UDT (União Democrática Timorense)

Hosi: Celso Oliveira*

UDT (União Democrática Timorense), partidu historika nebe moris iha tinan 1973, oras ne’e presija halo mudansa bo’ot iha estrutura nia laran, atu nune bele prepara-an ba eleisaun 2012. Se lahalo nune, entaun UDT nia futuru sei sai fraku liu tan ou sei lakon iha panorama politika Timor nian.

UDT hanesan partidu historiku ida, nebe iha 1975 UDT nia militanti barak mate iha “Funu Maun-Alin (Guerra Civil) tamba sira defende demokrasia, tamba sira anti-komunismo”, maibe iha eleisaun lejislativa 2002 i 2007, UDT lakon fali ho partidus sira seluk nebe foin moris, hanesan PD, PSD, i, CNRT, Por exemplu: iha 2002, UDT hetan deit deputadu nain rua (2) i iha 2007, UDT tun liu ba zero (0).

Realidadi ida ne’e hatudu katak UDT moris iha krise nia laran: krise lideransa, krise orsamental i krise partidária. Buat sira ne'e hotu representa krise iha sistema partidariu.

Ne’e duni, ho derrota iha eleisaun lejislativa 2007, tuir hau nia hanoin, laos lori koligasaun ho partidus sira seluk (partidus kiik sira nebe lakon iha eleisaun lejislativa 2007) maka atu nakfilak fila fali UDT nia existensia, hosi lakon ba manan, ou, hosi a’at ba diak. Koligasaun bele koligasaun, ou bele muda naran União ba fali Liga, ou, naran seluk tan, maibe, se la muda figura antiga (ho pensamentu antigu), hau hanoin UDT sei lalao ba oin. Ne’e duni, tuir hau nia opiniaun, atu halo UDT moris fila fali, presija mudansa interna –alias- mudansa radikal iha UDT nia laran.

João Viegas Carrascalão, aktual presidenti UDT, tenki entrega poder ba ema seluk. Tamba, 1. UDT oras ne daudaun iha krise nia laran. 2. Tamba UDT presija figura ou líder foun, ho hanoin foun i sempre prontu atu halo mudansa partikularmente iha UDT, i, em jeral iha povo nia moris.
Atu ita transforma ita nia sociedade hosi sociedade violenta ba sai sociedade ida demokratika, nebe respeitu ba valores demokratiku, entaun importanti ita muda uluk estrutura iha paridu sira nia laran. Tamba, se karik ita lakonsege hadia ou hari’i valores demokratiku iha ita nia partidu, entaun sei difisil atu ita hari’i valores demokratiku iha ita nia povo.

Liu hosi Kongressu Nasional, UDT, tenki prontu atu muda estrutura UDT nian i trasa planu foun ba hasoru eleisaun 2012. Tenki hatudu ba povo (liu-liu militanti i simpatizanti UDT nian) katak: UDT sei iha i atu UDT sai forti liu tan, presija halo mudansa iha UDT nia laran, komesa oras ne’e daudaun.

Se karik iha kongressu UDT nian, lahalo mudansa iha UDT nia estrutura i latrasa planu foun hodi hasoru eleisaun iha 2012, entaun, diak liu hakoi tiha UDT, i, lalika hanoin tan katak povo sei vota filafali ba UDT. Tamba, povo mos baruk tiha ona ho partidu antigu sira nebe kontinua ho figura i hanoin (pensamentu) tuan.

Se karik iha kongressu UDT nian, UDT lahusu ba IV Governu Konstituisional, lideradu hosi Primeiru Ministru Xanana Gusmão, hodi rekonhese UDT nia militanti sira nebe mate durante funu maun-alin (guerra civil) iha 1975, hanesan herói nasional, entaun, diak liu povo haluha tiha deit UDT.

De faktu, militanti UDT nebe mate iha 1975 (guerra civil) laos traidor, maibe (tuir diskursu Xanana Gusmão ba povo no ba lideres i membrus Fretilin nian, iha loron 22 fulan Junho tinan 2006, nune: Em Maio de 2000, a FRETILIN convidou-me a falar na sua Conferência, no GMT [Ginásio], neste momento rebaptizado GAT. Pedi três coisas à FRETILIN:

- primeiro, rever, reavaliar o caso de Xavier do Amaral, porque ele não é um traidor na nossa terra, apenas porque não aceitou a ideologia adoptada pelo Comité Central, em Laline, em Maio de 1977.

- segundo, para limparem o nome de todos os que a FRETILIN assassinou porque os considerava traidores, mas que não eram traidores, apenas não aceitavam a ideologia marxista-leninista, e para que as suas famílias possam estar descansadas.

- terceiro, que a FRETILIN pedisse desculpa ao Povo, sobretudo aos familiares das vítimas.)
Bom sucesso ba UDT.

*Poeta i hakerek nain (escritor) Timor oan, hela iha England