Atentado Assasinato Presidente Da Republica No Primeiro Ministro

Descrisaun :

1. Segunda feira dia 12 de Fevereiro, Sr. Major Alfredo Renaldo ho nia elementos balu ba ho kareta rua, hodi assalta ba Presidente da Republica nia uma iha Metiauk iha oras tuku nen dader sasan. Consequencia assaun ida neba, Sr. Alfredo Renaldo ho nia escolta ida mate iha recinto Presidente nia uma i Presidente mos hetan tiros hodi hetan kanek . Ida iha kabas no ida seluk iha kabun. Oras ne’e Sr. Presidente da Republica halo hela tratamento intensivo iha Hospital Darwin. Informasoens recentes dehan katak condisaun fisica Presidente da Republica rekupera ona

2. Por volta das 7.30 dadersan ne’e, Sr.Prmeiro Ministru tun ho kareta, hussi nia uma iha Balibar atu mai servissu, hetan mos assato hussi grupo armado komandadu hussi Sr. Tenente Salsinha. Assalto neba felizmente Sr.Primeiro Ministro ho nia escolta sira la hetan kanek graves, viaturas sira deit maka hetan estragus hussii kilat mussan.

Duvidas nebe mossu:

Alfredo + Salsinha, objectivos no benefcios saída maka atu hetan hussi assasinato ulun bot rua nasaun Timor Leste?
Será ke sira rua, ida hakarak atu sai Presidente da Republica i ida seluk atu sai Primeiro Ministro?

Ou assaun neba iha konotasaun politica ruma, kona ba eleisaun antecipada?

Dedusaun vertical:

Hussi technica ida ne’e, Alfredo + Salsinha, sira nia expectativa ba solusaun problema la hetan ona dalan, nune’e duni, sira nia desespero aumenta, i buka descarga sira nia emosaun hodi halo assaun violento de assasinato. Tuir teoria ida ne’e, la iha parte externa influencia sira nia decisaun.

Descriptive interpretation

Tuir technica ida ne’e, ita halo colesaun de data kona ba atitudes no comportamento Alfredo + Salsinha se sira rua se iha caracteristas brutais ka violentos iha sira nia moris, de forma atu influenca ba assaun nebe sira halo iha dia 11 de Fevereiro 2008.
Informasaun hussi sira nebe ba halao negociasaun ho Alfredo, dehan katak, Alfredo, ema ida ke la iha intensaun de maldade. Simu ema hotu, koalia ba ema hotu.
Defeito Alfredo nian, mudah dipengaruhi (facil de ser influenciado)
Se ita halo tabulasaun samples caracteristicas phicologicas Alfredo+ Salsinha, hodi sukat tendencia central ho dispersaun ba sira nia sifat dan sikap, facilmente ita bele detecta, assaun de assasinato ne’e, iha probabilidade minima hussi sira nain rua nia iniciativas rasik, Parece tentasaun mai hussi fatin seluk.

Espekulasaun nebe mossu;

Author usa method estatistas nebe consiste a set of analitical techniques nebe aplica ba data atu ajuda halo judgment no hetan clarficasaun ba casos ka problemas nebe envolve incerteza (uncertainty).

Analisa, interpreta, examina ba caso atentado iha dia 11 de Fevereiro iha apenas hipotheses tolu:

1. Alfredo + Salsinha nia iniciativa rasik atu halo atentato; ou
2. Sira nan rua hetan influencia externa no simu ossan, no ho garantias ka promessas ruma ba sira moris; desta forma, ploticos sira maka iha beneficio bot, ba poderes oliticos;
3. Ou combinasaun rua ne’e hotu: sira nia hakarak no reforsa ho influencia hussi liur ba eleisaun antecipada.

Ita bele usa technica de inferencia, atu halo predisaun kona ba population ( populasi) tomak baseia ba informasaun hussi samples hussi population (populasi) nebe iha .
Data samples balu nebe hetan.

Iha informasaun balu dehan katak, delegasaun CPLP balu hetan ona informasaun balu antes do dia 11/02/08. Exemplo;Ministra hussi Mosambique hussu, atu fila lalais iha 2ª feira; dia 11/02/08.

