Filipe Rodrigues Pereira*
Hare husi perspektiva demokrasia, planu aksaun politika, Marcha da Paz nebee lideransa partidu opozisaun, Marií Alkatiri prepara atu halo iha Outubro 2008 ne'e nia laran nudar buat ida normal iha nasaun demokratika, maibe se la kuidadu maka aksaun politika liu husi Marcha da Paz nebee hakarak hatu'un massa ho lubun-boot sei selu ho kustu politika, ekonomia no sosial ida karu teb-tebes.
Planu Marcha da Paz nebee mak Marií Alkatiri prepara atu halo hakarak hatudu baa mundu katak to'o loron ohin Fretilin sidauk simu eksistensia governo aktual nebee lidera husi Xanana Gusmao. Liu husi tempu baa tempu Fretilin ninia pozisaun principiu nebee mak la simu jurikamente eksistenisa governo Xanana hetan apoiu husi lideransa ASDT. Fretilin konsege sobu aliansi nebee mak AMP halo hodi forma IV Governu Konstitusional. Tempu la'o baa nafatin, governu AMP ninia eksistensia hetan ameasas politika a'as liu tan husi partidos opozisaun. Ameasas politikas bele sai luan no belar liu tan se karik governu AMP la buka atu hadia a'an ho lais iha tempu badak.
Marcha da Paz nebee mak Marií Alkatiri prepara ho objetivu ida, eleisaun anticipada. Ho no liu husi eleisaun anticipada lideransa Fretilin espera katak bele hamonu governu AMP no sa'e baa ka'er fali poder. Hakerek'nain hakarak dehan katak Marcha da Paz sei sai nudar barometer politika signifikadu husi parte Fretilin nian hodi espreza ninia forsa politika. Maibe mosu taruhan bo'ot, wainhira la alkansa objetivu Marcha da Paz nian (eleisaun anticipada/governu AMP monu) maka lideransa Fretilin sei hami'is Fretilin ninia imagem no pamour iha sosiadade tomak nia let. Ho nunee ita sei bele dehan katak liu husi Marcha da Paz Fretilin nebee aktualmente lidera husi Lu-Olo no Marií Alkatiri bele doko-monu governu Xanana, i bele mos liu husi Marcha da Paz Lu-Olo no Marií bele fo'o afirmasaun bo'ot hodi kuda-metin liu tan pozisaun governu AMP nian to'o 2012.
Hanesan temi iha leten, Marcha da Paz sai sasukat politika tamba Fretilin liu husi Marcha da Paz hasoru bloku politika bo'ot, AMP. Legal no politikamente AMP oras nee dadaun sei sai nudar bloku politika ida forte. Hakerek'nain hare katak partidus opozisaun, li-liu Fretilin mesak sei la iha kbi'it ida sufusiente atu doko-monu governu aktual nebee mak lidera husi Xanana Gusmao. La fasil partidu opozisaun mesak bele hamonu Xanana liu husi Marcha da Paz. Partidus opozisaun presiza suportasaun politika no moral bo'ot no luan husi forsa sosial. Forsa sosial iha Timor-Leste presente mak hirarkia igreija katolika, etniku no elementu ki'ik seluk hanesan NGO i akademikus.
Problema mak nee, forsa sosial nebee mak refere iha leten komunga ona principiu Fretilin nian nebee durante ne'e dehan jurikamente la simu eksistensia governu AMP i nunee sira (forsa sosial) mos hakarak hamrik hamutuk iha aksaun Marcha da Paz hodi doko-monu governu AMP?! Koalia kona baa forsa sosial, Hakerek'nain hare katak la fasil ho tempu ida badak teb-tebes (2006-2008) ou ho tempu ida lais, forsa sosial bele tau fiar a'an baa lideransa partidu Fretilin, li-liu tau fiar a'an baa pessoal Marii Alkatiri hodi hamutuk doko-monu governo AMP. Marii monu iha 2006 tamba hetan mos resistensia bo'ot husi forsa sosial iha Timor-Leste.
