FULAN HAT (4) IV GOVERNO CONSTITUCIONAL (II)

II. Orientasaun IV Governo Konstitucional (IV GK)

A. Krescimentu Ekonomika

1. Agrikultura

a) Transformasaun husi Agrikultura nebe «auto sustentaveii» ba agrikultura nebe «Produs ba merkado». Tamba kuase 80% populasaun Timor oan ninia moris husi agrukultura. Neduni IV GC ninia programa mos fo valoriza ba produsaun iha «sektor agricultura» tamba produtos barak nebe maka Timor bele produs hodi konsome barak liu maka «importa» husi liur, hanesan: Foz, sasan nebe maka ita bele produz mesak maibe tenke hola fali husi liur. Iha ne´e papel estado nian maka, buka oinsa maka bele hasae produsaun ninia «Qualidade no Quantidade(QQ)». Iha ne´e estado buka fo hanesan «subsídios» ba agricultores atu oinsa maka hasae sira nia QQ produsaun. Subsídios liu husi loke credito ba agricultores sira, atu bele tulun hasae sira nia produsaun iha QQ.

b) Especializasaun ba produsaun

Iha mos programa IV GC, foka mos ba especialisazaun ba produsaun, iha ne´e hare husi kondisaun klimatika no geografika. Rai sira iha fehan ka besik tasi,sira produs sasan nebe rai sira iha besik ba foho ka kondisaun klimatika ne´e malirin. Iha ne´e especializasaun ne´e importante, fatin nebe maka produs foz ho batar maibe labele produz sasan seluk hanesan: Kotu, fehuk, talas, modo, no sst.

c) Diversifikasaun ba produsaun

Diviersifikasaun ba produsaun,ita nia rai bokor,neduni iha tos ida bele kuda batar mos bele kuda mos sasan seluk anexan: Fore, forai, aifarina, no sst.

Participasaun estado nian,alem suporte husi subsidios mos kria tipo anexan Dolog ka cooperativa hodi ba hola sasan nebe maka agricultor sira produs. Ikus liu maka maka distribui ba merkado.

2. Peskas

Rai Timor ne´e rai nebe moris ho tasi maka hadulas,neduni vokasaun atu produs mos iha sector peska ne´e importante. Produs peska laos ba komsome interna Maite mos bele hasae kapacidade ba produs iha quantidade atu nune bele exporta mos ba merkado liur.

3. Rekursus naturais

Buat rekursus naurais ka buat riku soin rai nian ne´e sasan ba hotu nian ka «Bem público», neduni Governo la bele «Partidariza» sektor ida ne´e, sira nebe maka tau atu kaer iha sektor ida ne´e tenke kumpri kriterius: Kompetencia teknika no profissionalismo iha serviço. Laos hanesan Governo Eis-PM Mari Alkatiri no Fretilin buka «partidariza» sekor rekursos naturais.

Mos iha programa IV GC atu kolabora ho Universidade hodi halo estudo no investigasaun konaba impaktos positivos no dependencia ekonomia nacional ba sektor rekursos naturais. IV GC fo hanesan konsiderasaun ba estudos no investigasaun ba Universidade atu halo estudo no buka solusaun hodi fo rekomendasaun ba estado, kontrario ho Governo Mari Alkatiri/Fretilin nebe miniza instituisaun Universitário Timor nian hodi hasae probaganda katak «Mesak Supermi deit».

4. Politika Energetika

Iha mos programas IV GC nian fo mos periudade iha politika energetika, nebe fo hanesan mos periudade ba «energia renováveis (ER)», tamba energia nebe ho base ba «Mina rai» ne´e ninia kapacidade ne´e laos liu tinan ba tinan maibe to´o biban ida nia sei hotu. Aposta iha ER tamba iha ninia impaktu maka ne´e: a) Produs energia hídricas ninia vantagem bele respeitu ba meio ambiente; b) ekonomika liu, gasta witoan witoan waihira energia nebe produs ho base «Mina rai». Maibe konaba impaktu ba produsaun ER ne´e estado buka kooperasaun Insituisaun seluk hanesan: Universidades nebe iha especialidade konaba estudo ida ne´e, mos envolve sociedade civil hanean: Ambientalista ka ecologista sira.