Vice Ministra hussi Angola simu telefone hussi lider ida hussi FRETILIN; hodi hussu Primeiro Ministro iha ona fatin conferencia, salaun nobre Lahane ka lae;antes das 08.00 horas;
Militantes FRETILIN nia oan feto rua nebe participa iha dansas tradicionais ba delegasaun CPLP; teki-teki 21.00 horas Domingo kalan telefone ba Ameta no Arola hodi dehan katak sira labele participa iha danssa segunda dia 11/02/08, tamba sira nia aman lahusik, ka la autoriza;
Converssa ka discusaun entre membro FRETILIN ida ho empresario ida nia verssaun tuir mai ne: imi fo apoio ba major Alfredo, ema hotu hatene. Ami la os beik, hanesan imi. Ami iha estafeta especial hodi fo apoio ba Major Alfredo;”

Ossan nebe valores bot nebe media fo sai, bele mos sai fonte valido no seguro ida, atu buka nia origem mai hussi nebe, nia motivo ho objectivo do atentado ho ema nebe involve iha plano kriminal ida ne’e;

Iha mos versaun ida, hussi ema besik Major Alfredo, dehan katak, objectivo Alfredo mai Presidente nia umaatu obbriga Presidente declara ba “ eleisaun antecipada “ la os atu tiru mate. Mai be sira nebe ba Xanana, atu tiru mate duni;

Loron hirak tuir mai, bele hetan tan datas kualitivas, atu identifica, authores da konspirasaun.
Atentado - Alfredo + Salsnha sira nia iniciativa?

Hare hussi anglu ida ne’e, probablidade atu conduz ba assaun de atentato de assasinato ba Presidente da Republica no Primeiro Ministro racionalmente, ita la hetan tendencia (s) ba iha diresaun neba. Ramos Horta sempre iha contacto constante ho Alfredo+Salsinha atu resolve sira nia problema. Contradisaun Ramos Horta ho grupo Alfredo ho Salsinha practicamente la agudo. Apenas promessas nebe la condiz ho tempo.

Nune’e duni itensaun at hussi Alfredo +Salsinha la dun forte. Se iha nanis karik, Ramos Horta mate kleur tiha ona. La lika hein to 11 de Fevereiro.
Influencia externa?

Factor influencia externa, maka hanesan espekulasaun bot. Iha condicionalismos barak maka konduz ba objectivos de assasinato ba Presidente da Republica no Primeiro Ministru.
Teorias de espekulasaoens (Some of many).

Iha dia 07-02-08, halao encontro ida iha Ramos Horta nia uma entre lideransa da FRETILIN ho AMP, assunto nebe debate kona ba estabilidade. Iha altura neba Dr. Mari Alkatiri nafatin ho teimosia exige eleisaun antecipada. Assunto ne’e hanesan ona “lagu lama” Ramos Horta ho Xanana la fo importancia.

Iha dia 09-02-08. FRETILIN halao encontro alargado ida iha sede do Comite Central. Imagens nebe ekran TVTL fo sai, ita repara Dr. Mari nia oin, lia fuan “ eleisaun antecipada “nia koalia ho confiansa no certeza maxima.

Asneira bot nebe Dr.Mari koalia katak Distrito 4 maka la simu resultados da eleisaun. Se Timor Leste maka iha deit distrito 4, entaun Dr.Mari iha razaun. Maibe iha Distritos 13. Dr.Mari lakon iha 9 Distritos. Logicamente regra da maioria vence minoria. Hau sente Dr.Mari iha paranoid de poder.Timor gap nia recurssos mineirais halo Dr. Mari nia fuan no laran la metin. Dr.Mari peokuapdo,buka sa meios deit, mesmo violentos atu alkansa nia objectivo atu komanda decisoens da explorasaun gas ho petroleo iha Timor Gap.

Interpretasaun eleisaun antecipada

Dalam ba aleisaun antecipada ba legislativo la iha. Tamba assentos parlamentares, produto hussi numero de votos nebe cada Partido hetan tuir metodo processo eleitoral nebe Dr. Mari Alkatiri rasik maka halo.

