Hare husi ninia pontus positivu no negativo. Hare husi analise programa IV Governo Constitucional (IV GC). Hare ba Programa Governo nian, nebe atu kumpri lolos ne´e precisaa tinan sanulu (10), tamba Programa IV GC ne´e programa nebe distino ba interklasse no intersektores: Ida (1); Politika solidariedade social; Rua (2); Politika ba Krescimento ekonomika; Tolu (3); Politika konaba Bem Star; Hat (4); Politika konaba harii Instituisaun Estado demokratiku; Lima (5); Politika ba seguransa, Defesa no Justisa; Nem (6); Politika Rai Liur (Politica externa, red). Hitu (7); Politika Ambiente;Uala (8); Politika edukasaun, kultural no desporto.
Avalia ba Programa IV GC, habadak iha komentariu ne´e fahe ba parte tolu (3): I. Medidas nebe maka IV GC ninia atuasaun ba biban badak (fulan nem ba tina ida ); II. Programa orientasaun IV GC nian. III. Ikus liu Komentariu no aprecisaun kritika ba Programa IV GC ne´e rasik.
I. Medidas iha Biban badak
Biban badak (Curto prazo, red)
Fulan nem ba tinan ida, perioridade Governo AMP nian foka ba iha aspektus sira hanesan mai ne´e: Konstroe fali konfiança cidadaun ka ita nia emar nia fiar ba «imagen» estado nian; Despartidarizar serviço estado nian:auto-estima; problema seguransa; problema deslokadus sira.
1. Governo AMP buka oinsa maka hadia fali imagen estado nian nebe maka kria deskonfiança no devorcio entre cidadaun ho instituisaun estado nian nebe iha I Governo Constitucional –III GC buka partidariza liu husi domina aparelu estado nian.
2. Despartidariza serviço estado nian. Iha Programa IV GC nian fo mos periodade oinsa maka despartidariza instrumentu estado nian. Hare iha Governo MA/Fretilin buka kolaka militante ka simpatizantes Fretilin maka kaer instituisaun estado nian. Ho objektivu oinsa maka bele domina makuina poder, tamba se tuir experiência iha Angola, Mozambique no rai Akfrika sira seluk, Partido sira nebe maka governa sira maka manda iha estado no serviço estado nian favor ba partido governo.
3. AUTO-Estima; Timor oan ladun fiar nia ann ka buat nebe ninian. Waihira ema seluk lori sira nia influencia mai ita monu kedan tamba la iha auto estima, neduni iha porgama IV GC fo mos hanesan periudade ba auto-estima ba ita nia emar nian.
4. Problema segurança iha Dili no territoriu nacional sai hanesan mos pontus periudade ba IV GC. Seguransa iha maka hafoin aksaun Governo nian lao, neduni periudade ba seguransa neé importante iha biban badak ba Governo AMP. Seguransa nasional nebe tuir definisaun K-RDTL nian katak “Seguransa hodi fo mahon ba emar tomak», oinsa maka ita nia emar bele moris hakmatek, waihira moris hakmetik sira bele ba halao servisu ka halo natar no halo tos. Seguransa maka sai hanesan pontu partida ba processo desenvolvimentu, waihira rai ida la iha seguransa, instável no «ameça latento» konaba seguransa, iha biban nebe deit bele hamosu fila konflitus. Husi definisaun makro «Estado maka monopoli» kestau seguransa.
Maibe buka mos defini oinsa maka seguransa mos responsabilidade ba cidadaun ida-idak, seguransa husi uma laran maka sai ba liur, iha bairo, iha aldeia, iha suku, hafoin seguransa iha dimensaun bot Nasaun nian. Atu koalia seguransa iha família no sociedade, oinsa maka família bele iha seguransa? Familia iha seguransa, família ne´e ninia necessidade básicas la falta, hanesan: Aihan lor-loron nian atu bele fo han ho hemu ba família. Familia ida atu iha aihan lor-loron buka iha servisu hodi hetan osan ba hola aihan lor-loron nian. Servisu iha ne´e bele servisu ba estado (Funcionários Público, red), servisu kaer tos ho natar (Agricultor, red) sira. Neduni estado buka hare didiak lia hun seguransa nian, ninia hun no abut mai husi nebe?
