demagogia no mos ironiku liu tan mak, buat hirak ne’e sira mak hakerek maibe sira rasik mak buka desvaloriza sira nian obra rasik. Sorte tebes ba partidos hat (4) nebee forma AMP, tanba UFI ka Konstituisaun RDTL nebee FRETILIN halo no aprezenta ba Nasaun no Povo publika desde 20 de Maio 2002, iha biban nebee Sr. Mari Alkatiri iha topu, se lae ida, se mak hatene iha biban nebee Mari Alkatiri ho FRETILIN la hetan koligasaun hodi forma IV Governo Konstitusional, sira bele muda lalais lia-fuan iha artigos rua ne’e hodi tau fali lia-fuan seluk nebee favorese ba lideransa FRETILIN, tanba ba Sekretario Jeral partido historiku ida ne’e buat hirak nebee normalmente impossivel sai possivel, hanesan iha biban nebee nia forma I Governo Konstitusional, nia transforma Assembleia Konstituinte ba I Governo Konstitusional hodi nia (MA) ba PM sem konsulta ba Povo Timor, alias, Povo la eskolha nian PM. Nune’e mos Kongresso FRETILIN Maio 2006, ne’ebee tuir situasaun normal nian impossivel atu muda regras estruturantes no normas internas partido FRETILIN nian sem halo kongresso ba ida ne’e maibe Mari Alkatiri muda regra votasaun livre, direkto no sekretu sai fali foti-liman. Nune’e mos artigos rua kona ba desizaun PR hodi indijita lider husi AMP ba PM hodi forma governo, no mos koligasaun AMP forma IV Governo, sira bele deit halakon lia-fuan hirak nebee la favorese hodi tau fali lia-fuan seluk, se mak hatene?
Ida nune’e nem ema ida hatene atu temi oin sa ba ema sira nune’e?
Maibe hakerek na’in la iha duvida no la beik sala katak atitude nune’e mak reprezenta hipokrizia no demagojia nebee bokar tebes.
Marcha de Paz, hanesan mos hakerek na’in hakerek no hato’o ona iha biban seluk liu forum ida ne'e, katak marcha ne’e la’os ba paz maibe marcha ne’e sai deit hanesan kortina ka sai deit hanesan maskara hodi taka deit rankor, odio no vingansa husi lideransa maximu sira iha FRETILIN ba governo aktual, liu-liu ba nian PM.
Koalia la ho demagogia, la ho atitude hipokrita nian mak marcha nebee FRETILIN nian Sekretario Jeral anunsia, atu mobiliza 200.000 militantes, koalia loloos nian temi marcha atu hatun Governo AMP nebee lidera husi PM Kay Rala Xanana Gusmão hodi bele halo eleisoins antesipadas.
Estratejia marcha de paz hanesan ultima bala husi estratejia selu-seluk nebee Mari Alkatiri ho FRETILIN atu implementa desde Julho 2007, maibe to’o ohin loron nem ida implementa tanba la iha base legal tuir UFI, argumentos nebee duvida mos boot tebes tuir razaun nebee rasional. Hodi nune’e eleisoins antesipadas nebee desde fulan Julho tinan kotuk sai hanesan bandeira mean (rankor, odio no vingansa) ba kampanha atu hatun governo AMP transforma nian kor ba mutin, ba Marcha de Paz.
Hakerek na’in hakarak hato’o lian-mamuk ida ba Povo Rain Timor tomak katak Marcha ida ne’ebe Sekretario Jeral Mari Alkatiri promete iha Jakarta foin dadaun atu hatun ema rihun-atus-rua (200.000) iha biban nebee badak (fulan ida) nian laran, maibe loron tolu liu ba Sr. Mari Alkatiri deklara iha Maputo-Moçambique nebaa katak marcha nee sei halo iha Janeiro 2009.
Ida ne’e hatudu sinal nebee malorek tebes katak Sekretario Jeral ida ne’e lakon fiar ba nian an rasik, ne’ebe kompromete partido FRETILIN nian futuro. Hakerek na’in fiar katak Sekretario Jeral FRETILIN ida ne’e anunsia buat ruma maibe la iha serteza buat ruma ne’e realiza ka lae.
