VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20070814

Oin sá Fretilin Hakribit Violência

REUTERS/Lirio Da Fonseca (EAST TIMOR)To´o minuto ida ne´e ema barak hanoin, daet no laran rua-rua katak Fretilin halo oposisaun uza Violência no Intimidasaun hanesan dalan hodi kontra nia prinsipiu rasik “VIGILÂNCIA MÁXIMA, TOLERÂNCIA ZERO” maski ukun fuan hirak Fretilin halo molok hakat ba eleisaun parlamentar (método Hondt) nebe la hetan apoio husi oposiasun sira, Sistema Proporsional nebe Fretilin rasik defende mak halo lakon Fretilin iha votasaun 30 Junho 2007. Resultado la fó kbi´it naton ba Fretilin hodi ukun, liu-liu, fó mahon seguransa, hakmatek no paz iha povo nia le´et.

Lider no matenek falso

Liderança Fretilin nian hatudu katak sira la sinsero ho sira nia militante sira. Sira subar lia hodi habosok militante sira katak Fretilin manan eleisaun. Presidente Republika mak la bolu sira forma Governo. Ne´e lider irresponsável sira mak koalia hanesan ne´e. Nudar ema matenek labele haluha katak Konstituisaun ne´e iha ISIN(escrita) no KLAMAR (significado). Labele tebe rai deit ho saida mak hakerek maibe mos analisa no interpreta significado husi hakerek hirak ne´e. Iha uma laran ida ema dehan asu labele tama (lei hakerek), labele lori fali karau ka fahi tama, ne´e sala ona (lei-la hakerek). Buat ida hakerek ho la hakerek precisa lao hamutuk.

Kona ba eleisaun foin lalais, Fretilin la simu AMP forma governo tan baruk halo interpretasaun ba artigo 106, no mos haluha katak dalan tolu (partido nebe manan hili PM ou Maioria Parlamentar hatudu PM ou Governo nebe Presidente Repúblika mak harí se dalan rua seluk taka hotu) nebe konstitusionalista sira hakerek iha K-RDTL loke dalan luan ba partido hot-hotu. Ukun Fuan Inan ida nebe ema hotu rekonhese katak Fretilin mak hakerek.

Oin Sá Fretilin hakribit Violensia

Fretilin nia reacção kona ba Presidente Republika nia decisaun forte hanesan partido oposisaun duni maibe laos iha Parlamento, tan ba sá?

1) Fretilin liu husi CCF la koalia lia los ba nia militante sira. Bosok katak Fretilin manan Eleisaun ho Sistema Proporsional, kuitadu (la hanesan ho sistema maioritário).

2) CCF la assume derrota iha Eleisaun Presidencial no Parlamentar, tan lei hirak nebe Fretilin liu husi CCF hakaerek la favorece Fretilin rasik. Tuir lolos Lu´olo ho Marí demite-na ona.

3) Militante sira atu kalma precisa discurso foun no modera Fretilin nia posisaun maibe ida ne´e só lider foun mak bele inverte ka nakfilak situasaun ne´e.

Coimbra, 15.08.2007

Félix Jesus

3 comentários:

  1. Lideres Fretilin nian laiha honestidade intelektual ba nia militante no simpatizante sira hodi kontinua nafatin halo violensia kontra desizaun Presidente da Republika ne'ebe bazeia ba Konstituisaun. Pior liu tan mak Sekretariu Jeral Fretilin nian rekuza atu lori kazu ne'e ba Tribunal, tamba nia hatene katak se lori ba tribunal mos Fretilin sei lakon tamba desizaun ne'ebe Presidente fo sai ne'e tuir ba konstituisaun RDTL nian.

    ResponderEliminar
  2. HALO NUSA ITA HALAKON VIOLENCIA?

    Hau husu deit ba Alin Matenek sira..
    se violencia continua tamba seda?
    iha nebe ita nia FORÇA MILITAR ho POLICIA sira nia poder para atu controlo ba violencia ne ?sira se existe ka lae ona?..i justiza ho tribunal nia função iha nebe nudar nasaun ukun ida?..AGORA SE MAKA KAER PODER IHA TIMOR Lolos , ESTRAGEIRO SIRA KA OU TIMOR OAN SIRA?..
    GOVERNO FOUN NIA ESTRATEGICO NUSA ONA KONA BA VIOLENCIA SIRA NEE. SE FRETILIN ULUK MONU HO VIOLENCIA HOSI PARTIDO SELUK SIRA I AGORA KETA CONTRARIO KARIK ?.
    KETA KULTURA ONA KARIK.
    SE MAKA BELE FO RESPOSTA MAI HAU AGREDECE BARAK.TANBA HAU IHA DUVIDA BARAK LIU KONA BA CRISI NEE.

    MAUN ANTIGO IDA

    TIO BERE KAI

    ResponderEliminar

Nota: só um membro deste blogue pode publicar um comentário.