5. Problema Peticionarius nian mos sai hanesan periudade ba IV GC. Buka resolve problema hudi ke husi lia nia hun no abut, Laos ba tesi deit iha nia dikin, se tesi nia dikin abut sei moris fali. Maibe hare husi programa Governo nian atu resolve problema ne´e ho base ba «Rekomendasaun Komisaun Notáveis (RKN) nian», maibe la hatene servisu RKN nian husi parte sira nebe envolve iha KPM ne´e simu ka lae? Sira (RKN) ne´e independente duni ka lae sira nia servisu? Problema maka ne´e KN (Komisaun Notáveis ) ne´e Governo Eis-PM Mari Alkatiri maka harii, nebe envolve mos Gabinete Krise (GK) nebe harii hodi hatan ba KPM ka resolve problema F-FDTL Petisaun nian. Neduni «Independência no Konstitucionalidade» RKN nian ne´e sei iha duvida barak.
Maibe IV GC labele hakat liu problema ida ne´e, tamba Problema F-FDTL Peticionários ne´e importante atu resolve iha biban badak, maske mosu deklarasaun sira hanesan ikus-ikus husi PM Xanana Gusmão ho Prezidente Republika (PR) Ramos Horta, maibe Estado tenke sério foti medidas ba resolve problema ida ne´e. Tamba hare dadaun deklarasaun PM ho PR nian konaba kasu F-FDTL Peticionários no Maijor Alfredo Reinado (MAR) ladun hetan tulun konsensu husi Partido sira nebe maka suporta ba IV GC ka AMP. Dala ruma PM ho PR sei iha hanoin ida katak sira maka maun bot, neduni sai ida maka sira dehan no hanoin ne´e sira seluk tolan deit no halo tuir deit sa. Se hanoin hanesan, maun sira sala ona (Parte ida ne´e sei hakerek iha III konaba komentariu no apreciasaun kritika).
6. Problema Maijor Alfredo Reinado (AR). Implika ninia natureza politika i Justiça. Politika, tamba: buka hare didiak problema AR ne´e ninia kontextu, oinsa maka mosu? tansa maka mosu? Personagem AR ne´e tamba kasu iha ligasaun direkta ho kestaun legalidade no konstitucionalidade ba decisaun Eis-PM MA nian. Foti problema legalidade tamba: decisaun nebe maka Eis-PM MA foti hodi autoriza F-FDTL ba toma konta Seguransa Nasional iha loron (28/04/2006), kontra Lei tamba PM fo autorizasaun tamba ho mandato oral deit ka la iha surat mandatu ruma, sem iha base legal ruma ka instituisaun estado nian maka hola decisaun ne´e. Konstitucionalidade tamba, decisaun MA nian ne´e kontra ita nia Lei Inan ka Konstituisaun RDTL. Neduni mosu personagem ida Maijor Alfredo Reinado ne´e mosu tamba akontecimentu iha loron (28/04/2006), la iha mandatu ruma ka surat ruma hodi husi ba F-FDTL ba atua iha Taci Tolu no Rai Kotu; la respeitu ba K-RDTL nian, waihira bolu «Força Defesa» ba halo «Segurança» iha Dili maibe la respeitu ba orgaun soberania seluk, hanesan Prezidente Republika nudar «Komandante Supremo Forças Armadas». Neduni se buka resolve problema Alfredo Reinado, buka iha ligasaun ho kausa no efeitu ba KPM ne´e rasik.
7. Problema deslokadus nian. Governo AMP mos fo hanesan periudade konaba Problema deslokadus sira nian. Deslokadus sira, sai hanesan vitima direkta husi KPM, neduni waihira atu buka resolve problema KPM ninia hun, buka mos resolve problema deslokadus sira, oinsa maka fila fali ba sira nia uman. Se fila ba uman, saída maka sira nia relasaun ho sira seluk ka tetangga sira, se sira be uman ahi han, oinsa maka Estado fo tulun ba sira bele halo fila fali uma, no sst.
Problema ida ne´e mos buka didiak faktor sira nebe maka fornece hanesan obstakulos ba buka solusaun.Tamba iha biban II Governo Konstitucional, Eis-Mnistro Seguransa social i trabalho, Arsénio Bano mos buka dalan ba resolve oinsa maka lori deslokadus sira fila ba ida-idak nia fatin. Molok atu lori ninia plano ba oin, buka hetan suporte politika liliu husi Partido Fretilin nebe maka deten maioria iha Parlamento. Kasu ne´e tuir fontes ka sumber iha CCF katak ”Arsénio Bano foti assunto hodi deskuti iha reuniaun CCF nian, maibe hetan obstakulos husi se? Mari Alkatiri rasik, tamba argumenta Mari Alkatiri nian tuir fonte katak sira deslokadus ne´e maka Fretilin lolos”. Neduni Periudade IV GC iha biban badak ba resolve problema deslokadus sira nian mos bele hasoru obstakulos mai rasik husi Partido Oposisaun Fretilin. Kasu deslokadus sira ohin sai fali hanesan instrumentu politika ida ba partido ida, iha kampu deslokadus harii bandeira Fretilin deit iha fati-fatin. Fretilin sei lakohi hare IV GC ne´e ninia sucesso iha kurto prazo ka biban badak ba resolve problema ida ne´e. Estratégia Fretilin nian oinsa maka IV GC ne´e monu iha biban badak, tuir target MA nian ne´e, máximo tinan rua.