Uluk bainhira Sr. Xanana Gusmão hafoin hahu forma governo, Sr. Mari Alkatiri deklara ba mundo tomak, promete ba ninian aliados sira husi rai li’ur katak Governo AMP la to’o tinan ida monu, se konsegue ukun to’o tinan ida ka rua ne’e dehan katak Xanana sorte boot ona.
Ohin loron mundo assiste situasaun iha Timor oin seluk, realidade la hatudu sinal ruma nebee bele justifika Mari Alkatiri nian promessa, Sr. Xanana Gusmão nian governo rezolve 98% husi problemas hirak nebee FRETILIN nian governo kria durante kaer ukun. Estabilidade governativa assegurada, instituisoins estado nian hala’o nian funsaun normal, aktividades ekonomikas la’o normal, populasoins liu-liu iha Dili laran moris ho hakmatek hodi hala’o sira nian vida loron-loron ho normal, instituioins defeza ho seguransa hala’o servisu ba intereses estado nian ho normal, krize 2006 nian rohan hetan dadaun ona. Ne’eduni panorama nebee mundo tomak assiste kona ba aktualidade Timor oin seluk ho espektativa nebee Mari Alkatiri ho FRETILIN kria hodi hein. Haree husi vizaun panoramika komunidade internasional kona ba realidade aktual halo Mari Alkatiri izolado, hodi nune’e lakon mos fiar ba nian an rasik nudar Sekretario Jeral FRETILIN nian.
Se FRETILIN liu husi ninian Sekretario Jeral buka apoio husi rai li’ur, liu-liu partidos hirak eskerda ortodoksus sira atu hatun Governo AMP, maibe apoio moral ba politika FRETILIN sei la iha liu efeito ka la iha influensia ba Povo Timor nian sentimento, konsiensia no eskolha. Basaa, partido FRETILIN ka kualker partido politiku RDTL nian la’os atu halo politika ba povo husi rai seluk, maibe RDTL nian partidos atu trata no trasa Povo no Rain Timor nian destino, la’os povo rai seluk nian destino ka vida.
Ne’eduni se politiku ruma buka halo kampanha iha rai li’ur, hateten aat ninian governo soberano, buka hakotu governo nasional nebee kaer dadaun Povo nian vida no destino, mak ema politiku ne’e lakon fiar ba nian povo rasik, lakon fiar ba nian an rasik no lakon mos fiar ba nian partido rasik.
Politiku nebee hatene halo politika ba nian Povo, ba interese nasional, nia prefere fiar ba nian emar, ba nian povo do ke fiar ba ema seluk husi rain li’ur. Se la’os nune’e mak ema ne’e nian abut la iha ka la metin iha Povo nian leet.
Diak liu ha’u la sai famozu iha ema seluk nian rain do ke ema iha ha’u nian rain rasik la konhese hau. Ha’u prefere famozu iha ha’u nian uma-laran rasik do ke sai famozu iha ema seluk nian uma maibe ha’u nian familia rasik la konhese ha’u.
Maibe hakerek na’in komprende hahalok ema politikus sira, balun la fo importansia ba buat hirak ki’ik no hanoin simples tanba sira nian ulun hanoin deit buat boot. Sira nian Agenda nakonu ho estratejia politika partidaria, sira nia vokabulario politiku mak koalia retorika, bobar lia tun-sa’e, pinta lia-fuan ho kor oi-oin, silu lia-fuan ulun tun-ain sa’e, ohin dehan eleisoins antesipadas aban dehan marcha de paz, maibe objektivu ida deit mak hatun Xanana Gusmão husi PM no hamonu governo AMP, maibe la iha serteza katak FRETILIN bele hetan maioria absoluta hodi bele forma governo, la iha. Estratejia FRETILIN nian bezeia ba espekulasaun katak bele forma governo ho ASDT ka PD ka ho PSD ou PUN, nune’e mos la iha serteza katak partidos hirak hanesan PD, PSD ka PUN bele aseita halo koligasaun ho FRETILIN, nune’e mos la iha serteza. Karik la preve mos katak bainhira AMP ida ne’e monu mak halo eleisoins antesipadas bele mosu fali AMP-2 nebee forte liu tan hodi hakoi liu tan partido historiku?
Basaa, kada deklarasaun ka kada depoimento politiku em nome partido husi Sekretario Jeral ne'e hanesan hipoteka ida ba FRETILIN nian futuro ho nian valores historikus, nudar partido politiku historiku iha RDTL.
