Komentariu Husi hakerek na'in hodi fasilita ba le na'in sira nebe ladun hatene lian portugues...
Kona tema nebe hakerek na'in foti iha nian hakerek iha ligasaun ho deputados bankada FRETILIN nebee hatun nian komunikadu ba imprensa kona ba sira nian ejizensia atu PM Xanana Gusmão hasai nian Vise husi knaar tanba hetan alegasaun husi partido FRETILIN katak Dr. José Luis Guterres halo korrupsaun, nepotismu no uza abuza nian poder bainhira Vise PM aktual hala'o knaar nudar MNEC FRETILIN nian iha tempo partido nee kaer ukun. Hakerek na'in lamenta ho deputados FARETILIN nian atitude nee tanba ba hakerek na'in nian hanoin katak akuzasaun ida nee la mosu iha biban nebee korresponde aktualidade, katak deputados husi FRETILIN la iha liu ideias atu aprezenta iha Uma Fukun, ideias la iha mak sira buka halo oportunismo politiku hodi lori kazu tinan rua liu ba mai, atitude ida nebee ba hakerek na'in la iha duvida katak nee hanesan hatudu partido FRETILIN nian inkoerensia ho realidade aktual no mos hanesan perseguisaun politika ba nian ex-kamarada Lugu. Ida nee iha português bolu "mau perder" no mos iha bahasa Indonesia bolu "cemburu" ba nian kamarada nebee ohin loron fila kotu ba sira hodi servi Povo ho Rain Timor hamutuk ho Sr. Xanana Gusmão nebee sira (F) konsidera hanesan inimigo partido historiku ne nian. Kazu alegasaun korrupsaun, nepotismo no abuzu poder nebee deputados sira husi bankada FRETILIN foti mos la iha lojika tanba uluk Sr. José Luis Guterres sai MNEC mos desizaun CCF no mos FRETILIN nian governo mak foti nian tau iha kargu nee, tanba Lugu rasik mos ema FRETILIN. Se halo korrupsaun, nepotismo no abuza poder hanesan ministro naton nusa deputados sira FRETILIN la fiskaliza kedan no taka matan ba situasaun nee, agora liu tiha tinan rua mak foin hader hodi lamas kazu nee lekar ba publiku ? Uluk deputados sira haree matan la mos, agora haree matan nabilan tebes ? Ida nunee peribahasa indonesia dehan nunee : "Semut di seberang lautan dapat di lihat, gajah di kelopak mata sendiri tidak melihatnya". Tuir los deputados sira husi FRETILIN, ho lejitimidade, no mos honra nebee hetan husi Povo, representa Povo iha Uma Fukun sai hanesan katalizador ba DAME NO PAZ, ba demokrasia, ba Unidade Nasional no mos sai inspirador ba konseitus lei no konstituisaun, respeito ema seluk, konseptor ba liberdade no demokrasia, salva guarda ema ida-idak nian dignidade, hanoin ho vizaun nebee kluan, aktivu iha buka solusaun ba problemas nebee Povo no Estado hasoru, fiskaliza ezekutivu nian aktividades sem iha tendensia politika-partidaria etc.etc.
Tanba konseito sai DEPUTADO la'os limitado iha definisaun nebe iha ligasaun ho deputado nee mai husi partido A ka B ka C maibe espiritu nebee kada deputado ida presiza iha mak deputado nee Povo mak hili hodi reprezenta Povo, atu koalia hodi Povo nian naran, atu tulun Povo hodi buka kasu sira nian susar, atu ejize ba governo hodi tau matan ba Povo nebee dulas malu ho sira nian susar no terus, atu koalia lia los, atu buka justisa ba Povo no atu DIGNIFIKA NO KREDIBILIZA instituisaun ida naran Parlamento Nasional. Deputados iha Parlamento la'os atu koalia problema partido nian, la'os atu dun partido ida nee ka partido ida nebaa, la'os atu hateten GOVERNO AMP ho nian PM "de faktu" loron-loron iha Uma Fukun maibe Povo nebee la hatene buat nee nian sentido nunka hetan ESPLIKASAUN lolos husi senhores ho senhoras DEPUTADOS/AS sira nebee kaer lia fuan DE FAKTU hanesan sira nian bandeira iha PN...
Atu koalia deit lia-fuan hirak nunee la presiza sai deputado ka deputada, maun lain sira leba ikan ka haklili bua-malus fa'an tui-tuir dalan mos hatene temi DE FAKTU...
Senhores/as deputados sira nian konseitu, persepsaun no interpretasaun kona ba LEI NO KONSTITUISAUN TENKE oin seluk ho ema babain ka ema nebee la'os deputados...selae ami hanesan sidadaun babain la hatene distingue DEPUTADOS sira mak nebee no ema la'os deputados mak nebe, tanba faktus hatudu hanesan deit...
Ne'eduni hakerek na'in REKOMENDA ba deputados hotu nebee representa Povo iha Uma Fukun atu halo reflesaun hodi halo mos ezersisiu makaas, tanba buat hotu iha imi nian liman, Estado RDTL nian sistema iha imi nian matenek, iha imi nian kbaas no Povo Timor nian destinu mos iha imi hotu nian liman.
Obrigado Wa'in !