5. Comercio no Industria

Iha programa IV GC mos fo hanesan periudade ba krecimento ekonomika iha sektores «Komercio ho Industria», tamba sektores sira ne´e maka bele kria riku no soin, bele loke servisu fatin,

halao servisu ba sociedade.

6. Investimentu Privados (IPs)

Atu desenvolve didiak ita nian rain,Governo mos aposta iha oinsa maka «incenivo»investimentu privados, tamba sektor privados maka bele tulun estado hodi alkansa objektivu Governo ba «krescimentu ekonomika». Maibe estado mos buka kria legsilasaun konaba oinsa maka bele «dada investimentu privados». Investimentu privados iha bele nasional no estrangeiro. IPs mos fo tulun ba hasae produsaun iha sektores:agriculturas, peskas, industria, Komerncio, no sst. I

B. Reforma Gestão ba estado nian

Oinsa maka hatun despesas ba sektor publika

Estado buka hatun despesa ka gasta barak liu orçamento ba iha sektor publiku ka funcionário publiku, buka iha disciplina iha gestão konaba orçamentos ba sektor ida ne´e. Waihira hatun ona despesas iha sektor ida ne´e hodi fo hanesan prioridade ba sektor seluk, hanesan sektor krescimento ekonomika. Iha fini ida maka ita simu husi «herança» Indonésia nian maka ne´e: Funcionário publika maka sai hanesan sektor nebe fornece liu posto servisu fatin, hanoin ida ne´e ladun los. Iha ne´e Estado buka oinsa maka hatun ka reduz Funcionário publika iha ninia quantidade maibe buka hasae qualidade.

Hasae produtividade iha serviço publiku

Gestão ba estado nian buka iha prudutividade, iha refere ba ninia qualidade ba servisu. Atu hasae produtividade servisu iha administrasaun publika,buka mos hasae kualidade agentes estado nian, liu husi kapitasaun ba funcionários sira liu husi formasaun tuir ida-idak nia áreas ka departementos. Bele halo formasaun iha laran (Timor) mos bele halo iha liur (cooperação bilateral). Klaro implika kustus Orçamentais. Ba laran, Estado buka gasta osan witoan hudi departamento ida-idak hodi hasae financia formasaun ba agentes estados ka funcionários publiku sira. Mos dalan seluk, liu husi kooperasaun bilaterais nebe maka Governo RDTL estabelece ho estado seluk atu nune bele fornece nafatin formasaun ba agentes estado Timor nian.

Atu nune bele koalia konaba Gestão Estado nian nebe hakarak Administrasaun Publika nebe efikas no eficiente. Waihira efikas no eficiente hafoin bele hetan Administrasaun publika lao diak no bele fo garante ba desenvolvimentu ekonomika.

C. Kualifikasaun Juventude no desenvolvimentu Rekursos Humanos Nasionais

Edukasaun; Formasaun Profissional i emprego; Arte no kultura; Desporto;

A) Edukasaun

Sektor ida ne´e importante tebe,periudade ba IV GC iha sektor edukasaun, rai ida atu lao ba oin ka ba kotuk sektor ida ne´e importante tebes. Hare husi periudade ba Departemento edukasaun nian.