Polemica nebe Dr.Mari hakilar kontra ou la simu, baseia ba decisaun Presidente da Republica entrega poder executivo ba AMP, interpreta tuir artigo 106.kona ba nomeasaun.
Se atu halo aleisaun antecipada karik, halo ba Presidente da Republica. Rekesito maka Dr.Mari Alkatiri tem-ke alicia membros Parlamentares suficiente atu halo impeachement ba decisaun do Presidente hodi nune’e revoga decisaun nebe errada atu satisfaz Dr.Mari nia exigencias. Metodo ida ne’e dificil tamba AMP kunto mais o tempo avansa, sira sai mais solido.
Dalam mais facil atu halo eleisaun antecipada maka liu atentado de assasinato ba figuras importantes rua conhecido nacional no internacional. Dr. Mari consciente katak nia reputasaun individual compara ho Xanana + Ramos Horta –imcomparavel, Contudo se figura rua la iha, Dr. Mari nia figura maka sobresai.

Objectivo atentado

Ita hotu hatene, se atentado ne’e maka hetan sucesso Alfredo + Salsinha la iha possibilidade atu ida sai Presidente no ida seluk sai nudar Primeiro Ministro tamba Republica Democratica de Timor Leste iha Constituição ida ke la permite sira nain rua ocupa automaticamente. Tenki liu hussi processo ida, tuir regras de Constituição. Hussi perspectia ida ne’e lideres politicos sira maka iha chance atu ocupa posisoens do chefe do Estado no chefe do Governo.
Se Ramos Horta mate, eleisaun antecipada ba Presidente da Republica bele realiza tuir tempo nebe difine iha Constituição. Bele mos condiz ho Dr.Mari nia previsaun ba Março 2009.
Dr.Mari hatene katak, se Ramos Horta la iha, la iha figura seluk atu compete ho ninia candidatu Sr. Lu Olo. Mesmo ke Jose Luis Guterres ka Nando Lasama lakon ho Sr.Lu Olo.
Uma vez Dr.Mari nia kandidatu ocupa ona posisaun de Presidente da Republica, iha ona espaço barak atu halo manobras ka manipulasoens politicas atu destabilize governo AMP nian, ho perturbasoens oi-oin atu des-acredita governo AMP, to eleisoens gerais 2012. Ho estrategia ida ne’e fo vantagem ba Dr.Mari Alkateri come back to power liu hussi FRETILIN.

Chuck Noris Balibar mesmo ke mate iha atentado dia 11/02/08, la iha possibilidade atu halo eleisaun antecipada. Tamba AMP bele indigita fali nia substituto.Claro ke figura karismatica hanesab Chuck Noris Balibar la iha ona, bele enfraquece barak reputasaun AMP nian ba eleisaun legislativa 2012 i Dr.Mari Alkatiri bele hetan fali ossan mean nebe nia lakon – fatin Primeiro Ministro liu hussi FRETILIN ba eleisaun 2012.

Iha teoria seluk dehan atu sandra PR
Analistas balu hussi media Australia no UN dehan katak intensaun Major Alfredo ba assalto Ramos Horta nia uma atu sandra Presidente da Republica atu resolve sira nia problema la-lais. Tamba sira hein tempo naruk ona, i sira nia paciencia mos esgota ona.
Contudo iha mos versaun seluk, dehan katak, atu fo pressaun ba Presidente da Republica atu declara ba eleisaun antecipada atu satisfaz Dr.Mari Alkatiri nia exigencia.

Rastos do passado do Dr. Mari

Ita hotu-hotu hatene, katak resultado eleisaun legislativa 2006, FRETILIN hetan 29%. Tun makas hussi 57% eleisaun 2001. diferensa de 28% significa katak votantes barak maka lakon simpatia ba lgoverno nebe Dr. Mari Alkatiri lidera durante tinan 5 nia laran;
Governasaun FRETILIN durante tinan 5, practicamente familiares Dr.Mari Alkatiri maka absorve todos os beneficios da FRETILIN ho sira nia amigos;

Assistencia ba veteranos, faluk, oan kiak, mutilados da guerra, grupo vulneraveis; durante governasaun Dr.Mari Alkatiri; la iha evidencias ida atu prova; katak Dr. Mari Alkatiri iha preokupasaun seria ba terus nain sira.