Ohin loron sai dilematiku boot ba Sekretario Jeral FRETILIN nian. Mari lansa tiha ona ameasa no kondisiona tiha ona massa 200.000 ho garantia katak se 200.000 nee la tun hotu tuir marcha atu hatun Xanana nian governo, nia (MA) sei husik kargu nudar Sekjen FRETILIN. Nune'e mos karik marcha mak mosu violensia mos nia sei hakiduk husi lideransa partido. Iha Jakarta Mari fo tempo fulan ida atu halo marcha, hakerek na'in la temi de paz tanba, lia-fuan paz ne'e falso boot, maibe iha Maputo marka fali ona ba Janeiro 2009. Husi ne'e haree momos katak Mari la iha serteza se nia bele mobiliza ema 200.000 hodi halo demo iha Dili laran. Nune'e mak marcha atu hatun governo adia bebeik hodi espekula bainhira los mak bele hetan ema 200.000 para bele hatun governo AMP.
Dilematiku, tanba promete atu hatun ema rihun atus rua atu husu eleisoins antesipadas, maibe karik ema haree Xanana nian governo halo servisu nebe diak ba ema barak, halo politika nebee oin seluk no haree husi vantajem ba ema nian familia nian moris mak ema sira husi FRETILIN mos karik sei tetu no sukat. Bainhira sira nian konsiensia rasik tetu no sukat entre vantajem ho desvantajem kona ba tun demo ka la tun, haree husi ema nian familia nian interesses automatikamente 200.000 bele reprezenta deit 200 ka na'in 20 deit. Ne'eduni ba Sr. Mari Alkatiri nian pozisaun dilematiku no bomba depende ba oras to'o atu rebenta. Bainhira horas to'o mak bomba rebenta, partido historiku sei nakdoko no sei sai bulelo, nian ema sei bele tu liman ba malu etc. maibe bele mos Dr. Mari Alkatiri bele dehan sai lia-fuan, insyah allah ha'u lolos ona...
Nee problema boot partido historiku FRETILIN, depende ba nian ema atu buka solusaun oin sa, sira mak hatene.
Importante Povo la bele sai tan vitima ba intereses ema politikus na’in sira !
Dader Kmanek !
*Editor Forum-Haksesuk
Partido FRETILIN nian pozisaun desde partido ida nee la konsegue forma IV Governo Konstitusional sai konhesidu iha fulan Julho tinan kotuk (2007). Partido FRETILIN nian pozisaun hahu husi biban nebaa mai to’o ohin loron sei nafatin iha pontos tolu:
1º) Presidente da Republika nian desizaun hodi konvida Aliança Maioritaria Parlamentar nebee forma pós eleitoral forma IV Governo Konstitusional nee “inkonstitusional no ilegal”.
2º) La rekonhese Sr. Kay Rala Xanana Gusmão nudar Primeiro-Ministro.
3º) La rekonhese Governo AMP nian lejitimidade nebee konsolida husi partidos politikus hat (4) konforme artigo 85º no artigo 106º nian haruka.
Hasoru partido FRETILIN ho nian lideransa nian pozisaun iha pontos tolu (3) iha leten, ba dala uluk hakerek na’in koloka kestaun prinsipal atu hodi esklarese loloos partido FRETILIN ho nian lideransa nian pozisaun loloos ne’e iha nebee.
Hakerek na’in la moe no la ta’uk atu emprega liafuan hipokrita no demagogia ba partido FRETILIN ho nian lideransa nian pozisaun politika ida ne’e. Basaa, uluk bainhira hakerek ukun fuan, Sr. Mari Alkatiri hola inisiativa hodi partido historiku FRETILIN nian naran no mos hodi hejemonia maioria absoluta nian naran, konvida malae konstitusionalista português Pedro Bacelar Vasconcelos, hodi hakerek Ukun Fuan Inan/Konstituisaun RDTL. Iha nebee, Sr. Mari Alkatiri Sekretario Jeral FRETILIN ho oin moos (konsiensia tomak), nia nudar jurista, formadu iha direito, nia rasik hakerek ka la hakerek artigo 85º no artigo 106, maibe publiku la hatene so nia (MA) rasik mak hatene, maibe ema hotu fiar katak Mari Alkatiri le fila-fila artigos hirak iha UFI. Liu-liu artigos hirak nebee haktuir kona ba Poder Desizaun Presidensial (PDP) no artigos kona ba situasoins kondisionantes no lejitimidade formasaun governo tuir konstituisaun nian haruka.