Edukasaun basika, hahu ona hatama iha kurikulum estudo «eskola karaik (EK) ka basika» ho lian Tétum. Razaun ba Governo katak rendimentu eskolar estudantes sira nian monu liu waihira sira apreende ho lian emar seluk nian,hanesan Português ka Inglês, neduni Lian Português ka Inglês introdus iha eskola EK hanean lian rai liur nian (Língua estrangeiros, red). Iha problematika lian ne´e, hatudu katak IV GC ninia politika ba edukasaun ba populasaun Timor tomak Laos halo politika ba «Grupos minoria ka elites sira nia oan deit», tamba elites Timor oan sira maka sira nia oan iha acesso ba «eskola Português no Inglês» maibe Laos populasaun Timor tomak. Estuda ninia servisu ba cidadaun tomak ka estado halao servisu publiku Laos servisu ba grupo minoria iha sociedade. Neduni politika edukasaun ba emar hotu, lian sai hanean bareira ka satan bot ba «sucesso escolar» aluno ka estudante sira nian.

2. Iha eskola segundario ka SMU, buka fahe ba ramu rua (2): ida; ramo nebe prepara estudante ba Universidade ka politécnica; rua; prepara aluno ba formasaun profissional, nebe forma ema ba servisu k aba merkado servisu nian.

3. Politiak Ensino Superior, buka fahe ba rua (2): Ida; Universidade, iha buka iha regras ba Universidades, kriteirus saída maka bele aplika ba funcionamentus Universidades, buka kumpri kondisooins hanean: kapital social; kapital Financeira; infra-estruturas; investigasaun cientifika, no sst. Buka iha legislasaun ka Lei konaba Ensino Superior. Rua (2); Politécnica, Ensino intermédio ne´e mos importante, maske iha programa IV GC la foka ba pontu ida ne´e,tamba Eskola Politeknika hanorin ho ninia vokasaun orienta ba servisu iha pratika, hanorin barak ho pratika no menos iha avaliasaun teorika, ninia durasaun tinan tolu, tinan rua kurikular no tinan ida estagio no elabora projekto.

B) Formasaun Profissional i Emprego

Lian bot nebe maka Governo hetan ka hasoru maka ne´e, relasaun husi servisu fatin la iha áas tebes (Taxa desemprego alta, red) 80 %, tamba kasu ne´e afekta liu klosan sira besik ba 60%, tamba taxa desemprego ne´e iha relasaun direkta ka indirektamente ho «seguransa no estabilidade». Waihira emar barak la iha servisu bele kria problema barak ba seguransa, desenvolvimento no progresso. Oinsa maka Estado bele hamenus problema desempreprego

C) Arte i Kultura

Objektivu IV GC nian iha sektor kultural ne´e klaro los (Hare: Programa IV Governo Constitucional, p.45). Iha ne´e kultural ninia funsaun ne´e bele oi-oin: hanesan valores nebe maka representa ba sentimentu no valores povo ida nian,hanesan identidade nasional nebe nudar faktor nebe maka hametin Unidade nasiona no defini konceitu estado nasaun. Neduni papel ka peranan estado nian maka promove halekar valores kulturais nebe Rai Timor LoroSae riku iha ninia diversidade etno-longistiku. Atu nune kontribuio ba hametin undade nasional, konsilidasaun ba paz no hodi hametein ita nia estado nasaun. Iha programa IV GC nian mos foka ba iha investigasaun kultural no komunikasaun kultural.

D) Desporto

Desporto hola parte importante ba iha Programa IV GC nian, tamba hare didiak ema Timor gosta desporta ka pratika desporto. Desporto ka olah raga ne´e diak ba exercício fisiko no mente. Orientasaun Governo nian oinsa maka desporto ne´e bele pratika iha sociedade no harii no biban ba sektor ida ne´e. Nível pratika deporto ka olah raga ne´e tenke ba rua (2): Desporto Profissional no desporto Amadores ka amatir.

D. Solidariedade, Saúde o Protesaun Social

A) Saúde

Saúde ka kesehatan Laos deit ninia definisaun katak “Moras la iha (Ausência da doença) ”, maibe oinsa maka bele trasa plano hodi prevenir ka mencegah.

Neduni Governo buka iha estratégia no plano konaba Saúde iha tinan lima (5), saída maka sai hanesan target ba IV GC.