Victor Tavares
Kona tema nebe hakerek na'in foti iha nian hakerek iha ligasaun ho deputados bankada FRETILIN nebee hatun nian komunikadu ba imprensa kona ba sira nian ejizensia atu PM Xanana Gusmão hasai nian Vise husi knaar tanba hetan alegasaun husi partido FRETILIN katak Dr. José Luis Guterres halo korrupsaun, nepotismu no uza abuza nian poder bainhira Vise PM aktual hala'o knaar nudar MNEC FRETILIN nian iha tempo partido nee kaer ukun. Hakerek na'in lamenta ho deputados FARETILIN nian atitude nee tanba ba hakerek na'in nian hanoin katak akuzasaun ida nee la mosu iha biban nebee korresponde aktualidade, katak deputados husi FRETILIN la iha liu ideias atu aprezenta iha Uma Fukun, ideias la iha mak sira buka halo oportunismo politiku hodi lori kazu tinan rua liu ba mai, atitude ida nebee ba hakerek na'in la iha duvida katak nee hanesan hatudu partido FRETILIN nian inkoerensia ho realidade aktual no mos hanesan perseguisaun politika ba nian ex-kamarada Lugu. Ida nee iha português bolu "mau perder" no mos iha bahasa Indonesia bolu "cemburu" ba nian kamarada nebee ohin loron fila kotu ba sira hodi servi Povo ho Rain Timor hamutuk ho Sr. Xanana Gusmão nebee sira (F) konsidera hanesan inimigo partido historiku ne nian. Kazu alegasaun korrupsaun, nepotismo no abuzu poder nebee deputados sira husi bankada FRETILIN foti mos la iha lojika tanba uluk Sr. José Luis Guterres sai MNEC mos desizaun CCF no mos FRETILIN nian governo mak foti nian tau iha kargu nee, tanba Lugu rasik mos ema FRETILIN. Se halo korrupsaun, nepotismo no abuza poder hanesan ministro naton nusa deputados sira FRETILIN la fiskaliza kedan no taka matan ba situasaun nee, agora liu tiha tinan rua mak foin hader hodi lamas kazu nee lekar ba publiku ? Uluk deputados sira haree matan la mos, agora haree matan nabilan tebes ? Ida nunee peribahasa indonesia dehan nunee : "Semut di seberang lautan dapat di lihat, gajah di kelopak mata sendiri tidak melihatnya". Tuir los deputados sira husi FRETILIN, ho lejitimidade, no mos honra nebee hetan husi Povo, representa Povo iha Uma Fukun sai hanesan katalizador ba DAME NO PAZ, ba demokrasia, ba Unidade Nasional no mos sai inspirador ba konseitus lei no konstituisaun, respeito ema seluk, konseptor ba liberdade no demokrasia, salva guarda ema ida-idak nian dignidade, hanoin ho vizaun nebee kluan, aktivu iha buka solusaun ba problemas nebee Povo no Estado hasoru, fiskaliza ezekutivu nian aktividades sem iha tendensia politika-partidaria etc.etc.
Tanba konseito sai DEPUTADO la'os limitado iha definisaun nebe iha ligasaun ho deputado nee mai husi partido A ka B ka C maibe espiritu nebee kada deputado ida presiza iha mak deputado nee Povo mak hili hodi reprezenta Povo, atu koalia hodi Povo nian naran, atu tulun Povo hodi buka kasu sira nian susar, atu ejize ba governo hodi tau matan ba Povo nebee dulas malu ho sira nian susar no terus, atu koalia lia los, atu buka justisa ba Povo no atu DIGNIFIKA NO KREDIBILIZA instituisaun ida naran Parlamento Nasional. Deputados iha Parlamento la'os atu koalia problema partido nian, la'os atu dun partido ida nee ka partido ida nebaa, la'os atu hateten GOVERNO AMP ho nian PM "de faktu" loron-loron iha Uma Fukun maibe Povo nebee la hatene buat nee nian sentido nunka hetan ESPLIKASAUN lolos husi senhores ho senhoras DEPUTADOS/AS sira nebee kaer lia fuan DE FAKTU hanesan sira nian bandeira iha PN...
Atu koalia deit lia-fuan hirak nunee la presiza sai deputado ka deputada, maun lain sira leba ikan ka haklili bua-malus fa'an tui-tuir dalan mos hatene temi DE FAKTU...
Senhores/as deputados sira nian konseitu, persepsaun no interpretasaun kona ba LEI NO KONSTITUISAUN TENKE oin seluk ho ema babain ka ema nebee la'os deputados...selae ami hanesan sidadaun babain la hatene distingue DEPUTADOS sira mak nebee no ema la'os deputados mak nebe, tanba faktus hatudu hanesan deit...
Ne'eduni hakerek na'in REKOMENDA ba deputados hotu nebee representa Povo iha Uma Fukun atu halo reflesaun hodi halo mos ezersisiu makaas, tanba buat hotu iha imi nian liman, Estado RDTL nian sistema iha imi nian matenek, iha imi nian kbaas no Povo Timor nian destinu mos iha imi hotu nian liman.
Obrigado Wa'in !
Victor Tavares
Sem comentários:
Enviar um comentário
Nota: só um membro deste blogue pode publicar um comentário.