8. IV GC la altera politika nebe maka I,II no III GC halao hela, hanesan: Programa kooperasaun bilateral ho Cuba kontinua nafatin, la politiza ka partidariza maquina administrativa, rekonyecimentu ba sira nebe maka hetan formasaunkultural no intelektual husi Universidades ka eskola Indonésia nian. Prova hare husi equipa IV GC ne´e iha abrak liu maka sira nebeforma ka hetan formasaun iha Indonésia, kontrariu ho Governo Mari Alkatiri waihira oinsa maka hakarak afasta sira nebe maka hasae kursu iha Indonésia hodi hasae sloga «Sarjana Supermi», ba Ramos Horta oinsa maka hamis sira be hasae kursu iha Indonésia hodi hasae slogan katak «Mesak Maufehuk deit».
hatutan ba parte II.... »
Lisboa, 16-12-2007
António Ramos Naikoli
Haraik aan, rona malu, labele tau interese privado iha interese nasaun ida nee. Lalika kontra distino ou hukum alam. Ada pemimin ada yang harus dipimpim, ada kecil ada yang besar, ada hitam ada putih, ada malam ada siang, ada pintar ada yang tidak pintar. Ini semu ada disekitar anda. Jangan mencoba melawan hukum alam ini, jika itu yang terjadi maka hidup sebagai manusia dalam populasi Timor leste hanya sebuah mimpi buruk, itu bagaikan hidup dalam penjajahan. Padahal perjuangan untuk merdeka mengusir penjajahan itu tidak muda bung. Lalika buka ida nebe perfeito liu, maibe buka atu tau hamutuk ide nebe oitoan ne hamutuk atu bele perfeito liu. Laiha haraik aan, laiha respeita diferenses idea, laiha rekoinese kibiit aan rasik. laiha hatene aan, hanoin maka naok, estraga maka nasaun ida nee seidauk bele moris hakmatek, i ladauk ukun aan.
ResponderEliminarAdvento diak ida ba ita hotu, ingat, untuk mencari kerusuhan dan permusuhan adalah pekerjaan yang paling gampang, dibanding mencari dan memupuk kehidupan bersama yang damai harmonis oleh karena itu berdamailah sebelum ajalmu tiba karena saling mebunun satu sama lain.
Hakaat ba semana ikus adventu ida nee, ho Natal kamanek nebe atu too dadauk, konfesa didiak, atu nune bele hetan graca no rahun diak ba rain santa ida nee. Rai kiik ida ne nakomu ho Krusifiksu ho statua santa no santu sira nian mais koitadu, hahalok dan atitudo sei dook husi fuan ho aten laran, dame sei dook iha Oan timor nian laran. Esforsu aan makaas atu nune bele hakat ba Tinan foun nebe nakonu ho kbiit no forca Aman Maromak Nian.
LALIKA FOTI AAN, APALAGI SOK PINTAR DAN TAHU, TAPI BELEJARLAH UNTUK SALING MELENGKAPI.
REZA, HALO MEDITASAUN MAKAAS TAMBA NUNE BELE RESOVE PROBLEMA SIRA NEE HO LARAN MALIRIN NO DAME> JANGANLAH MATA DIGANTI DENGAN MATA, TELINGAN DIGANTI DENGAN TELINGA TAPI BELAJARLAH UNTUK SALING MENGAMPUNI TAMPA ITU JANGAN MIMPI DISIANG BOLONG UNTUK DAME. Tidak adanya damai dalam negaramu maka akan memberikan pintu bagi negara lain untuk menjajah kembali kemerdekaanmu yang telah kamu peroleh. Maka jangan kaget bila bila setelah kerusuhan dan peritkaian itu dipakai oleh orang lain untuk mengupas kekayaan mu. Selamat berjuang Timor Leste.