Plano aksaun maka hanesan tuir mai ne´e:

1. Kontinua fo asistensia saude nebe acessivel, gratuita no qualidade ba povo tomak seim deskriminasaun gender, rasa, etnika, religiaun, status sosial no seluk tan;
2. Assegura funsaun Governu atu defini, regula, executa no conduz desenvolvmento sector saude ho partisipasaun husi sociadade civil, igreja catholica, sector privada no populasun tomak.
3. Kria multidisciplinary governmental body atu revé fali sistema suade nasional nian para atu bele servi populasaun diak liu tan.
4. Hadi’a no aumenta kapasidade gestaun serviço saúde nian hahu husi nivel Ministeriu i ba to’o Postos sanitario sira iha nivel suco.
5. Reforsa no aumenta qualidade serviços cuidado primarios (Primary Health Care) nebe oferese ba komunidade liu husi Centros de Saúde iha distritus no sub-distritus, no Postos Sanitariu no klinika moveis iha iha suco ho area isolado, no mos iha klinikas privadas iha Timor laran tomak.
6. Reforsa serviço saúde pública hodi hamenus moras (doensas) endemicas hanesan TB, Malaria, Dengue, HIV/AIDS, Lepra, malnutrisaun no moras sira seluk tan.
7. Aumenta assessu no qualidade serviço saude materna-infantil
Hadia nutrisaun inan ho labarik sira nian ho seguransa ai-han ba ema hotu;
8. Garante saude ambiental ida nebe diak liu husi assessu ba be mos, no saneamento ba populasaun tomak.
9. Hasa’e kualidade servisu hospitalar nian liu hosi hadi’a (upgrade) Hospital Nasional Guido Valadares Dili, no hospitais referensia hanesan Baucau, Maubisse, Maliana, Oekusse no Suai em termus de serviços (pelayanan), rekursus humanus, no infrastruktura para bele fo assistanecia cuidados secundarios no tersiario
10. Aumenta kapasidade teknika no gestaun ba pessoal saúde hotu atu bele fo asistencia saúde nebe ho qualidade liu husi treinamento no formasaun formal. Formasaun formal sei halo atraves reforsa ensino superior iha area saude nian nebe iha akreditasauan. Liliu aposta nafatin Formasaun Medicina Iha Cuba no rai seluk, hanesan Austrália,Indonésia,Portugal, no sst.
11. Estado buka fo bolsa de estudus ba ba iha área investigasaun Cientifika iha sektor saúde nian ba Timor oan sira nebe matenek atu hasai kursu area saúde iha rai laran no mos iha rai liur;
12. Reforsa serviço Inspector de Saude atu halo kontrola diak ba qualidade aimoruk, hahan, bebidas atu la bele estraga populasaun nia saude.
13. Kria Centro Peskiza iha area saude atu bele kontribui liu tan ba melhoramento populasaun nia saude.
14. Garante partisipasaun aktiva komunidade iha desenvolvimento area saude nian iha nasaun ida ne’e.

Fo opportunidade ba sector privadas ho oragnisasaun sira caridade (Charity origanisations) nian hodi loke unidades saude privadas (hanesan hospital privadas, clinika privadas, laboratorio privada, radiologia privadas etc) hodi bele loke kampo de trabalho ba pessoal saude no joven sira desempregado ou la hetan servisu iha sistema saude governu nian. Governu sei fo lisensa no kria orgaun ida para bele regula no monitoriza qualidade servisu saude nebe oferese husi unidade saude privadas.

IV GC mos buka kontinua ka halao nafatin projekto Kooperasaun ho Cuba hodi desenvolve iha sektor Saúde, liu husi: Haruka estudante Timor oan ba estuda iha Cuba, husi sorin ida. Husi sorin seluk, Mediku Cubano sira nebe servisu fo tulun ba iha sektor ida ne´e iha Timor.