Forsa sosial bele mos partisipa iha ida kada aksaun politika wainhira iska politika nebee mak partidos opozisaun sira so'e hetan respons diak husi sosiadade. Ho tempu nebee mak hadulas a'an ba bebeik, isu-isu potensial nebee mak bele sai iska politika husi partidus opozisaun atu so'e hodi atrai massa iha tempu presente mak henesan isu etniku no otonomista iha estrutura governu AMP, korupsaun, kazu veteranus, mina tasi Timor, isu nukleus Melbournismu (grupu Emilia Pires-Alfredo Pires) nebee ha-kurita-a'an (menggurita) iha governu AMP nia laran, kazu matebian Alfredo Reinado, abuzus seksual husi Ministro no Sekretario Estadu balun halo baa sira nia bawahan no isu-isu ki'ik sel-seluk tan. Dalaruma isu korupsaun no abuzus seksual mak sei loke koak (cela) baa hirarkia igreija atu halo ninia intervensaun.
Alem de isu-isu politika ou no mos problemas internais governamental nebee Hakerek'nain mensiona iha leten, ita mos presiza hare katak kompetisaun politika pessoal entre Marií no Xanana sidauk taka ou remata iha istoria Timor-Leste ukun a'an. Marcha da Paz sai mos hanesan intrumentu Marii nian atu hasoru Xanana Gusmão. Bola manas agora dadaun iha Marií Alkatiri ninia liman, Xanana oras nee dadaun sai hanesan guardiaun ida hodi hein bola nebee Marii lori atu tebe.
Relasiona ho kompetisaun politika pessoal entres Marií e Xanana, ita bele hare mos Xanana nia deklarasaun iha Tempo Interaktif (Indonesia, 3-10-2008) nebee dehan Marií halimar hanesan labarik, no mos Xanana hateten katak nia (Xanana) sei la tauk ho Marii ninia ameasas tamba durante tinan 24 iha Ailaran nia enfrenta ameasas nebee mak ho risku bo'ot liu nebee mak Mari hakarak atu halo liu husi aksaun politika, Marcha da Paz. Liu husi ninia deklarasaun nee, dalaruma Xanana hakarak hatudu katak wainhira iha Ailaran nia muda estrategia funu nian hodi kontra okupasaun Indonesia, mosu grupus no individus balun nebee mak la aseita maibe to'o ikus Xanana bele tau se'es sira hotu, e Xanana bele lori funu la'o nafatin ba'a oin to'o tama baa portaun bo'ot ukun rasik a'an.
Deklarasaun Xanana nian iha Tempo Interaktif menonjolkan politika komando nebee mak durante tinan 24 nia laran Xanana opta hodi lidera funu hasoru okupasaun Indonesia. Marii hatene bem feito kona baa nee, maibe Marii hakarak konvida Xanana atu halimar politika iha era demokrasia nia laran. Maibe Marii presiza hatene katak Xanana mos iha esperiensia politika iha era domokrasia nia laran. Ita tomak sei hanoin katak Xanana uza regras demokrasia mak hodi mos dudu Marii monu iha tinan 2006, e Xanana sa'e baa tu'ur no forma governu AMP liu mos husi regras demokrasia nebee mak konsagra iha konstituisaun Timor-Leste. Ho ida nee Xanana hatudu ona katak nia (Xanana) mos iha esperensia politika iha era domokrasia nia laran, nia bele adapta a'an ho kada situasaun. Iha tempu resistensia hasoru okupasaun eksternal nia ho matenek pratika politika komando, no iha mos tempu nee nia bele pratika politika nebee demokratiku.
Hare baa tensaun politika nebe mak sei mosu maka dalaruma Xanana sei uza buat rua nebee mak refere iha leten hodi hasoru Marii. Maibe ita hein katak politika komando nebee mak uluk 24 anos prega metin iha Xanana nia kabas no ninia ulun bele tau ninia siknifikasaun iha tempu ida nee sai baa hanesan kompetensia politika konstitusional. Iha nee ita bele hare Xanana sei hasoru exame todan (diuji) iha tempu nebee atu mai. Mampukah Xanana enfrenta no defende ninia pozisaun politika ho regras demokrasia hasoru ameasas politikas nebee mak atu sei mosu iha tempu badak mai?!