Sa mak Pedro Bacelar Vasconcelos, konstitucionalista, nebee hakerek artigos inklui 85º no 106º, hateten hasoru FRETILIN nian pozisaun ?
Nia (PBV) haktuir katak a formação do IV Governo Constitucional pela Aliança Maioritária Parlamentar é incontestável, concebida pela Lei e Constituição da RDTL. É um disparate dizer inconstitucional e ilegítima.
Tanba, se iha biban nebaa Mari Alkatiri iha nian konsiensia bain-hira hakerek ka le artigos hirak iha UFI, mak normal tebes partido FRETILIN la hatur-an iha pozisaun politika hanesan ohin loron. Iha biban nebee partido FRETILIN ho nian ema halo lei ho ukun fuan, la iha situasaun ruma mak kondisiona sira, sira hakerek livre vontade hodi hamosu artigo 85º no artigo 106º ho nian konteudu. Partido opozisaun iha biban nebaa karik la besik ekipa nebee hakerek lei inan, Sr. Kay Rala Xanana Gusmão entaun la hetan liu fatin atu tur “biti ninin” hodi halolo nian hanoin kona ba Lei ka UFI-RDTL nian.
Maibe, ohin loron lideransa FRETILIN transforma-an ba analfabeto ka buta-huruf iha bahasa ka halo sira nian-an hanesan ema nebee le la hatene, hodi nune’e ho sira nian konsiensia tomak ignora artigos rua husi UFI, artigo 85º no artigo 106º. Pozisaun hipokrita no demagogia no mos ironiku liu tan mak, buat hirak ne’e sira mak hakerek maibe sira rasik mak buka desvaloriza sira nian obra rasik. Sorte tebes ba partidos hat (4) nebee forma AMP, tanba UFI ka Konstituisaun RDTL nebee FRETILIN halo no aprezenta ba Nasaun no Povo publika desde 20 de Maio 2002, iha biban nebee Sr. Mari Alkatiri iha topu, se lae ida, se mak hatene iha biban nebee Mari Alkatiri ho FRETILIN la hetan koligasaun hodi forma IV Governo Konstitusional, sira bele muda lalais lia-fuan iha artigos rua ne’e hodi tau fali lia-fuan seluk nebee favorese ba lideransa FRETILIN, tanba ba Sekretario Jeral partido historiku ida ne’e buat hirak nebee normalmente impossivel sai possivel, hanesan iha biban nebee nia forma I Governo Konstitusional, nia transforma Assembleia Konstituinte ba I Governo Konstitusional hodi nia (MA) ba PM sem konsulta ba Povo Timor, alias, Povo la eskolha nian PM. Nune’e mos Kongresso FRETILIN Maio 2006, ne’ebee tuir situasaun normal nian impossivel atu muda regras estruturantes no normas internas partido FRETILIN nian sem halo kongresso ba ida ne’e maibe Mari Alkatiri muda regra votasaun livre, direkto no sekretu sai fali foti-liman. Nune’e mos artigos rua kona ba desizaun PR hodi indijita lider husi AMP ba PM hodi forma governo, no mos koligasaun AMP forma IV Governo, sira bele deit halakon lia-fuan hirak nebee la favorese hodi tau fali lia-fuan seluk, se mak hatene?
Ida nune’e nem ema ida hatene atu temi oin sa ba ema sira nune’e?
Maibe hakerek na’in la iha duvida no la beik sala katak atitude nune’e mak reprezenta hipokrizia no demagojia nebee bokar tebes.
Marcha de Paz, hanesan mos hakerek na’in hakerek no hato’o ona iha biban seluk liu forum ida ne'e, katak marcha ne’e la’os ba paz maibe marcha ne’e sai deit hanesan kortina ka sai deit hanesan maskara hodi taka deit rankor, odio no vingansa husi lideransa maximu sira iha FRETILIN ba governo aktual, liu-liu ba nian PM.