B) Kombatentes ba Libertasaun Nasional

1. Kria oportunidade atu fo rendimentu (income);
2. Fo ajuda ba oan sira atu bele eskola;
3. Fo assistensia saude gratuito ho tan regalias seluk;
4. Se governu iha possibilidade atu ajuda halo sira nia uma;
5. Fo kondekorasaun ba veteranus;
6. Fo atensaun ba vitima da guerra sira hotu (liman-ain tohar, faluk no oan kiak/orfanato);
7. Sei iha fundo social ida atu tau matan ba ema faluk, ema kbit laek no ema otas tuan no veteranus;
8. Tau matan ba Veteranus, ema faluk no oan kiak sira;
Buka halao tuir saída maka Governo/Estado ninia plano konaba Kombatentes Libertasaun Nasional (nebe hakerek iha Programa do IV GC).

E. Infra-estrutura i hasae qualidade moris ita nia emar nian

A) Habitasaun

Uluk nanain buka iha uluk planu ba urbanismo, hafoin bele halo ka konstroe habitasaun nebe bele tama iha planu habitasaun ka perumahan. Dala uluk oinsa maka Estado buka resolve uluk problema uma sae malu ka uma nebe halo maibe la koresponde ba plano urbanizasaun, por exemplo iha Dili. Buka hakotu ho barakas ka uma sira nebe kria problema ba saúde publika, iha ne´e plano urbanizasaun mos iha ninia korelasaun ho saúde publika.

B) Obras Publika

Obras publika, neé alem de koresponde ba konstrusaun infraestrutura mos bele sai hanesan fonte ba emprego ka servisu fatin no rendimentu ba família sira.

C) Be (H2O), Energia no Saneamento Básica

Be ka H2O ne´e bem ka kebutuhan ida ne´e importante ba ita nudar emar moris no ba ambiente. Tamba be ka H2O ne´e importante tebes neduni buka atu utiliza didiak. Neduni IV GC ninia perioridade mos atu defini legislasaun ka Ukun fuan ruma hodi koalia oinsa maka populasaun bel uja be ne´ho didiak, tamba be ne´e diak ba ita emar moris, ba animal no diak ba meio ambiente.

Ba ita nia ema nia moris, hanesan ba agrikultor sira, be (H2O) ne´e importante tebes ba produtividades, waihira be ka H2O iha hasae produtividade, H2O ladun iha ka rai manas udan la iha sasan nebe kuda la fo fuan, H2O natar la bele halai.

Husi Be ka H2O mos bele kontribu ba desenvolve energia renováveis ka alternativa ba electrecidade, produs be mos, agrikultura no mos desenvolvimento ba sektor turistika.
Buka mos hadia esgota sira nebe iha,se la la hadia, be halai ladiak neduni bele lori moras oi-oin ba komunidade, neduni IV GC buka fokus ba sektor ida ne´e hanesan hola parte ba prevensaun ba moras.

Elektrecidade buka investe iha área ida ne´e, iha ninia tekniku sira,hasae ninia kapacidade ba produsaun.Buka kurigi atu nune Ahi la bele mate bebeik, hodi mosu singkatan sira hanesan “Ahi Mate Permanente (AMP)”, neduni buka muda iha área ida ne´e mos,tamba Ahi mate la oras ne´e bele prejudika ba populasaun nia moris no bem estar, no sst. Se tekniku sira nebe serbisu iha eléctrica maka la iha kompetencia buka troka, se buka formasaun iha área ida ne´e Governo tenke hasae osan witoan, fiar katak Orçamento ba ida ne´e husi Ministério rasik hodi formasaun ba rekursus humanos.

Iha sektor energia, IV GC iha prejekto balun maka ambiciuso, hanesan Projekto Ira lalara, molok atu avansa ho projekto bot hanesan ne´e, uluk nanain Governo buka halo parceria ho tekniku sira nasional no internasional hodi halo estudo konaba ninia impaktu ambiental ka ecologika, impaktu ba desenvolvimento ekonomika, impakto ba risku ba populasaun sira nebe maka moris iha zona nebe, impaktu ba bem star populasaun nian no ninia kontribuisaun ba desenvolvimentu ekonomika.