Atu responde no buka solusaun baa problemas nasionais nebee mosu iha governu AMP nia laran (etniku, otonomista, korupsaun, kazu veteranus, mina tasi Timor, abuzus seksual husi Ministro no Sekretario Estadu balun halo baa sira nia bawahan, eksistensia nukleus Melbournismu nebee ha-kurita-a'an iha governu AMP nia laran, no isu-isu sel-seluk tan) maka dala ida tan Hakerek'nain segere atu lideransa Governo AMP rapidamente bele halo reshuffle baa ninia gabinete. Liu husi aksaun reshuffle bele aumenta tan mos kargu ida baa fatin Vice Primeiro Ministro ho uza figura ida kompetente e kapabel atu nunee bele tau matan diak liu tan baa areas Finansas no Administrsaun nebee fraku. Moruk no todan, governu AMP tenki aseita katak governu nebee Xanana lidera iha mos ninia frakeza, ne'e duni tenki buka hodi hadia a'an. Se wainhira lideransa governu AMP la tau importansia baa problemas nebee mak refere iha leten maka frakeza governu AMP nian bele sai iska politika nebee bokur baa partidu opozisaun no forsa social atu doko governu nee. Husik no la tau importansia baa problemas nebee mak mosu iha governu AMP nia laran maka internalmente governu rasik hakiak ameasas potensial hodi hamonu ninia a'an. Ameasas politikas la'os mai deit husi parte ekternal ou husi partidus opozisaun, maibe ameasas politikas bele mai mos husi hahalok no lalaok membros gabinete governu AMP nian hanesan mensiona ona iha leten.
Atu sai nudar partidu opozisaun ida diak, Hakerek'nain sugere atu partidu Fretilin preciza muda postura e estrategia politika foun hodi atrai populasaun do que uza aksaun politika nebee ho risku ida bo'ot. Lideransa Fretilin fo'o ona garante katak aksaun Marcha da Paz nebee sira prepara atu halo sei la'o pasificamente, maibe Hakerek'nain kawatir katak aksaun pacifica iha ao mesmu tempu bele loke mos dalan atu hamosu aksaun violencia. Wainhira mosu aksaun violencia maka governu aktual sei uza lei no ordem atu atua situasaun, e iha tempu nee (wainhira mosu ona violencia) maka Xanana sei uza ninia kompetensia politika konstitusional hodi hamate Marii nia deseju politika.
Maibe se'karik Marcha da Paz la'o ho diak sem hamosu aksaun violensia maka Hakerek'nain hein katak aksaun politika, Marcha da Paz sei sai nudar lalenok politika ida diak baa governu AMP hodi nunee governu ne'e bele leno mos ninia a'an rasik, tamba, ho no liu husi lalenok maka dalaruma iha fo'er ruma nebee hanoda governu AMP ne'e ninia liman ou ain, lideransa governu ne'e bele hare no buka ba fase, atu nunee povu bele hare governu nee mo'os, bonitu no morin iha loron oin mai. (End)
*Hakerek Nain, observador politika i Social, hela iha Díli, exklusivo ba Fórum Haksesuk!
Planu Marcha da Paz nebee mak Marií Alkatiri prepara atu halo hakarak hatudu baa mundu katak to'o loron ohin Fretilin sidauk simu eksistensia governo aktual nebee lidera husi Xanana Gusmao. Liu husi tempu baa tempu Fretilin ninia pozisaun principiu nebee mak la simu jurikamente eksistenisa governo Xanana hetan apoiu husi lideransa ASDT. Fretilin konsege sobu aliansi nebee mak AMP halo hodi forma IV Governu Konstitusional. Tempu la'o baa nafatin, governu AMP ninia eksistensia hetan ameasas politika a'as liu tan husi partidos opozisaun. Ameasas politikas bele sai luan no belar liu tan se karik governu AMP la buka atu hadia a'an ho lais iha tempu badak.
Marcha da Paz nebee mak Marií Alkatiri prepara ho objetivu ida, eleisaun anticipada. Ho no liu husi eleisaun anticipada lideransa Fretilin espera katak bele hamonu governu AMP no sa'e baa ka'er fali poder. Hakerek'nain hakarak dehan katak Marcha da Paz sei sai nudar barometer politika signifikadu husi parte Fretilin nian hodi espreza ninia forsa politika. Maibe mosu taruhan bo'ot, wainhira la alkansa objetivu Marcha da Paz nian (eleisaun anticipada/governu AMP monu) maka lideransa Fretilin sei hami'is Fretilin ninia imagem no pamour iha sosiadade tomak nia let. Ho nunee ita sei bele dehan katak liu husi Marcha da Paz Fretilin nebee aktualmente lidera husi Lu-Olo no Marií Alkatiri bele doko-monu governu Xanana, i bele mos liu husi Marcha da Paz Lu-Olo no Marií bele fo'o afirmasaun bo'ot hodi kuda-metin liu tan pozisaun governu AMP nian to'o 2012.
