Dr. MARI ALKATIRI IHA FORÇA SUFICIENTE ATU HATUN XANANA HUSSI PRIMEIRO MINISTRO?

By: Vicente Mau Bocy *

SUMARIO

1. Diario STL no Timor Post dia 18 de Outubro publica terror nebe sai hussi Dr. Mari Alkatiri nia ibun “lori Marcha da Paz atu hatun Governo Xanana”. Hussi RTP mos fo versaun hanessan;

2. Edisaun 2a Feira Timor Post (20-10-08) hussi front page “Bankada FRETILIN Prontu Abandona Parlamento Naciona (PN)”;

3. Bispo Baukau “Buat ruma akontece Dr. Alkatiri nia responsabilidade” Timor Post 20 de Outubro;

4. Xanana edisaun diarios Timor & STL 21 de Outubro, responde ba Dr. Mari Alkatiri nia ameasa “hau la permite crise bot ida mossu tan. Ema balu hau sei kaer hotu“ .

DUVIDAS

a. Terror nebe Dr. Alkatiri halo, bele sai realiadade? Se lae oin sa?

b. Ho garantias saída, ka base legal Constitucional atu justifica hipoteses de sucessos atu Dr. Alkatiri fila fali ba Primeiro Menistro?

c. Momento actual, la nota anomalias nebe refere ba artigo 112 (Demissaun do Governo) tuir Constituisaun RDTL. Oin sá justifica Dr. Alkatiri nia argument atu demite actual Governo?

COMENTARIO

1. Dr. Mari Lori Marcha da Paz atu hatun Governo Xanana

1.1. Terror atu hatun Governo, tuir Dr. Mari Alkatiri nia ambisaun la os facil. Timor oan hotu-hotu hatene, Mari Alkatiri ema ida hamlaha no hamrok poderes. Hare hussi ponto de vista historico no antropologico, lideres politicos sira nebe pretence minoria ethnica ka religiosa kuando hetan oportunidade, sira teimoso, atu ukun no sentido atu subjuga main stream ka maioria esmgadora. Exemplos: Fujimori, Hitler, Musoline , Sadam Hussein no sst. Como por vias normais ka legais la konssegue, lideres sira ho mental de terroristas, usa meios de violencia.

Deklarasaun nebe Dr. Alkatiri ho extrema vaidade fo sai iha RTP, simplesmente hakarak hatudo ba países do CPLP Mari Alkatiri, lidere bot ida iha Timor Leste nebe iha peso politico bot, contudo na realidade, tuir kontestu Timor Leste, Mari Alkatiri nia postura politica degrada desde 2006 mai oin.

1.2. Se Dr. Alkatiri nia iha kapacidade luan, sensata , conhecimento diversificado, sobre kestoens komplexas da Resistencia Armada no Clandestina, no dotado de capacidade evidente ba conciliasaun no sentido atu konstroe consensus entre vertentes politicas de maior influencia iha Timor Leste, nia Dr. Alkatiri oras ne’e sei nafatin Primeiro Menistro i bele ukun to tinan 50.

1.3. Como, verifica total ausencia destes dotes ka kualidades, maka militants no quadros da FRETILIN, kastigo nia atu labele ukun tan, hodi retira votos de confiansa iha eleisaun legislativa Julho 2007. Author tenta halo analise komparativa ida kona ba sucesso / insucesso Dr. Alkatiri nia determinasaun atu hatun Governo AMP:

a. Dr. Mari, Governo AMP hanesan fatuk ida iha “rai-lolon“ atu ita bot sukit bosok monu ona?
b. Ka, hanesan “aitahan maran ida “ ke ita bot “hu deit” desloka ona hussi nia fatin inicial?

“Dr. Mari parece não está bom da cabeça” coitado. Atan ami sente triste ho “disparate“ bot ida ne’e.

1.4. Dados eleitoral hussi STAE indika katak resultados da eleisaun Legislativas de 2007 FRETILIN nia votos 124 000 oin sa bele mobiliza 200 000 pessoas? Será ke participantes da Marcha da violencia hanessan fatuk ka raihenek lori bulldozer nia kanuru hodi suru no tula ba kamionetas?

1.5. AMP ukun ona 14 meses. Halo ona buat barak ke Dr. Mari nia governasaun la preokupa ka la iha interesse atu resolve hanesan subsudios ba veteranos no sira Terceira idade nebe hamutuk kuase 78 000 pessoas, simu hotu ona. Author assiste no rona katuas no ferik sira nia reasaun depois de simu ossan “ami nian maka ne’e ona”. Significa katak sira ferik katuas deposita tomak sira nia konfiansa ba actual governo do AMP nebe kontempla sira nia susar. Portanto segment ida ne’e automaticamente vota ba Xanana.

1.6. Grupo katuas sira nian la iha duvidas sira iha influencia ba sira nia oan sira, atu labele estraga estabilidade politica, no governativa nebe Governo AMP oras ne’e assegura.