D) Telekomunikasaun

Iha sektor ida ne´e nahuk ka concorda ho saída maka hakerek iha Programa Governo nian. Maibe iha parte ne´e hakarak hatou tan atu iha legislatura ne´e estado buka atu fo hanesan kbit ba Autoridade nebe maka iha kompetencia ba regula sektor telekomunikasaun. Orgaun nebe maka bele iha kompetencia hodi fiskaliza funcionamento iha Merkado konaba Telekomunikasaun, kumpri Lei komunikasaun nebe estado estabelece ka lae,iha iregularidade iha funcionamento ka lae.

Hanesa banati ba Timor Telekom (TT) ninia hahalok, iha klientes sira barak maka halerik no kesar tamba sira hare TT abuso ba direito konsumidores sira, tamba hasae no hatun tarifa tuir sira nia hakarak, no sst.

E) Transportes

Iha Programa IV GC fo hanesan importante ba sektor transporte, tamba transporte maka bele facilita ba cirkulasaun ba emar, merkadoria no kapital seluk. Waihira estratda la diak, ema la crikula ba mai, kareta la lori sasan ba mai, ekonomia la lao, desnevolvimento la iha no krescimentu ekonomika pior liu. Neduni buka mos hadia ba sektor ida ne´e.

F) Politika konaba Meio Ambiente

Halo politika gestaun ambiente nebe respeita prinsipio fundamental ba desenvolvimentu sustentavel hanesan: inter-generational equity, intra-generational equity, precautionary principle, biodiversity conservation, boa-governasaun, etc)

Proteze no respeitu pratika uju tradisionais ba rekursu naturais husi komunidai ki’ik sira atu nune bele hametin partisipasaun komunal ba protesaun ambiente no gestaun sustentavel ba rekursu naturais.

Introdus “edukasaun ambiental iha kurikulum nasional” nomos hamosu espasu ba edukasaun ambiental ekstra-kurikuler ba adultus sira ka ema la eskola sira. Exemplo: programa telivisaun, edukasaun ambiental nebe movel, teatru edukativu, etc.

Produs lei ambiente nebe importante atu garante desenvolvimentu sustentavel. Lei nebe prioritario maka: a) Lei Ambiente RDTL, b) Lei Analiza Impakto Ambiental, c) Lei gestaun rekursu naturais (rekursu terestrial no marina), d) Lei kontrola polusaun, e) Lei kona ba pratika uju tradisionais no pratika tradisionais ba gestaun ambiente, etc.

Halo aplikasaun ba konvensoens internasionais importante sira nebe iha relasaun ho ambiente, hanesan iha relasaun ho Global Environmental Facility no Clean Development Mecanism nian, atu nune, Timor Leste bele mos iha asesu ba rekursu nebe GEF iha desenvolvimentu no gestaun ambiente iha Timor Leste iha futuru. Konvensoens nebe prioridadi hanesan: UNCCC, UNCBD, UNCCD, UNCLOS no seluk tan.

Hamosu estrutrura ba gestaun ambiente no protesaun ambiente ne’e iha sistema ida nebe iha poder politika nebe todan atu halo intervensaun ka koordenasaun nebe diak atividadi desenvolvimentu iha seitor hotu-hotu.

Hadia no renova fali artigo 19/UNTAET/2000 nian kona ba area protezido no espesies atu mohu sira. Lei ida ne’e tenki refleta nesesidadi Timor Leste nian no sei iha benefisio bot ba ambiente. Dadauk ne’e, lei ne’e declara area protezido 15 kedas maibe seidauk iha ida mak maneja tuir gestaun area protezido nian.

Promove insentivu ba membros komunidadi, kompania ka entidade akademiku sira nebe servisu hodi redus problema ambientais ka halo diak liu kondisoens ambientais iha fatin ruma.
Introdus politika polluter pay atu hapara pratika nebe produs polusaun ba ambiente. Exemplo hamosu sistema retribusaun kona ba lixu no polusaun.

