VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20070623

BRANCO: FRETILIN PRONTU SAI OPOSISAIUN


Noticia ne´e nia titulo kapaz teb-tebes tanba Fretilin komesa hatudu dau-daun ona ninia maturidade politika hodi rekonhese mos forsa plitica seluk no mos simu resultadu nebe se mosu sai husi Eleisaun Parlamentar 30 de Junho "manan ou lakon"! maibe se ita le´e fali nia konteúdo, liu-liu iha nia konklusaun, ita haré hanesan Franciso Branco dukur tiha mak koalia.

Tuir hau nia haré, Fretilin sei la iha vantagem se hanoin halo koligasaun pos-eleitoral tanba nunka hanoin nune´e iha tinan lima liu ba.se agora hanoin halo aliansa politika, karik bele maibe agora foin hanoin klaro que divergensia ne´e bo´ot duni. Se tinan lima ukun mesak monu tiha mak hader fali maibe ho naran oi-oin ona (Fretilin Maputo, Fretilin Mudansa/renovadora e Undertim) sa tan ukun ho koligasaun nebe prinsipios ideologicos la hanesan...tan ne´e se fretilin opta halo oposisaun, ne´e opsaun diak tan la preparado ba alternativa seluk.

Branco nia oponiaun kona ba partidu sira seluk nebe halo ona koligasaun pré no pos-eleitoral ne´e la liu husi publicidade atu bele hetan votu. tanba partidos nebe halo koligsaun aogra ne´e preparado ona durante tinan lima nia laran. koligasaun nia vantagem no desvantagem sira tetu hotu ona no prevé mos nia possivel konsequensia nebe koligasaun bele produz. Ne´e duni branco nia analise ne´e se halai ba Fretilin ne´e los maibe ho partido hirak nebe halo hela oposiaun to´o aogra preparado tiha ona ba sira nia opsaun politika. Ne´e duni, se koalia Fretilin mak la preparado tan konfia-an ho governo inclusivo nebe nia resultado ema hot-hotu hatene, ne´e los duni.

Buat seluk, mak senhor branco haluha argumenta didiak, koalia deit impactu negativu hodi koligasaun ba desenvolvimentu nasaun maibe la koalia ninia vantagem. governo inclusivo nebe fretilin forma la funsiona 100% maski reforsa tan ho maioria parlamentar.

Deputado sira buka defende deit "pensaun vitalicia" nebe deputado ka governante ida mear deit mos bele halo check-up iha estrangeiro. populasaun atu mate iha aldeia deit mos transporte laiha para lori mai sidade, sosiedade saida mak ita hakarak harí se fo uluk prioridade grupo ida ninia diak, haluha tiha povo nebe mak harí nasaun timor?

Koligasaun ninia vangatem mak forma governu ho ema intelektual sira, ne´e mak governo forte. timor nia emar matenek wit-oan deit, ne´e duni precisa halibur ema hirak ne´e hodi ukun para bele hein jovem hirak nebe prepara-an hela ba 15-20 oin mai. laos forma governo inclusivo ho ema inkompetente barak hafoin halo kampanha tun sae dehan timor quadros laiha. ne´e mak ignoransia politka. tinan 2025, hau haré partidu hot-hotu preparado ona, bele konkorre mes-mesak ba parlamentu hodi ukun basa povo nia moris diak ona wit-oan, ema nebe la hatene hakerek no le´e mos menus ona, povo tomak nia uma iha bé mos no electricidade, emprego la falta. agora, povo barak sei hamlaha, hela iha uma tali no du´ut manlae nia okos, kulchao teb-tebes mos laiha, ema matenek mos wit-oan deit mak partidu ida hakarak ukun mesak...ne´e mak desenvolvimentu la lao. divergencia sei bo´ot liu tan, ida nebe ukun mos sei la dura iha poder leten!

Félix Jesus

Coimbra, 14 de Junho de 2007
Fonde de Comentario foti iha: hametin_pdemocratico@yahoogroups.com

Sem comentários:

Enviar um comentário

Nota: só um membro deste blogue pode publicar um comentário.