Saída maka ita assiste, perseguisaun ba Grupo CPD RDTL; Grupo FRETILIN Mudansa; Komandante L7; loke konflitos ho Xanana; partidos de oposisaun,hirarquia da Igreja no comunidade internaciona, ikus liu fabrica crise hodi fahe kilat ba grupos civis iha Maio 2006 .

l. Historia Dr. Mari Alkatiri durante tinan 5, nakuno ho deit conflitos de varias ordens, de forma atu konsolida nia poder, inflelizmente Dr. Mari Alkatiri la konssegue atinge nia objectivos traçados, mesmos ke usa forssa de armas.nebe fahe kilat ba civis.
Caso mais flagrante ba Dr.Mari Alkatiri nia resignasaun maka relaciona ho distribuisaun de armas ba grupos civis, iha Maio 2006, ho dupla missaun:

2. Atu reforssa Dr. Mari Alkatiri nia re-eleisaun ba Secretario Geral iha II Congresso da FRETILIN, hodi marginaliza candidato Grupo Mudansa, liu hussi eleisaun foti liman;

3. Preparativos de terroress ba eleisaun legislativa 2007, atu Dr.Mari Alkatiri kaer nafatin pasta de Primeiro Ministro tó 2012.

Dr. Mari Alkatiri nia afrmasaun por ironia ka cinismos dala barak nia soe piadas hanesan :” Nia atu ukun tinan 50 no leaun toba keta bok, hau maka treinador, komandate da equipa, jogador etc” iha konotasaun ba fundamento hirak nebe nia iha certeza atu atinge, por vias violentos ou criminais, nebe Dr.Mari Alkatiri aprende experiencias barak iha Africa. Historia mos regista katak países Africanos no medio Oriente maka conflitos armados no golpes no kontra golpes do estado mossu bei-beik. Dr. Mari nia encyclopedia de literatura nakuno ho sasan hirak ne’e. Ita bele dehan iha eskola completa no perito ba materia ida ne’e .

Beneficios versus Custos da eleisaun antecipada
Finalidde eleisaun antecippada ne’e, nia beneficios ba instituisaun FRETILIN ka apenas ba Dr, Mari ho nia grupo nebe lakon kadeiras hanesan Ministros (as)?
Ba interesses gerais, provas no evidencias hatudo ona katak lae, durante Mari nia governasau tinan 5 quadros no militantes sira, hetan deit promessas falsas. Compromisso eleitoral de 2001, sai “lian mamuk “ (omoong kosong) hanesan Primeiro Ministro no Secretario Geral da FRETILIN. Confrontasoens no conflitos maka Dr. Mari halo no hassoru iha Partido nia laran, no adversarios politicos iha liur. FRETILIN lakon tiha nia significado colectivo, tranforma fali, pura i simplesmente asset particular de Dr. Mari Alkatiri ho tabeles sira hodi forma , Companhia Maputo Pty.ltd.

Beneficios – Ba Dr. Mari Alkatiri, entre varios beneficios, mais importantes maka tuir mai ne’e:
IDP sira nia problema atu fila ba sira nia uma, actual governo sei dauk resolve; embora iha ona plano atu executa; bele sai base, atu hatung governo AMP;
Peticionarios sira nia problema mos sei dauk resolve, embora esforsos halao ona;
Demora da execusaun IDP’s sira nia kasu ho Peticionarios sira nia kasu + Alfredo tuir Dr.Mari Alkatiri nia teoria, demonstra incapacidade do governo de Xanana;
Insistencia constante no permanente ba eleisaun antecipada, Dr.Mari Alkatiri hatudo ba votantes FRETILIN katak, nia preokupa duni atu FRETILIN kaer fali poder, hodi nune’e, nia influencia hanesan Secretario Geral labele reduz, embora ho duas derrotas vergonhosas ida ba eleisaun Presidencial no ida seluk ba legislativa;
Dr.Mari Alkatiri nia preocupasaun ba eleisaun antecipada hanesan mascara ida atu taka moe ba nia oin, tamba nia lideransa autoritaria, ditadaor no facista maka halo FRETILIN lakon;
Quanto mais cedo konssegue realiza eleisaun antecipada, Dr.Mari nia credit point automaticamente aumenta makas, ho nia lakaios (as) sira nebe balu iha Parlamento i balu iha CCF;

Factor tempo, imperativo ba Dr.Mari Alkatiri. Quanto mais demorra AMP nia sucesso aumenta, votantes sira hussi FRETILIN haluhan completamente Dr.Mari;
Dr.Mari ho nia colegas ex-ministros, ex-secretarios do , saudades, tamba hamalah poder no privilegios nebe, nunca espera atu lakon iha eleisaun 2007;

Mari ho nia belum sira gananciosos atu kaer ukun fila fali;
Seismic study hussi Companhia Petrolifica ENI detecta ona potencia de gas no petroleo iha areas JDPA ho potencia hanesan Greater Sunrise. Noticias diak hirak ne’e halo Dr.Mari nia fuan no laran nakadoko. Tamba Dr.Mari maka autoriza no assina licensa de explorasaun ba fatin 11 iha Maio 2006.

