Kaer Rai Los: Justisa Buka La'o Lolos

Tuir lian tatoli husi UNPOL no FSI iha Timor Loro Sae katak Railos kaer ona. Akusasaun husi Ministeriu Publiku (MP) katak "Rai Los ninia envolvimentu iha atake kontra Kuartel F-FDTL iha Tasi Tolu (24/05/2006) iha Krise Politika no Militar nia laran". Rai Los ninia envolvimentu iha KPM ne´e hanesan korelasaun direkta husi kausa ba KPM rasik. Dada fila oinsa maka Mosu Grupo Railos? Tansa maka Grupo Railos envolve iha atake ba kuarte F-FDTL?

Hatan:

Ida (1); Grupo Rai Los, mosu iha kontextu nebe maka Governo Mari Alkatiri/Fretilin hakarak konsolida sira nia poder. Oinsa maka prepara an ba mantem "Estatus Quo", liu husi Kongresso Interna Fretilin iha fulan Maio 2006 no eleisaun legislativa 2007, hare fila fali Esquadrão da Morte de Alkatiri (EMA), hare iha blog Forum Haksesuk edisaun Julho 2006(http://forum-haksesuk.blogspot.com/2006_07_01_archive.html).

Iha lian sasin nebe maka Rai Los hato'o iha Tribunal Dili waihira julgamentu eis-Ministro Interior, Rogerio Tiago Lobato (RTL), Rai Los dehan katak "Molok Kongresso Fretilin iha Fulan Maio 2006, iha loron 08 fulan maio, nia halo surumutuk ho Mari Alkatiri no RTL iha eis-PM Mari Alkatiri ninia residensia (Jornal 24Horas, ediçao 10-02-2007). Neduni Rai Los ho ninia grupo mosu tamba Mari Alkatiri ho RTL maka fo ordem hodi harii, sira maka fo kilat, sira maka fo apoi politika no moral. Lia ikus, sira (Mari Alkatiri ho RTL ) maka autor moral no intelektual waihira harii Grupo servisu sekreta Fretilin nian.

Rua (2), tansa maka grupo Rai Los envolve atake iha kuartel F-FDTL Tasi Tolu (24/05/2006)?

Tamba hanesan resposta ba:

a) Akasaun nebe maka F-FDTL halao hodi ataka kontra manifestantes sira nebe apoiantes F-FDTL Peticionarios iha Tasi Tolu no Rai Kotu iha loron 28-04-2006. Tuir informasaun katak iha biban neba mate emar civil lubun ida, husi versaun F-FDTL Petisaun sira katak "Mate besik 60", maibe husi Governo dehan lae, mate deit nain 5 ka 6. Maibe buka mos kestiona iha deklarasaun nebe maka Cefe Estado Maior F-FDTL Lere Anan Timor ba STL katak "Iha loron 28/04/2006, F-FDTL gasta kilat musan besik 500 no granada musan 3 (STL, 2/05/2006)". Se Kilat musun iha biban neba tiru ba leten ka tiru ba manifestantes sira? Ita la hatene!

b) Aksaun seluk nebe maka halo Rai los sira laran mos tan,waihira atake Milicia armados kontra Familia ida ho nia oan iha uma laran,sunu mutuk (familia pertence ba RTL). Ida ne´e mos provoka reaksaun husi sira Loromono tamba deit sira be mate ne´e husi Loromono.

c) Rai los ho ninia grupos mos hanesan kontra saida maka Governo Mari ALkatiri ho Fretilin ninia hakarak no ambisaun, politiza Forças Armadas no Segurança. Neduni aksaun Rai Los nian hanesan efeitu direktu husi kausa ba Krise Politika Militar (KPM), se maka kausa ba KPM. Hare iha blog FH: http://forum-haksesuk.blogspot.com/2007/04/mari-alkatiri-maka-kausa-no-problema-ba_06.html

Se kaer Rai Los, justisa mos buka lao lolos. Rai Los ba ona, autores morais no intelektuais sira nusa?

Lisboa, 04-10-2007
António Ramos Naikoli