Koalia la ho demagogia, la ho atitude hipokrita nian mak marcha nebee FRETILIN nian Sekretario Jeral anunsia, atu mobiliza 200.000 militantes, koalia loloos nian temi marcha atu hatun Governo AMP nebee lidera husi PM Kay Rala Xanana Gusmão hodi bele halo eleisoins antesipadas.
Estratejia marcha de paz hanesan ultima bala husi estratejia selu-seluk nebee Mari Alkatiri ho FRETILIN atu implementa desde Julho 2007, maibe to’o ohin loron nem ida implementa tanba la iha base legal tuir UFI, argumentos nebee duvida mos boot tebes tuir razaun nebee rasional. Hodi nune’e eleisoins antesipadas nebee desde fulan Julho tinan kotuk sai hanesan bandeira mean (rankor, odio no vingansa) ba kampanha atu hatun governo AMP transforma nian kor ba mutin, ba Marcha de Paz.
Hakerek na’in hakarak hato’o lian-mamuk ida ba Povo Rain Timor tomak katak Marcha ida ne’ebe Sekretario Jeral Mari Alkatiri promete iha Jakarta foin dadaun atu hatun ema rihun-atus-rua (200.000) iha biban nebee badak (fulan ida) nian laran, maibe loron tolu liu ba Sr. Mari Alkatiri deklara iha Maputo-Moçambique nebaa katak marcha nee sei halo iha Janeiro 2009.
Ida ne’e hatudu sinal nebee malorek tebes katak Sekretario Jeral ida ne’e lakon fiar ba nian an rasik, ne’ebe kompromete partido FRETILIN nian futuro. Hakerek na’in fiar katak Sekretario Jeral FRETILIN ida ne’e anunsia buat ruma maibe la iha serteza buat ruma ne’e realiza ka lae.
Uluk bainhira Sr. Xanana Gusmão hafoin hahu forma governo, Sr. Mari Alkatiri deklara ba mundo tomak, promete ba ninian aliados sira husi rai li’ur katak Governo AMP la to’o tinan ida monu, se konsegue ukun to’o tinan ida ka rua ne’e dehan katak Xanana sorte boot ona.
Ohin loron mundo assiste situasaun iha Timor oin seluk, realidade la hatudu sinal ruma nebee bele justifika Mari Alkatiri nian promessa, Sr. Xanana Gusmão nian governo rezolve 98% husi problemas hirak nebee FRETILIN nian governo kria durante kaer ukun. Estabilidade governativa assegurada, instituisoins estado nian hala’o nian funsaun normal, aktividades ekonomikas la’o normal, populasoins liu-liu iha Dili laran moris ho hakmatek hodi hala’o sira nian vida loron-loron ho normal, instituioins defeza ho seguransa hala’o servisu ba intereses estado nian ho normal, krize 2006 nian rohan hetan dadaun ona. Ne’eduni panorama nebee mundo tomak assiste kona ba aktualidade Timor oin seluk ho espektativa nebee Mari Alkatiri ho FRETILIN kria hodi hein. Haree husi vizaun panoramika komunidade internasional kona ba realidade aktual halo Mari Alkatiri izolado, hodi nune’e lakon mos fiar ba nian an rasik nudar Sekretario Jeral FRETILIN nian.
Se FRETILIN liu husi ninian Sekretario Jeral buka apoio husi rai li’ur, liu-liu partidos hirak eskerda ortodoksus sira atu hatun Governo AMP, maibe apoio moral ba politika FRETILIN sei la iha liu efeito ka la iha influensia ba Povo Timor nian sentimento, konsiensia no eskolha. Basaa, partido FRETILIN ka kualker partido politiku RDTL nian la’os atu halo politika ba povo husi rai seluk, maibe RDTL nian partidos atu trata no trasa Povo no Rain Timor nian destino, la’os povo rai seluk nian destino ka vida.
Ne’eduni se politiku ruma buka halo kampanha iha rai li’ur, hateten aat ninian governo soberano, buka hakotu governo nasional nebee kaer dadaun Povo nian vida no destino, mak ema politiku ne’e lakon fiar ba nian povo rasik, lakon fiar ba nian an rasik no lakon mos fiar ba nian partido rasik.