Beneficios mais importante de tudo, maka Dr.Mari ho Dr.Teixeira, luta até ultima gota de sangue atu assegura kontrole ba explorasaun de recurssos petroleo no gas iha Timor Gap. Valores financeiros hussi Timor Gap, iha espekulasaun cerca de 500 billioens de dollares.;
Eleisaun antecipada hanesan “excuse ka argumento” atu dada tempo atu labele halo Congresso Extra-ordinario hodi hasai Dr. Mari hussi cargo do Secretario Geral iha tempo badak Pois uma vez Dr,Mari lakong ona cargo do Secretario Geral, folin laek ona.

Custos:

Hau la hatene, eleisaun antecipada nia custos, Dr. Mari Alkatiri toma ona iha considerasaun ka lae. Americanos sira dehan “ the evils are in details” dehan katak diabos sira iha pormenores sira nebe ita nia raciocinio la conssegue atinge. Hau nia analise, eleisau antecipada nebe Dr. Mari tanto teima, baseia deit ba emosaun. Dr.Alkatiri dala ida tan, ou pela ultima tentativa hatudo nia arrogancia no vaidade extrema usa FRETILIN nia Historia au descarga nia frustrasaun de derrota hassoru Xanana.

Iha crise nebe acontece, Timor oan barak lakon sasan no vidas. Dr.Mari ho nia belum sira, sei dauk consciente ba prejuíjos nebe ema inocentes sira sofre consequencias amargas ba politicos sira nia ambisoens hodi hadau malu poder.
Dr.Mar.” ita bot garante katak eleisaun antecipada la iha riscos de confrontasoens violentos nebe bele causa vidas ruma lakon?’ Vidas hirak nebe lakon iha ita bot nia governasaun, ita bot fasse liman tiha tau todan fali ba ema seluk, (caso Rogerio Lobato).

Será ke Timor oan sira nia vida la iha valor, ita bot usa konforme hakarak, hanesan instrumento de uso, de gozo ba ita bot nia belo prazer em qualuer momento? Ita bot ema ida jurista hussi Universidade Eduardo Monlane (la hatene altura neba iha Kualidade) hatene i decor leis nebe iha Constituisaun, ita bot rasik maka halo nia feitura. Tan sa maka ita bot la hatama protesto da ilegalidade decisaun Presidente da Republica ba Tribunal de Recursso?
Ita bot la hatama protesto ba Tribunal de Recursso, tamba ita bot hatene nanis, katak resposta hussi Tribunal de Recursso, dehan katak decisaun Presidente da Republica entrega poder executivo ba lider AMP – Constitucional, katak obedece regras ka artigos nebe iha Constituisaun nia laran.”

Iha rumores ba demosntrasoens bot, nebe Dr.Mari fo naran “marcha de paz”. Inacio Morreira ho nia colega deputado ida, ba Baucau atu organiza massa atu mai demostrasaun iha Dili. Baihira participante ida hussu: “se maka responsabiliza se ema ruma mate”. Eng. Inacio ho nia kolega la responde pergunta ne’e, i mobilizasaun ba demostrasaun parado tó agora.
Iha elesaun Junho de 2007,mesmo FRETILIN kaer governo, usa maquina do governo hussi estruturas centrais to aldeias, mobiliza Ministros, Secreatrios do Estado, Administradores dos Distritos, Administradores dos sub-Distritos, Chefes dos Sucos + Aldeias, facilidades do governo hanesan, viaturas, combustiveis, telefones, fundos de $ 2 hamos estradas, fundo de seguransa alimentar, fundo de comunidade, ho valor de miloens de dolares, fahe motorizadas ba chefes dos sucos, buat hirak ne’e hotu Dr.Mari Alkatiri hetan deit 28% de votos. Hau iha duvidas bot Dr. Mari nia expectativa atu hetan percentagen de votos as liu 28% se realiza duni eleisaun antecipada iha tempo badak.