1.7. Kategoria hussi, Grupo Peticionarios no IDP’s, nebe vitimas iha governasaun Dr. Mari Alkatiri, sira nia hanoin atu fo suporte politico ba Dr. Mari Alkatiri, talvez muda barak ona. Aliciamento atu lori sira atu halo demonstrasaun hodi hatun Governo AMP, probabilidades minima.

1.8. Veteranos da Resistencia barak liu maka hussi Sector Leste, sira mos simu ona subsidio de Guerra, ke Dr. Mari nia governasaun la hanoin atu implementa. Maioria kuadros politicos da FRETILIN. Ora opsaun tuir Mari Alkatiri maka diak ka, ou tuir Xanana, nebe prova tiha ona, resolve parcialmente problema financeiro ba sira nia moris? Opsaun atu monu ba Dr. Alkatiri nia propaganda parece dificil. Bem Dr. Mari koalia, promote hela deit i la halo. Em contrapartida Xanana koalia, menos de um ano kumpre kedas nia promessa hodi aloka orsamento hodi selu Veteranos sira .

1.7. Estabilidade Governativa bem assegurada até o momento presente, Povo tomak iha Timor Leste, liu-liu iha cidade Dili, moris iha ambiente de Paz no Tranquilidade. Militantes FRETILIN barak maka simu ona beneficios hussi actual governo; hanesan simu tractors, bolsas de estudos, atu ba servissu iha Correa do Sul, Irlandia no Australia.

1.9. Atu hatun governo Dr. Alkatiri, ten-ki basea ba base legal nebe hakerek iha Constituisaun tuir Artigo 112 iha alinheas: (c,d,e, f)

o Mate ka impossibilidade fisica;
o Programa Governo nian la aprova dala rua tuir malu iha Parlamento Nacional;
o Governo lakon ona voto de confiansa;
o Censura ida ba Governo, hussi maioria absoluta dos Deputados do Parlamento Nacional.

So iha circumstancias hirak ne’e nia laran, maka Presidente da Republica hetan mandato Constitucional demite Governo.

1a CONCLUSAUN

I. La os ara-biru hatun governo conforme Dr. Mari nia gosto. Ten-ki tuir procedimento legal ho base ba Constituisaun;

II. Ameasas de terror nebe Dr. Mari hakilar iha Jornal no Televisaun, hatudo mo mos frustrasaun no desespero do poder. Post power syndrome nia moras maka ataka;

2. Bancada FRETILIN atu abandona Parlamento Nacional

Bainhira deklasaun ne’e mossu iha media, hau la-hatene;

• Dr. Aniceto hatene ka iha certeza buat nebe koalia ga lae?
• Nusa maka deputados da FRETILIN abandona kedas iha primeiro dia, kuando Sr. Lasama manang eleisaun ba Presidente do Parlamento?
• 21 Deputados da Bancada da FRETILIN hotu-hotu komunga Dr. Aniceto no Dr. Mari Alkatiri nia opiniaun no decisaun?

2.1. Hakerek nain, halo investigasaun ida kona ba substancia materia de abondono Parlamento Nacional, la hetan evidencias fortes atu Deputados da FRETILIN atu abandona Parlamento Nacional por seguintes razoens:

a. Se maka garante fundos de sobrevivencia ba deputados sira nia moris ho sira nia familia? Ho vencimento nebe Deputados (as) sira hetan + regalias nebe adquire hau sente la os facil atu deputados hotu konkorda ho plano atu abandona PN; Aspecto seluk tan, nebe mos merece referencia, se maka beik, atu abandona depois atu moris terus? – tamba ambisoens ka ganancia ema lubun ida nian?

b. Abondona maka FRETILIN kaer fali poder, muito bem. Se lae, oin sa los ba oin to 2012? Vida karo. Vencimento basico de $ 450 por mes, buat ruma atu ahi suar iha dapur loro-loron, atende necessidades basicas de vida kuotidiana; Concerteza ba Dr. Mari ho nia socios balun, iha meios financeiros atu moris ba gerasaun tolu ka hat. Enkuanto deputados (as) seluk nebe foin tama sira nia kondisoens la henesan.

c. Leitura mapa politico, Governo AMP halo buat barak diak ona ba Povo no mos resolve ona problemas criticos balu ke durante governasaun Dr. Alkatiri la iha capacidade atu resolve hanesan casos: IDP’s no Peticionarios. Ho beneficios balu nebe populasaun barak hetan ona, será ke eleisaun antecipada Mari Alkatiri lori FRETILIN nia naran bele manang iha eleisaun se por acaso acontece? Se eleisaun antecipada la mossu oin sa futuro deputados (as) sira nian nebe abondona Parlamento? Hau iha certeza maxima ke Deputados (as) sira iha maturidade atu hanoin kuidadosamente, antes foti decisaun de abondono do Parlamento Nacional.

d. Uma vez abondona ona Parlamento, lalika mehi ona atu Povo hili em qualquer eleisaun. Votantes da FRETILIN hatene mos ona se se maka estraga no halo foer FRETILIN nia naran. Eleitores da FRETILIN fo ona lisoens bot tolu ba Dr. Alkatiri ba eleisaun Presidencial no Legislativa. “matenek ka neon nain, ema nebe aprende erros nebe komete iha kotuk hodi labele repete fila fali ” dehan Shakepeers.