Hanesan temi iha leten, Marcha da Paz sai sasukat politika tamba Fretilin liu husi Marcha da Paz hasoru bloku politika bo'ot, AMP. Legal no politikamente AMP oras nee dadaun sei sai nudar bloku politika ida forte. Hakerek'nain hare katak partidus opozisaun, li-liu Fretilin mesak sei la iha kbi'it ida sufusiente atu doko-monu governu aktual nebee mak lidera husi Xanana Gusmao. La fasil partidu opozisaun mesak bele hamonu Xanana liu husi Marcha da Paz. Partidus opozisaun presiza suportasaun politika no moral bo'ot no luan husi forsa sosial. Forsa sosial iha Timor-Leste presente mak hirarkia igreija katolika, etniku no elementu ki'ik seluk hanesan NGO i akademikus.
Problema mak nee, forsa sosial nebee mak refere iha leten komunga ona principiu Fretilin nian nebee durante ne'e dehan jurikamente la simu eksistensia governu AMP i nunee sira (forsa sosial) mos hakarak hamrik hamutuk iha aksaun Marcha da Paz hodi doko-monu governu AMP?! Koalia kona baa forsa sosial, Hakerek'nain hare katak la fasil ho tempu ida badak teb-tebes (2006-2008) ou ho tempu ida lais, forsa sosial bele tau fiar a'an baa lideransa partidu Fretilin, li-liu tau fiar a'an baa pessoal Marii Alkatiri hodi hamutuk doko-monu governo AMP. Marii monu iha 2006 tamba hetan mos resistensia bo'ot husi forsa sosial iha Timor-Leste.
Forsa sosial bele mos partisipa iha ida kada aksaun politika wainhira iska politika nebee mak partidos opozisaun sira so'e hetan respons diak husi sosiadade. Ho tempu nebee mak hadulas a'an ba bebeik, isu-isu potensial nebee mak bele sai iska politika husi partidus opozisaun atu so'e hodi atrai massa iha tempu presente mak henesan isu etniku no otonomista iha estrutura governu AMP, korupsaun, kazu veteranus, mina tasi Timor, isu nukleus Melbournismu (grupu Emilia Pires-Alfredo Pires) nebee ha-kurita-a'an (menggurita) iha governu AMP nia laran, kazu matebian Alfredo Reinado, abuzus seksual husi Ministro no Sekretario Estadu balun halo baa sira nia bawahan no isu-isu ki'ik sel-seluk tan. Dalaruma isu korupsaun no abuzus seksual mak sei loke koak (cela) baa hirarkia igreija atu halo ninia intervensaun.
Alem de isu-isu politika ou no mos problemas internais governamental nebee Hakerek'nain mensiona iha leten, ita mos presiza hare katak kompetisaun politika pessoal entre Marií no Xanana sidauk taka ou remata iha istoria Timor-Leste ukun a'an. Marcha da Paz sai mos hanesan intrumentu Marii nian atu hasoru Xanana Gusmão. Bola manas agora dadaun iha Marií Alkatiri ninia liman, Xanana oras nee dadaun sai hanesan guardiaun ida hodi hein bola nebee Marii lori atu tebe.
Relasiona ho kompetisaun politika pessoal entres Marií e Xanana, ita bele hare mos Xanana nia deklarasaun iha Tempo Interaktif (Indonesia, 3-10-2008) nebee dehan Marií halimar hanesan labarik, no mos Xanana hateten katak nia (Xanana) sei la tauk ho Marii ninia ameasas tamba durante tinan 24 iha Ailaran nia enfrenta ameasas nebee mak ho risku bo'ot liu nebee mak Mari hakarak atu halo liu husi aksaun politika, Marcha da Paz. Liu husi ninia deklarasaun nee, dalaruma Xanana hakarak hatudu katak wainhira iha Ailaran nia muda estrategia funu nian hodi kontra okupasaun Indonesia, mosu grupus no individus balun nebee mak la aseita maibe to'o ikus Xanana bele tau se'es sira hotu, e Xanana bele lori funu la'o nafatin ba'a oin to'o tama baa portaun bo'ot ukun rasik a'an.