Buat ida hau lembra ba Dr. Mari Alkatiri, sei dauk regista iha Historia, partido politico nebe lakon iha eleisaun, tuir mai manang fali kedas. So se Dr. Mari Alkatiri halo milagre.
Dr. Mari Alkatiri lakon tiha ona simpatia ba ema barak. Oin sa, fila ema nia laran no hanoin iha tempo badak nia laran vota ba Dr. Mari liu hussi FRETILIN?
Probabilidade eleisaun antecipada maka “ manang ou lakon”. Dr. Mari ema ida ho caracter estranho, hakarark manang deit. Mesmo foin dadauk ne’e FRETILIN manang iha Distritos 4, nia bosok ba militantes sira FRETILIN manang, Ramos Horta maka viola Constituisaun entrega poder ba Xanana.

Se karik manag, kapaz no furak. Parabens ba Dr. Mari Companhia limitada tamba halo buat ida extra-ordinario nebe sei regista ha Historia. Se por acaso lakon at liu ho percentagem kiik liu, responsabilidade Dr. Mari berani assume perante FRETILIN?
Hau menciona kaso ne’e tamba retiro iha Olarua (Same) Dr. Mari fo fali kulpa ba quadros do Partido sira nia activismo la makas iha base maka FRETILIN lakon.
Retiro significa katak hadok an hussi actividades de rotina ba fatin ida hakmatek atu halo exame de consciencia, atu hare ba kotuk, liu-liu buat la diak nebe halo tiha ona, hodi nune’e ba futuro la bele repete fila fali. Momento ne’e, maka halo paz ba malu, perdoa malu atu halakon conflitos ka contradisoens nebe iha organizasaun nia laran.
O que devia Dr.Mari halo iha reuniaun retiro neba, hussu ba kuadros sira: “ hau Mari Alkatiri halo saída ladiak iha lideransa quer iha Partdino no Governo maka FRETILIN nia votos tun makas”? Será ke hau Mari Alkatiri nia presensa ba lideransa sei relevante ka la relevante ona? Ohin ba oin...
Lidiresaun Partidos politicos iha fatin nebe deit, kuando concorre ba eleisaun, maka lakon, dirigente (s) do Partido, consciente mesak, hodi resigna an deit tamba la hetan sucesso, ker dizer, lakon atu kaer poder hodi ukun periodo ida tan. Exemplo Jhon Haward depois de rona hussi orgauns de informasaun nia lakon, depois de algumas horas nia congratula kedas vitoria Kevin Rudd no anuncia kedas nia resignasaun hanesan lider do Partido Liberal.
Tony Blair hanesan Primeiro Ministro Inglterra, sente katak nia figura la relevante ona ba eleitores sira, tinan ida antes da eleisaun nia resigna an hussi Primeiro Ministro hodi fo fatin ba
Gordon Brown hanesan nia sucessor atu nune’e assegura simpatizntes no militantes sira nia simpatia ba Partido Trabalhista ba eleisaun tuir ma atu bele manang.
Infelizmente regra ida ne’e la aplica ba Dr. Mari Alkatiri.Hau la comprende tan sa maka Dr.Mari Alkatiri sei dauk hussu nia resignasaun ? Hein tan saída? Atitude ida ne’e, demonstra mo-mos katak FRETILIN hanesan fali empresa privada Dr. Mari Alkatiri nian. Na realidade labele no nunca bele privatiza FRETILIN ba entidade pessoal ou sociedade anonima.
Mari Alkatiri nia reputasaun monu makas iha 2º Congresso nebe, halo manipulasoens no manobras foer barak. Eleisaun foti liman maka kausa derrota ba Mari Alkatiri tamba viola principios democraticos da FRETILIN. Altura neba maka halao transisaun da lideransa por via pacifica no democratica, crise mos la mossu, devisionism entre grupo Maputo ho Mudansa, resolve, militantes da FRETILIN la fahe malu, CNRT ho, UoNDERTIM la mossu, i FRETILIN manang nafatin iha eleisaun Junho de 2007.

Hau espera katak Dr. Mari Alkatiri bele aprende ona lisoens diak ruma kona ba nia derrota asneiras no falhansos barak nebe nia komete consciente ou inconscintemente.
Se eleisaun antecipada maka la mossu, bele iha probabilidades ba Prisaun Antecipada. Lei de Clemencia chumba tiha ona iha Parlamento. De momento para outro loke foun fali file da crise i se karik caso de 11 de Fevereiro iha implicasaun ho influencia de politicos ba atentado de assasinato, entaun maka Timor oan tomak, bele hare mo-mos, author da crise no author do atentado.

