Proposta Lei atu estabelese Komisaun Anti-Korrupsaun

IV GOVERNO KONSTITUSIONAL GABINETE PRIMERU MINISTRU

KOMUNIKADU IMPRENSA

Dili, Outubru 24, 2008

Proposta Lei atu estabelese Komisaun Anti-Korrupsaun

Ohin Primeiru Ministru Kay Rala Xanana Gusmão submete proposta lei ida ba Parlamentu Nasional atu estabelese Komisaun Anti Korrupsaun independente ida ne’ebe dedika ba kombate korrupsaun iha Timor-Leste.

Lei ne’e dezenvolve depois hala’o tiha periudu konsulta naruk ho Povu Timor-Leste. Prosesu ne’e inklui konsulta nasional ne’ebe LABEH hala’o iha rai laran tomak, Povu hakarak duni atu harii Komisaun Anti Korrupsaun ida.

Komisaun Anti Korrupsaun tenke asegura katak ema ne’ebe involve iha atus korrupsaun tenke submete ba investigasaun i tenke simu kastigu boot. Inklui tama kadeia no konfiska sasan hotu-hotu ne’ebe nia hetan tanba korrupsaun”. “Ita presiza hola medidas makaas atu asegura katak korrupsaun labele moris no buras iha ita nia demokrasia laran. Ne’e mak Povu Timor Leste merese.”

Komisaun Anti Korrupsaun nia mandatu maka:

• hala’o investigasoens kona-ba atus korrupsaun
• hatoo evidensia ba Prokurador Jeral atu foti prosesu kona-ba kasus korrupsaun
• Hala’o kampanhas edukasaun
• Hatoo konselhu ba departamentus publiku no ajensias hotu-hotu kona-ba oinsa atu prevene korrupsaun labele mosu.
• Hahu asaun rekuperasaun beins tuir prusedementu korrupsaun.

Importante liu, katak Komisaun Anti Korrupsaun sei iha poderes investigativus ne’ebe forte. Komisaun ne’e iha direitu atu hetan asesu ba dokumentus no edifisius, i iha mos poder atu ezije ema hatan pergunatas kona-ba alegasoens korrupsaun.

Komisaun Anti Korrupsaun, hamutuk ho Prokurador Jeral, i ho aprobsaun husi Tibunal, iha poderes atu:

• konjela kontas bankarias
• konfiska beins
• prevene suspeitus atu labele halai sai husi Timor-Leste
• intersepta no grava komunikasoens elektronikas, inklui monitoriza

xamadas telefonikas no emails.

Komisaun Anti Korrupsaun sei sai hanesan orgaun independente ida ne’ebe hatoo relatoriu ba Parlamentu Nasional.

Komisariu ne’ebe sai nuudar president Komisaun Anti Korrupsaun, trez kuartus husi membrus Parlamentu Nasional maka sei hili, i Presidente Republika maka sei nomea. Komisariu ne’e tenke ema ne’ebe iha nivel independente no integridade aas, elejibilidade no imparsialidade.

Primeiru Ministru Gusmão hateten “Mekanismu ne’ebe regula selesaun komisaun anti korrupsaun sei asegura katak ema ne’e iha duni kompetensia no integridade aas, no apartidadu.”

Komisaun Anti Korrupsaun sei hahuu funsiona iha 2009 no iha mandatu atu investiga alegasoens atus korrupsaun ne’ebe mosu depois data ida ne’e.

Atu hetan informasaun kleaan liu tan, halo favor kontaktu Agio Pereira, Portavos Guvernu, iha tel. +670-723 0011 ou agiopereira@cdm.gov.tl.