Deklarasaun Xanana nian iha Tempo Interaktif menonjolkan politika komando nebee mak durante tinan 24 nia laran Xanana opta hodi lidera funu hasoru okupasaun Indonesia. Marii hatene bem feito kona baa nee, maibe Marii hakarak konvida Xanana atu halimar politika iha era demokrasia nia laran. Maibe Marii presiza hatene katak Xanana mos iha esperiensia politika iha era domokrasia nia laran. Ita tomak sei hanoin katak Xanana uza regras demokrasia mak hodi mos dudu Marii monu iha tinan 2006, e Xanana sa'e baa tu'ur no forma governu AMP liu mos husi regras demokrasia nebee mak konsagra iha konstituisaun Timor-Leste. Ho ida nee Xanana hatudu ona katak nia (Xanana) mos iha esperensia politika iha era domokrasia nia laran, nia bele adapta a'an ho kada situasaun. Iha tempu resistensia hasoru okupasaun eksternal nia ho matenek pratika politika komando, no iha mos tempu nee nia bele pratika politika nebee demokratiku.
Hare baa tensaun politika nebe mak sei mosu maka dalaruma Xanana sei uza buat rua nebee mak refere iha leten hodi hasoru Marii. Maibe ita hein katak politika komando nebee mak uluk 24 anos prega metin iha Xanana nia kabas no ninia ulun bele tau ninia siknifikasaun iha tempu ida nee sai baa hanesan kompetensia politika konstitusional. Iha nee ita bele hare Xanana sei hasoru exame todan (diuji) iha tempu nebee atu mai. Mampukah Xanana enfrenta no defende ninia pozisaun politika ho regras demokrasia hasoru ameasas politikas nebee mak atu sei mosu iha tempu badak mai?!
Atu responde no buka solusaun baa problemas nasionais nebee mosu iha governu AMP nia laran (etniku, otonomista, korupsaun, kazu veteranus, mina tasi Timor, abuzus seksual husi Ministro no Sekretario Estadu balun halo baa sira nia bawahan, eksistensia nukleus Melbournismu nebee ha-kurita-a'an iha governu AMP nia laran, no isu-isu sel-seluk tan) maka dala ida tan Hakerek'nain segere atu lideransa Governo AMP rapidamente bele halo reshuffle baa ninia gabinete. Liu husi aksaun reshuffle bele aumenta tan mos kargu ida baa fatin Vice Primeiro Ministro ho uza figura ida kompetente e kapabel atu nunee bele tau matan diak liu tan baa areas Finansas no Administrsaun nebee fraku. Moruk no todan, governu AMP tenki aseita katak governu nebee Xanana lidera iha mos ninia frakeza, ne'e duni tenki buka hodi hadia a'an. Se wainhira lideransa governu AMP la tau importansia baa problemas nebee mak refere iha leten maka frakeza governu AMP nian bele sai iska politika nebee bokur baa partidu opozisaun no forsa social atu doko governu nee. Husik no la tau importansia baa problemas nebee mak mosu iha governu AMP nia laran maka internalmente governu rasik hakiak ameasas potensial hodi hamonu ninia a'an. Ameasas politikas la'os mai deit husi parte ekternal ou husi partidus opozisaun, maibe ameasas politikas bele mai mos husi hahalok no lalaok membros gabinete governu AMP nian hanesan mensiona ona iha leten.
Atu sai nudar partidu opozisaun ida diak, Hakerek'nain sugere atu partidu Fretilin preciza muda postura e estrategia politika foun hodi atrai populasaun do que uza aksaun politika nebee ho risku ida bo'ot. Lideransa Fretilin fo'o ona garante katak aksaun Marcha da Paz nebee sira prepara atu halo sei la'o pasificamente, maibe Hakerek'nain kawatir katak aksaun pacifica iha ao mesmu tempu bele loke mos dalan atu hamosu aksaun violencia. Wainhira mosu aksaun violencia maka governu aktual sei uza lei no ordem atu atua situasaun, e iha tempu nee (wainhira mosu ona violencia) maka Xanana sei uza ninia kompetensia politika konstitusional hodi hamate Marii nia deseju politika.
Maibe se'karik Marcha da Paz la'o ho diak sem hamosu aksaun violensia maka Hakerek'nain hein katak aksaun politika, Marcha da Paz sei sai nudar lalenok politika ida diak baa governu AMP hodi nunee governu ne'e bele leno mos ninia a'an rasik, tamba, ho no liu husi lalenok maka dalaruma iha fo'er ruma nebee hanoda governu AMP ne'e ninia liman ou ain, lideransa governu ne'e bele hare no buka ba fase, atu nunee povu bele hare governu nee mo'os, bonitu no morin iha loron oin mai. (End)
*Hakerek Nain, observador politika i Social, hela iha Díli, exklusivo ba Fórum Haksesuk!
Sem comentários:
Enviar um comentário
Nota: só um membro deste blogue pode publicar um comentário.