Politiku nebee hatene halo politika ba nian Povo, ba interese nasional, nia prefere fiar ba nian emar, ba nian povo do ke fiar ba ema seluk husi rain li’ur. Se la’os nune’e mak ema ne’e nian abut la iha ka la metin iha Povo nian leet.
Diak liu ha’u la sai famozu iha ema seluk nian rain do ke ema iha ha’u nian rain rasik la konhese hau. Ha’u prefere famozu iha ha’u nian uma-laran rasik do ke sai famozu iha ema seluk nian uma maibe ha’u nian familia rasik la konhese ha’u.
Maibe hakerek na’in komprende hahalok ema politikus sira, balun la fo importansia ba buat hirak ki’ik no hanoin simples tanba sira nian ulun hanoin deit buat boot. Sira nian Agenda nakonu ho estratejia politika partidaria, sira nia vokabulario politiku mak koalia retorika, bobar lia tun-sa’e, pinta lia-fuan ho kor oi-oin, silu lia-fuan ulun tun-ain sa’e, ohin dehan eleisoins antesipadas aban dehan marcha de paz, maibe objektivu ida deit mak hatun Xanana Gusmão husi PM no hamonu governo AMP, maibe la iha serteza katak FRETILIN bele hetan maioria absoluta hodi bele forma governo, la iha. Estratejia FRETILIN nian bezeia ba espekulasaun katak bele forma governo ho ASDT ka PD ka ho PSD ou PUN, nune’e mos la iha serteza katak partidos hirak hanesan PD, PSD ka PUN bele aseita halo koligasaun ho FRETILIN, nune’e mos la iha serteza. Karik la preve mos katak bainhira AMP ida ne’e monu mak halo eleisoins antesipadas bele mosu fali AMP-2 nebee forte liu tan hodi hakoi liu tan partido historiku?
Basaa, kada deklarasaun ka kada depoimento politiku em nome partido husi Sekretario Jeral ne'e hanesan hipoteka ida ba FRETILIN nian futuro ho nian valores historikus, nudar partido politiku historiku iha RDTL.
Ohin loron sai dilematiku boot ba Sekretario Jeral FRETILIN nian. Mari lansa tiha ona ameasa no kondisiona tiha ona massa 200.000 ho garantia katak se 200.000 nee la tun hotu tuir marcha atu hatun Xanana nian governo, nia (MA) sei husik kargu nudar Sekjen FRETILIN. Nune'e mos karik marcha mak mosu violensia mos nia sei hakiduk husi lideransa partido. Iha Jakarta Mari fo tempo fulan ida atu halo marcha, hakerek na'in la temi de paz tanba, lia-fuan paz ne'e falso boot, maibe iha Maputo marka fali ona ba Janeiro 2009. Husi ne'e haree momos katak Mari la iha serteza se nia bele mobiliza ema 200.000 hodi halo demo iha Dili laran. Nune'e mak marcha atu hatun governo adia bebeik hodi espekula bainhira los mak bele hetan ema 200.000 para bele hatun governo AMP.
Dilematiku, tanba promete atu hatun ema rihun atus rua atu husu eleisoins antesipadas, maibe karik ema haree Xanana nian governo halo servisu nebe diak ba ema barak, halo politika nebee oin seluk no haree husi vantajem ba ema nian familia nian moris mak ema sira husi FRETILIN mos karik sei tetu no sukat. Bainhira sira nian konsiensia rasik tetu no sukat entre vantajem ho desvantajem kona ba tun demo ka la tun, haree husi ema nian familia nian interesses automatikamente 200.000 bele reprezenta deit 200 ka na'in 20 deit. Ne'eduni ba Sr. Mari Alkatiri nian pozisaun dilematiku no bomba depende ba oras to'o atu rebenta. Bainhira horas to'o mak bomba rebenta, partido historiku sei nakdoko no sei sai bulelo, nian ema sei bele tu liman ba malu etc. maibe bele mos Dr. Mari Alkatiri bele dehan sai lia-fuan, insyah allah ha'u lolos ona...
Nee problema boot partido historiku FRETILIN, depende ba nian ema atu buka solusaun oin sa, sira mak hatene.
Importante Povo la bele sai tan vitima ba intereses ema politikus na’in sira !
Dader Kmanek !
*Editor Forum-Haksesuk
Sem comentários:
Enviar um comentário
Nota: só um membro deste blogue pode publicar um comentário.