FH - Liu loron rua nulu ho resin, hahu husi eleisaun legislativa to´o hetan resultadu final, Timor LoroSae (Leste) seidauk iha Governo ka harii IV Governo Konstitucional.
Faktu ne´e implika buat barak ba ita nia emar nia moris lor-loron, tamba sira hein Governo foun ida bele buka dalan ba hadia sira moris no habadak sira terus. Maibe to´o Oras ne´e seidauk iha deit Governo, ne´e sala se nian?
Hatan ba lian litik maka ne´e, Fretilin ho CNRT.
Fretilin, sira maka ukun no sira maka hakerek Konstituisaun RDTL nian, sira rasik maka la interpreta ba K-RDTL rasik, liliu iha ninia artigo 106. Tuir Konstitucionalista sira hotu rekonyece katak iha kontextu Timor LoroSae nian dalan rua ne´e nakloke hotu, tamba Konstituisaun hakere nune duni. Fretilin ninia responsabilidade laos iha interpretasaun ba K-RDTL deit, maibe iha pontu balun tuir mai ne´e: Ida (1), Fretilin la hare hetan katak sei mosu «cenario» ida ne´e, tamba hare husi sira nia diskursu iha kampanye afasta hipotese ida ne´e. Fretilin fiar katak sei manan no ukun mesak, ka la manan, neduni tenke ba oposisaun. Rua (2), Fretilin iha ninia diskursu balun mos rekoneyece Francisco Branco katak ”Se la hetan maioria: pronto ba oposisaun (hare mos: FOROM-HAKSESUK). hatudu mos katak Fretilin mos prepara ba simu «cenario» ida ne´e. Tolu (3), Psikologikamente Fretilin la prepara sira nia militante sira atu oinsa maka bele simu waihira manan eleisaun maibe la forma Governo. Hanesan deklarasaun Francisco Branco nia ba STL katak “Lideransa Fretilin sei publika ba povu maubere katak Fretilin halo ona esforsu makaas atu forma governu, maibe kadeira nebee Fretilin hetan iha eleisaun parlamentar la sufisiensti atu forma governu mesak tuir povu maubere nia hakarak(in STL, 18/07)”. Hat (4), Fretilin mos foin hakarak halo aproximasaun ba Partido oposisaun sira hodi halo koligasaun, maibe nia la prera dala uluk ba «cenario» ida ne´e. Tuir lolos huri uluk kedan Fretilin buka harii dalan ba neba, maibe lae Mari Alkatiri ho ninia grupo nebe domina iha Fretilin iha tinan lima laran buka maka inimigo,menimiza maka oposisaun. Oinsa maka derepente deit Mari Alkatiri simpatico ho PD, hanesan ninia entrevista ba Expresso Online edisaun (06/07) katak “PD mosu hodi haburas demokrasia, maibe CNRT mosu hodi kombate Fretilin“. Se ita halo komparasaun ho kaben nain ida molok sira atu harii uma kain ida, sira nain rua (feto ho mane) buka uluk hatene malu, hafoin ba «Namora» no ikus liu maka kaben. Maibe Fretilin nian ne´e lae, uluk hare malu hanesan busa ho laho, derepente deit hakarak kaben?Kaben iha ne´e (koligasaun).
CNRT nia sala maka nebe?CNRT nia sala, Ida (1), CNRT ne´e se se maka hari? Sira iha CNRT ne´e bele dehan koligasaun ba interesse. Iha ne´e interpreta oi-oin: Interesse poder, interesse ekonomika no interesse oinsa maka buka hatun malu. Interesse ba poder tamba, sira be halai husi partido seluk ba tama CNRT tamba se sira iha PSD, ASDT ka PD la iha dalan oinsa maka bele to´o lalais poder, neduni tama CNRT. Rua (2), CNRT mosu joga ho «imagem» ema ida nian,joga iha Xanana nia imagem,neduni sira fiar katak ho Xanana bele manan maioria absoluta. Tuir Xanana rasik iha ninia entrevista ba Revista Visão, edisaun (26/06) dehan nune: ”Tenho medo de ganhar 80%“. Maibe resultadu povo fo deit 24% ba CNRT. Tolu (3), CNRT mosu oinsa maka atu hamate partido oposisaun sira seluk, liliu PD. CNRT ho Xanana rasik hanoin katak harii CNRT nudar Partido bele hamate rasik partido seluk no liliu PD. Maibe PD resiste no ninia percentagem votos aumenta kualitativa, tamba iha eleisaun ba Assembleia Konstituinte iha tinan 2001, PD hetan kadeira 7 (88), iha eleisaun legislativa 2007 hetan kadeira 8 (65). Tuir especialista Frances nian konaba Politika Sudeste Asiatica rekonyece katak “PD maka alternativa ba Fretilin, laos CNRT (Forum Haksesuk, Junho 2007)”.
Faktor sira ne´e hotu,maka hatudu katak to´o oras ne´e seidauk iha Governo ka seidauk harii IV Konstitucional ne´e sala partido rua nian: CNRT ho Fretilin!
