Justika loke RD iha VATICANO ho CPLP? Nusa maka lae iha UK ho CUBA?

Tuir Félix de Jesus ninia hakerek konaba RD iha UK ho CUBA, htan hodi argumenta katak ”HARI KONSULADU DIAK LIU, REP. DIPLOMÁTICA”. Tenik tan Felix katak ”Tuir situasaun nebe Timor hasouru ne´e dificil, ne´e duni prioridade loke RD iha Cuba no UK hela lai hanesan 3ª ka 4ª prioridade”. Iha sorin seluk maluk Basílio Araújo mos foti exemplo konaba Rai Singapura nebe kiik maibe sira la loke sira nia Rep. Diplomatika ih arai balun deit, hanesan iha Europa sira iha deit embaixada ida ka rua maibe representa ba Europa tomak. Hare maluk nain rua nia komentariu no argumento iha FH, HARI KONSULADU DIAK LIU, REP. DIPLOMÁTICA.

Banati ba maluk nain rua ninia argumentu no objektivu husi haksesuk malu konaba tema “Rep. Diplomatika iha UK ho CUBA”, tuir hakarak dehan fila fali katak: Tansaida maka Rai Timor Loro Sae (RTL) nebe kiik maibe foin Ukun ANN deit maibe tenke loke tan Rep. Diplomatika tinan kotuk iha VATICANO no tinan ida ne´e iha CPLP?

Hare argumentu maluk Basílio ho Félix nian,diak liu iha Europa ne´e RTL ninia representasaun ne´e ih arai rua deit to´o ona,Lisboa no Bruzelas.Husi ne´e bele loke serviço konsulado ba fatin seluk.

Maibe tansaida maka tenle loke mos Vaticano? Mos tansaida maka tenke iha mos RD iha CPLP iha Lisboa, enquanto iha Lisboa iha RD RTL ba Portugal. Hare husi pontos de vista eficácia, nusa maka RD RTL ba Portugal bele halao mos servisu ba CPLP.Nusa maka Loke Iha VATICANO, nusa maka la haruka José Amorin Dias iha Bruzelas halo mos servisu ba Vaticano, emvez de loke RD iha VATICANO.

Se kualker razaun hodi justifika ba RD iha Vaticano ho CPLP, neduni mos iha razaun hodi justifika ba loke RD iha UK ho CUBA!

Lisboa, 09-10-2007
António Ramos Naikoli