2a CONCLUSAUN

• La iha probabilidades atu Deputados (as) da FRETILIN atu abandona PN; Desiquilibrio de kondisoens economicas no financeiras entre Deputados (as) la permite atu Deputados hotu atu abandona.

3. Dr. Alkatiri responsabiliza se buat ruma acontece

3.1. Timor Post edisaun 20 de Outubro de 2008 halo reportagem kona ba Dom Amo Basilio nia preokupasaun kona ba deklarasaun Dr. Alkatiri iha Quinta kalan iha TVTLnebe ho lian fuan kroat ka terror, atu hatun actual Governo atraves de manifestasaun bot ida nebe sira temi “marcha da paz”.

3.2. Tuir Amo Nascimento: “Dr. Alkatiri tenki responsabiliza se buat ruma la diak acontece“. Dom Nascimento mos preokupado lia fuan provocativos nebe Dr Alkatiri pronuncia iha TVTL no RPT.

3.3. Dom Basilio nia leitura politica ba actual konjuntura politica iha Timor Leste:

a. Atu hatun governo ida ne’e, lori manifestasaun, significa katak governo actual ukun la diak. Sei dauk hetan provas significativas katak governo ida ne’e ukun la diak;

b. Oin sa halo governo ne’e tun. Procedimento legal ida nebe maka justifica?

c. Governo ida ne’e tun, kuando maioria Povo descontente. Situasaun ida ne’e la iha, Dr. Alkatiri haruka governo ne’e ba pasiar?

d. Governo ida ne’e tun kuando Presidente da Republica toma decisaun; baseia ba legalidade Constitucinal.

3.4. Por ultimo Amo Basilio resume: “Dr. Alkatiri nia koalia ne’e, halimar ga, serio atu halo duni” . "Numero de participantes da Marcha nebe target ba 200 000 maka la atinge ou la to 50 000, Dr. Alkatiri halo moe dei nia aan rasik” dehan Amu Nascimento.

Saída maka Dom Basilio hakarak bolu ka avisa ba Dr. Alkatiri, “keta subar liman kuando tuda fatuk” ker dizer Crise de 2006 bot sira hotu defende malu hodi livre hussi envolvimento . Kiik sira nebe la hatene buat ida maka terus no sofre hodi tama iha kadeia. Keta usa manifestantes sira hanesan “instrumentos ba lideres politicos sira nia ambisoens”. "Tó ona ba” (enough)

3a CONCLUSAUN

• Dom Basilio adverte ba Dr. Mari Alkatiri atu responsabiliza ba consequencias da Marcha da Paz.


4. Xanana responde ba ameasa Alkatiri: “Hau sei kaer ema balu“ (STL 21-10-08)

4.1. Edisaun STL no Timor Post 21 de Outubro de 2008 relata kona ba drama da Marcha da Paz, nebe magnifico no legendario Dr. Mari Alkatiri declara iha Televisaun iha Kinta Feira kalan dia 16-10-08 dehan ho maxima confiansa atu hatun Governo AMP iha tempo badak, hodi hamossu Crise ida bot liu do ke Crise de 2006.

4.2. Reage, ba deklarasaun Dr. Mari Alkatiri, Xanana responde:

I. Governo iha dever no obrigasaun maxima liu hussi orgauns de seguransa atu garante paz no tranquilidade iha komunidade nia let, em geral garante seguransa ba Povo tomak;

II. Hau sei permite Partido seluk ukun rai ne’e; Mai-bé, la permite krise ida bot liu 2006;

III. Governo sei usa sa meios deit, atu prevene populasaun halai, husik hela sira nia uma, ema seluk mai naok no sunu uma;

IV. Tocante ba kaos no anarkismo nebe sei mossu, Chefe do Governo sei haruka kaer responsaveis balu;

V. Mensagem ba populasaun no jovens sira em particular atu kontribui ba paz no estabilidade, de forma labarik sira bele halimar a vontade, ema hotu bele lao kalan sem receio.

4a CONCLUSAUN

• Chefe do Governo fo ona mensagem no aviso ba cidadaun tomak iha Timor Leste katak, Estado se buka meios hotu-hotu, atu garante ambiente de seguransa ba Povo tomak.

• Perturbadores da seguransa publica, orgauns da Seguransa sei kaer atu mantein lei no ordem publica. Actores sira sei ba hatan iha tribunal atu justifica sira nia actos.

*-Political Analyst, exkulzivu ba Forum Haksesuk