Lisboa, 19/07/2007
Forum Haksesuk
Faktu ne´e implika buat barak ba ita nia emar nia moris lor-loron, tamba sira hein Governo foun ida bele buka dalan ba hadia sira moris no habadak sira terus. Maibe to´o Oras ne´e seidauk iha deit Governo, ne´e sala se nian?
Hatan ba lian litik maka ne´e, Fretilin ho CNRT.
Fretilin, sira maka ukun no sira maka hakerek Konstituisaun RDTL nian, sira rasik maka la interpreta ba K-RDTL rasik, liliu iha ninia artigo 106. Tuir Konstitucionalista sira hotu rekonyece katak iha kontextu Timor LoroSae nian dalan rua ne´e nakloke hotu, tamba Konstituisaun hakere nune duni. Fretilin ninia responsabilidade laos iha interpretasaun ba K-RDTL deit, maibe iha pontu balun tuir mai ne´e: Ida (1), Fretilin la hare hetan katak sei mosu «cenario» ida ne´e, tamba hare husi sira nia diskursu iha kampanye afasta hipotese ida ne´e. Fretilin fiar katak sei manan no ukun mesak, ka la manan, neduni tenke ba oposisaun. Rua (2), Fretilin iha ninia diskursu balun mos rekoneyece Francisco Branco katak ”Se la hetan maioria: pronto ba oposisaun (hare mos: FOROM-HAKSESUK). hatudu mos katak Fretilin mos prepara ba simu «cenario» ida ne´e. Tolu (3), Psikologikamente Fretilin la prepara sira nia militante sira atu oinsa maka bele simu waihira manan eleisaun maibe la forma Governo. Hanesan deklarasaun Francisco Branco nia ba STL katak “Lideransa Fretilin sei publika ba povu maubere katak Fretilin halo ona esforsu makaas atu forma governu, maibe kadeira nebee Fretilin hetan iha eleisaun parlamentar la sufisiensti atu forma governu mesak tuir povu maubere nia hakarak(in STL, 18/07)”. Hat (4), Fretilin mos foin hakarak halo aproximasaun ba Partido oposisaun sira hodi halo koligasaun, maibe nia la prera dala uluk ba «cenario» ida ne´e. Tuir lolos huri uluk kedan Fretilin buka harii dalan ba neba, maibe lae Mari Alkatiri ho ninia grupo nebe domina iha Fretilin iha tinan lima laran buka maka inimigo,menimiza maka oposisaun. Oinsa maka derepente deit Mari Alkatiri simpatico ho PD, hanesan ninia entrevista ba Expresso Online edisaun (06/07) katak “PD mosu hodi haburas demokrasia, maibe CNRT mosu hodi kombate Fretilin“. Se ita halo komparasaun ho kaben nain ida molok sira atu harii uma kain ida, sira nain rua (feto ho mane) buka uluk hatene malu, hafoin ba «Namora» no ikus liu maka kaben. Maibe Fretilin nian ne´e lae, uluk hare malu hanesan busa ho laho, derepente deit hakarak kaben?Kaben iha ne´e (koligasaun).
CNRT nia sala maka nebe?CNRT nia sala, Ida (1), CNRT ne´e se se maka hari? Sira iha CNRT ne´e bele dehan koligasaun ba interesse. Iha ne´e interpreta oi-oin: Interesse poder, interesse ekonomika no interesse oinsa maka buka hatun malu. Interesse ba poder tamba, sira be halai husi partido seluk ba tama CNRT tamba se sira iha PSD, ASDT ka PD la iha dalan oinsa maka bele to´o lalais poder, neduni tama CNRT. Rua (2), CNRT mosu joga ho «imagem» ema ida nian,joga iha Xanana nia imagem,neduni sira fiar katak ho Xanana bele manan maioria absoluta. Tuir Xanana rasik iha ninia entrevista ba Revista Visão, edisaun (26/06) dehan nune: ”Tenho medo de ganhar 80%“. Maibe resultadu povo fo deit 24% ba CNRT. Tolu (3), CNRT mosu oinsa maka atu hamate partido oposisaun sira seluk, liliu PD. CNRT ho Xanana rasik hanoin katak harii CNRT nudar Partido bele hamate rasik partido seluk no liliu PD. Maibe PD resiste no ninia percentagem votos aumenta kualitativa, tamba iha eleisaun ba Assembleia Konstituinte iha tinan 2001, PD hetan kadeira 7 (88), iha eleisaun legislativa 2007 hetan kadeira 8 (65). Tuir especialista Frances nian konaba Politika Sudeste Asiatica rekonyece katak “PD maka alternativa ba Fretilin, laos CNRT (Forum Haksesuk, Junho 2007)”.
Faktor sira ne´e hotu,maka hatudu katak to´o oras ne´e seidauk iha Governo ka seidauk harii IV Konstitucional ne´e sala partido rua nian: CNRT ho Fretilin!
Lisboa, 19/07/2007
Forum Haksesuk
Sem comentários:
Enviar um comentário
Nota: só um membro deste blogue pode publicar um comentário.