Intensiva liu tan programa re-vegetasaun iha area nebe iha risku ambiental bot nomos area nebe importante ba kaptasaun we nian. Re-vegetasaun ne’e mos sei halo ba regenera ekologiku marina nian hanesan revitaliza fali mangrove (ai parapah) sira no vetegetasaun tasi ibun sira nebe oras ne’e degradado ona.

Introdus sistema taxa ida nebe iha kusta ruma ba renovasaun ka protesaun ambiental nebe iha ligasaun ho importasaun ka transportasaun materias kimikas venenozus, radioaktivu no sira nebe perigo ba ambiente.

Fo insentivu ba peskizadores sira nebe servisu hodi peskiza no halo diak ambiente Timor Leste nian.

E. Promosaun ba igualdade no Toleransia, seguransa interna no reforsa ba demokrasia. Oinsa maka harii sociedade nebe demokratiku, buka iha toleransia, seguransa interna no reforsu ba demokrasia.

Waihira ita koalia no hananu demokrasia maibe ita nia hahalok Laos demokratiku, tamba deit la simu emar seluk hanoin la hanesan ita, ka lian sakat malu ho ita. Waihira ita rasik maka hakerek Ukun Fuan Inan ka Konstituisaun RDTL maibe ita rasik maka la simu ninia interpretasaun, iha hatudu hahalok anti-demokratiku tamba deit la hatene lakon. Tamba iha demokrasia ne´e ninia regra jogo maka ne´e, iha manan no lakon, partido sira nebe bele harii Governo no balun la bele.
Maibe demokrasia Laos limite deit iha eleisaun tinan lima (5) halo dala ida, maibe oinsa maka tau iha pratika moris demokrasia, husi uma laran, husi komunidade no pratika iha instituisuan estado nian.

Demokrasia atu lao diak mos buka iha sistema seguransa nebe diak no sistema judicial nebe independente bele garante ba funcionamento ba instituisaun demokratiku. Seguransa no Justisa maka bele fo hanesan mahon ba moris iha sociedade nebe demokratika. Neduni perioiridade ba IV GC mos buka mos servisu makas ba sektores sira ne´e .

Maibe estado nebe demokratiku, estado nebe respeitu ba toleransia no pluralismo, sistema seguransa no judicial nebe diak, mos buka iha sektor mas media ka komunikasaun social nebe maka independente no hatou lian tatoli nebe livre, independente no pluralista (Hare Programa IV Governo Constitucional ).

F. Defesa Nasiona no Politika Rai Liur nian

Laos tur-tur deit Programa IV GC nian ne´e tau hamutuk politika defesa no politika rai liur nian hamutuk iha kpaitulo ida. Maibe iha razaun ba ida ne´e, nahouk ka concorda ho programa Governo nian, iha ne´e buka defini saída maka konaba ba politika defesa no saída maka konaba politika rai liur (Politica externa, red).

Iha definisaun ba estratégia defesa, maka oinsa maka defesan território no soberania nasional hodi hasoru «amaeaça» mai husi liur, husi sorin ida.

Husi sorin seluk, Politika rai liur ninia definisaun maka bele oi-oin, hanesan: Politika Rai Liur sai hanesan hatutan politika rai laran (Politika interna,red) iha kontextu internasional. Definisaun balun tan dehan, Politika rai liur ne´e hanesan representa interesse nasional.

Iha definisaun balun tuir akademiku sira balun nian katak Politika Rai Liur (Politika Externa, red) ne´e maka Interesse ekonomika, geoestrategika no geopoltika rai ida nian, estrutura konyecimento (ciêntifika, red) no financeira no afirmasaun moral rai ida ka Nasaun ida nian iha mundo.

Neduni iha Programa IV GC hodi tau hamutuk departemento defesa no politika rai liur nian hamutuk ne´e mos hanoin ba sektores sira nebe maka hatou ona ne´e.

hatutan ba parte III ...... »

Lisboa, 16-12-2007
António Ramos Naikoli