Hare tuir logica tuir metodo dedusaun ka indusaun, ita hare hetan ker crise no atentado iha motivos politicos. Como ita nia lei, exige, atu suporta ho evidencias, maka sei lori tempo atu prova. Nune’e duni, tempo mais tarde sei dehan ba publico “ lia los”
Hipoteses da eleisaun Antecipada
Se ita admite katak iha eleisaun antecipada iha Março 2009 tuir Dr, Mari nia teimosia (embora ita hatnene sei la acontece) key messages, saída maka Dr Mari Alkatiri atu ható ba votantes sira atu hametin sira nia decisaun atu vota ba Dr.Mari liu hussi FRETILIN?

Hussi AMP, halo buat 5 importante ke Dr Mari dificil atu konvence vontantes.
Ø Programa pensaun ba veteranos sira nebe simu ona assistencia ruma ba dedikasaun ba luta de libertasaun;
Ø Assistencia financeira ba 3ª idade sira, embora la barak mas simu duni buat ruma;
Ø Lei dos funcionarios publicos, nebe Dr.Ana Pessoa vigora fo desvantagens barak ba sira nebe iha kualifikasaun literaria ki’ik hodi hatun sira nia level; i actual governo hadia hodi la hatun sira nia level;
Ø Programa atu haruka jovens desempregados ba estrangeiro atu hetan servissos no adquire skills;
Ø Allokasaun do orsamento ona atu IDP’s sira fila ba sira nia uma. Hau sente tó Março 2009, hetan ona solusaun definitive ou parcial.

Resultados da eleisaun 2007, CNRT hetan 24 % tamba Xanana nia figura Historica. FRETILIN nia votos menos tamba figura arrogante Dr.Mari Alkatiri, kondiciona ho miss-management a nivel do governo no partido. Skandalos barak maka halo no KKN maka acontece. Buat kiik no buat soma hamutuk maka militantes FRETILIN sira descontentes hodi la vota ba FRETILIN no sentido atu bloqueia Mari no nia grupo Maputo ukun Povo no rai Timor Leste ba sira nia conveniencia pessoal.

Eleitores Timor oan sira matenek. Labele kompara ho sira nebe kamaradas sira iha experiencias 24 anos iha Africa. Tamba lori referencia hussi Africa mai, maka oras ne’e rungu-rangan bot iha ita nia rain i oras ne’e kamaradas sira deslokados dos poderes no hetan frustrasaun no desesperos bot.

Essencia, substancia no qualidade materias no programas, associados ho dedikasaun ba luta de libertasaun maka bele assegura eleitores sira nia votos. Profil no reputasaun Dr.Mari ho nia kamaradas sira ministros (as) durante tinan 5 la satisfaz o minimo expectativas militantes da FRETILIN. Oin sa sira posisiona sira nia influencia ba eleitores sira atu hetan confiansa de votos?
Meios nebe recorre, sei baseia ba promessas, halo ida ne’e no ida neba ho numero ka valores bot liu hussi AMP. Povo iha ona experiencia tinan 5 kotuk, neon no matan, nakaloke ona. Hau iha certeza maxima ke la fiar ona. Costuma dehan: “ bosok dala ida bele tolera hodi fiar, tamba sei dauk hatene, mai be, pela 2ª vez lalika mehi boy. Ita bot ba pasiar lai iha fulan.

Conclusaun:

Atentado de 11-02-08 fo surpresa ba ema barak,liu-liu ba suporters no simpatizantes Alfredo. Ema barak la fiar katak Alfredo Reinaldo bele halo atentado de assinato ba Presidente da Republica;
Iha espekulasoens oi-oin no target oi-oin ba assaun de atentado de assasinatu, ho influencia externa;
Exactidaun de fundamento principal atentado nian, ita hotu hein, resultados de investigasaun nebe sei fo sai ho evidencias hussi orgaun competente iha tempo badak. Será ke Alfredo hetan influencia externa ka lae. Ita hotu hein!?......
Eleisaun antecipada parece hanesan “mimping di saing bolong” deit. Hanesan mehi atu ukun tinan 50.

Vicente Mau-Bocy – Observador Politico

Nb: Artigo ne´e FH foti husi STL,edisaun (29/02),pag/hal.5
http://www.suaratimorlorosae.com/details.php?id=12015&now=2008-02-29